Bɔ bɛ̀rɛbaa nɛ 24
24
Lawa lɛ kɔ kɔn la mɛn wɔ ka Izirayeli ni
1Lawa goã á pɛ Muizu ni: «Dii n da masɛ Dɛnaa li, n din ni, Aarɔn nɛ, Nadaabu ni ka Abiu ni, ka Izirayeli nɛnyaanan lɛn *min gole pɔsɔbaa nɛ. Ka daa ka golee sɔsɔɔ, ka n kuməə tán. 2Sɛnɛ, Muizu dinsɔɔ̃ nə n mɔrɔ masɛ Dɛnaa ganaa. Min kɔsɔn kɛn baran n mɔrɔ wa, zaman kɛ sɛ baran dii kun ni duduu dinin wa.»
3Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»
4Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa. 5Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa. 6Muizu tɔɔn mà lɛ a talɛɛ kaa mànan nɛ, a ná a talɛɛ goon kɛ pɛpɛsɛ̃ wúlu bɔ ǹ bǎã lɛ ganaa. 7Á tɔ́n lɛ kɔ kɔn la ǹ boon sɛ́wɔ kɛ saa, á pɛ ka lɛn gole ne zaman lɛ yɔrɔ-a. Izirayeli nɛnyaanan lɛn nə́ pɛ: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ, wɔ á re n too koe a lon.»
8 #
MAT 26.28; MAR 14.24; LUK 22.20; KOR1 11.25; EBR 9.19-20; 10.29. Muizu mà lɛ saa, á pɛpɛsɛ̃ zaman lɛ ganaa, á pɛ: «Dɛnaa lɛ kɔ mɛn wɔ ka ka nɛ, a ná a boon kɔ ka la, kɛ n bɛa sonborebaa nyɛɛ.»
9Muizu dii kele lɛ la bɛ kio, ka Aarɔn nɛ, ka Nadaabu laanka Abiu ni, ka Izirayeli a min gole pɔsɔbaa kɛ nɛ. 10Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn. 11Lawa toa sii baraa kɔ́n bɛa Izirayeli nɛnyaanan min yii guguru-an kɛn lɛn yɛ wa. Ǹ nə́ ga Lawa ganaa, ǹ nə́ wusoo ǹ nə́ màn dɔ bii, ǹ nə́ màn mi.
Muizu a dakɔnlɛ lɛ ka Lawa nɛ
12Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»
13Á yoo, ka a kiodɛnaa Zozoe ne, ǹ nə́ dii Lawa a kele lɛ la. 14Bɛ á zɛnɛɛ, á pɛ min golen lɛn man gɔrɔ: «Ka golee ka n yii da wɔ la kànaa, yǎa wɔ n bɔyɛɛ wɔ die ka yiɛ. Sɛnɛ, Aarɔn laanka Uuru á re goɛ̃ kun ka nɛ, bɛ̀ sii yɔrɔ bɔ tá min mɛn li, a dɔ ǹ li.»
15Á dii kele lɛ la, yǎa tɛmaa nə n kɔ kele lɛ lɛ. 16Dɛnaa a gugurubaa goã Sinayii kele lɛ la, tɛmaa lɛ nə́ n kɔ lɛ miɛ̃, yǎa lɛawaa sɔrɔ. A lɛawaa sɔbaabaa ǹ wɔ li, Dɛnaa nə n toa tɛmaa lɛ bii, á Muizu bíi. 17Izirayeli nɛnyaanan lɛn man nə́ goã Dɛnaa a gugurubaa lɛ yii, ka n pɛ mà tɛ buə̃ gole bɛ́ lɔn kele lɛ mìi ni. 18#TDP 9.9. Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.
Currently Selected:
Bɔ bɛ̀rɛbaa nɛ 24: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 24
24
Lawa lɛ kɔ kɔn la mɛn wɔ ka Izirayeli ni
1Lawa goã á pɛ Muizu ni: «Dii n da masɛ Dɛnaa li, n din ni, Aarɔn nɛ, Nadaabu ni ka Abiu ni, ka Izirayeli nɛnyaanan lɛn *min gole pɔsɔbaa nɛ. Ka daa ka golee sɔsɔɔ, ka n kuməə tán. 2Sɛnɛ, Muizu dinsɔɔ̃ nə n mɔrɔ masɛ Dɛnaa ganaa. Min kɔsɔn kɛn baran n mɔrɔ wa, zaman kɛ sɛ baran dii kun ni duduu dinin wa.»
3Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»
4Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa. 5Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa. 6Muizu tɔɔn mà lɛ a talɛɛ kaa mànan nɛ, a ná a talɛɛ goon kɛ pɛpɛsɛ̃ wúlu bɔ ǹ bǎã lɛ ganaa. 7Á tɔ́n lɛ kɔ kɔn la ǹ boon sɛ́wɔ kɛ saa, á pɛ ka lɛn gole ne zaman lɛ yɔrɔ-a. Izirayeli nɛnyaanan lɛn nə́ pɛ: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ, wɔ á re n too koe a lon.»
8 #
MAT 26.28; MAR 14.24; LUK 22.20; KOR1 11.25; EBR 9.19-20; 10.29. Muizu mà lɛ saa, á pɛpɛsɛ̃ zaman lɛ ganaa, á pɛ: «Dɛnaa lɛ kɔ mɛn wɔ ka ka nɛ, a ná a boon kɔ ka la, kɛ n bɛa sonborebaa nyɛɛ.»
9Muizu dii kele lɛ la bɛ kio, ka Aarɔn nɛ, ka Nadaabu laanka Abiu ni, ka Izirayeli a min gole pɔsɔbaa kɛ nɛ. 10Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn. 11Lawa toa sii baraa kɔ́n bɛa Izirayeli nɛnyaanan min yii guguru-an kɛn lɛn yɛ wa. Ǹ nə́ ga Lawa ganaa, ǹ nə́ wusoo ǹ nə́ màn dɔ bii, ǹ nə́ màn mi.
Muizu a dakɔnlɛ lɛ ka Lawa nɛ
12Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»
13Á yoo, ka a kiodɛnaa Zozoe ne, ǹ nə́ dii Lawa a kele lɛ la. 14Bɛ á zɛnɛɛ, á pɛ min golen lɛn man gɔrɔ: «Ka golee ka n yii da wɔ la kànaa, yǎa wɔ n bɔyɛɛ wɔ die ka yiɛ. Sɛnɛ, Aarɔn laanka Uuru á re goɛ̃ kun ka nɛ, bɛ̀ sii yɔrɔ bɔ tá min mɛn li, a dɔ ǹ li.»
15Á dii kele lɛ la, yǎa tɛmaa nə n kɔ kele lɛ lɛ. 16Dɛnaa a gugurubaa goã Sinayii kele lɛ la, tɛmaa lɛ nə́ n kɔ lɛ miɛ̃, yǎa lɛawaa sɔrɔ. A lɛawaa sɔbaabaa ǹ wɔ li, Dɛnaa nə n toa tɛmaa lɛ bii, á Muizu bíi. 17Izirayeli nɛnyaanan lɛn man nə́ goã Dɛnaa a gugurubaa lɛ yii, ka n pɛ mà tɛ buə̃ gole bɛ́ lɔn kele lɛ mìi ni. 18#TDP 9.9. Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.