رُواْمَاوَا 2
2
حُكُنْثِنْ اللَّهْ دَيْدَيْ نٜىٰ
1سَبُواْدَ حَكَ كَيْ مَيْ حُكُنْتَ وَنِ، بَاكَ دَ وَتَ حُجَّ، كُواْ كَيْ وَنٜىٰنٜىٰ؞ غَمَا أَ سَعَدَّ كَكٜىٰ حُكُنْتَ وَنِ، كَنَ حُكُنْتَ كَنْكَ نٜىٰ، دُواْمِنْ لَيْڢِنْدَ كَكٜىٰ غَنِنْ وَنِ دَشِ، شِينٜىٰ كَيْ مَا كَكٜىٰ عَيْكَتَاوَا؞ #مَتْ 7.1؛ لُكْ 6.37 2مُنْ سَنْ ثٜىٰوَ حُكُنْثِنْ اللَّهْ دَيْدَيْنٜىٰ عَكَنْ وَطَنْدَ سُكٜىٰيِنْ أَبُبُوَنَّنْ؞ 3كَيْ مُتُمْ! غَاشِ كُوَ كَيْ دَ كَنْكَ كَنَ عَيْكَتَ لَيْڢِنَّنْ دَ كَكٜىٰ غَنِنْ وَنِ دَشِ! كَنَ ڟَمَّنِ ذَاكَ كُٻُثٜىٰ وَحُكُنْثِنْ اللَّهْ؟ 4كُواْ كُوَ كَنَ رٜىٰنَ يَوَنْ أَلْحٜىٰرِنْ اللَّهْ دَ حَڧُرِنْسَ دَ رَشِنْ سَوْرِنْ ڢُشِنْ دَ يَكٜىٰيِ غَرٜىٰكَ؟ أَشٜىٰ، بَكَ سَنِ ثٜىٰوَ نُڢِنْ أَلْحٜىٰرِنْ اللَّهْ شِينٜىٰ يَنَ جَٰوُاْكَ غَ تُوبَبَ؟ 5عَمَّا تَدَلِيلِنْ تَوْرِ كَنْ دَ كَكٜىٰيِ دَ تَوْرِنْ ذُوثِيَارْدَ كَكٜىٰ دَشِ، كَنَ تَارَ وَكَنْكَ حُكُنْثِ وَنْدَ يَكٜىٰ جِضَانْكَ أَ رَانَرْ ڢُشِنْ اللَّهْ، أَ لُواْكَثِنْ دَ ذَاعَ بَيَّنَ حُكُنْثِنَّنْ دَيَكٜىٰ بِسَغَ أَدَلْثِنْ اللَّهْ؞ 6اللَّهْ ذَيْسَاكَ وَكُواْوَ بِسَغَ أَيُّكَنْسَ؞ #زَبُو 62.12؛ كَـ مَغْـ 24.12 7أَݣَويْ وَطَنْدَ سُكٜىٰ نٜىٰمَنْ طَوْكَكَ دَ دَرَجَ دَ رَيْ مَرَرْ ڧَارٜىٰوَ تَوُرِنْ نَاثِيَرْسُ غَ عَيْكَتَ أَلْحٜىٰرِ ثِكِنْ حَڧُرِ، سُونٜىٰ كُمَ اللَّهْ ذَيْسَاكَ مُسُ دَ رَيْ نَهَرْ أَبَدَا؞ 8عَمَّا وَطَنْدَ سُكٜىٰ مَاسُ سُوانْكَيْ، وَطَنْدَ سُكٜىٰ ڧِنْ غَسْكِيَ سُكٜىٰ كُمَيِنْ مُغُنْتَا، ذَاعَ سَاكَ مُسُ دَ ڢُشِے دَ كُمَ هَوْشِ؞ 9عَذَابَ دَ وَهَلَ سُونٜىٰ سُكٜىٰ جِضَانْ كُواْوَنٜىٰ مُتُمْ مَيْ عَيْكَتَ مُغُنْتَادَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞ 10عَمَّا دُكْ مَيْ عَيْكَتَ نَغَرْتَا ذَيْسَامِ طَوْكَكَ دَ غِرْمَ دَ سَلَمَ دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞ 11غَمَا اللَّهْ بَمَيْ نُونَ بَمْبَنْثِ بَنٜىٰ؞#مَيْ شَـ 10.17
12دُكْ مَاسُ يِنْ ذُنُوبِ بَاتَرٜىٰدَ سَنِنْ كُواْيَرْوَرْ مُوسَٰى بَ، ذَاسُ هَلَّكَ بَاتَرٜىٰدَ كُواْيَرْوَرْ بَ، عَمَّا دُكْ مَاسُ يِنْ ذُنُوبِ ثِكِنْ سَنِنْ كُواْيَرْوَرْ، ذَاعَ حُكُنْتَسُ بِسَغَ كُواْيَرْوَرْ؞ 13غَمَا بَجِنْ كُواْيَرْوَرْ كَوَيْ شِينٜىٰ يَكَنْسَا مُتَنٜىٰ سُذَمَ دَ أَدَلْثِے أَغَبَنْ اللَّهْ بَ، عَمَّا يِنْ بِيَيَّ دَ كُواْيَرْوَرْ شِينٜىٰ يَكَنْسَا أَ عِيَثٜىٰ دَسُو مَاسُ أَدَلْثِے؞ 14وَطَنْدَ بَا يَهُودَاوَا بَ بَاسُدَ كُواْيَرْوَرْ مُوسَٰى؞ دُكْدَهَكَ وَنِ لُواْكَثِ سُنَيِنْ أَبِنْدَ كُواْيَرْوَرْ تَعُمَرْتَ، بِسَغَ أَبِنْدَ ظُكَاتَنْسُ سُنْبَاسُ؞ أَشٜىٰ كُوَ، مَرَسَ كُواْيَرْوَرْ نَنْ سُنَدَ كُواْيَرْوَا تَاسُ كٜىٰنَنْ؞ 15أَيُّكَنْسُ سُنْ نُونَ ثٜىٰوَ أَبِنْدَ كُواْيَرْوَرْ تَثٜىٰ عَيِ يأَنَانً أَرُبُوثٜىٰ ثِكِنْ ظُكَاتَنْسُ؞ عَثِكِنْ تُنَانِنْ ظُكَاتَنْسُ كُوَ أَݣَويْ شَيْدَ غَمٜىٰدَ وَنَّنْ، غَمَا تُنَانِنْسُ يَكَنْ سَامٜىٰسُ دَ لَيْڢِے أَوَنِ لُواْكَثِ، أَوَنِ لُواْكَثِ كُمَ بَايَ سَامُنْسُ دَ لَيْڢِے؞ 16سَبُواْدَ حَكَ، كَمَرْ يَدَّ لَابَرِ مَيْ دَاطِنَّنْ دَ نَكٜىٰ وَعَظِنْسَ يَكٜىٰ ڢَطَا، حَكَ ذَيْ ذَمَ أَ رَانَرْ دَ اللَّهْ تَوُرِنْ أَلْمَسِيحُ عِيسَىٰ ذَيْ شَرْعَنْتَ دُكَنْ أَبُبُوَنْ دَسُكٜىٰ عَٻُواْيٜىٰ عَتُنَانِنْ مُتَنٜىٰ؞
يَهُودَاوَا دَ كُواْيَرْوَرْ مُوسَٰى
17تُواْ، كَيْ مَيْثٜىٰ دَكَنْكَ بَيَهُودٜىٰ ڢَا؟ كَنَ دُواْغَضَ غَ كُواْيَرْوَرْ مُوسَٰى، كَنَ كُمَ تَاڧَمَ دَ دَنْغَنْتَكَرْكَ دَ اللَّهْ، 18كَنَ ثٜىٰوَ وَيْ كَسَنْ نُڢِنْ اللَّهْ، كُمَ كَنَدَ غَانٜىٰوَ بِسَغَ كُواْيَرْوَرْ مُوسَٰى يَدَّ ذَاكَ ذَاٻِ أَبِنْدَ يَكٜىٰ دَيْدَيْ؞ 19كَاأَمِنْثٜىٰ كَيْ كَنْكَ كَيْ مَيْ جَغُواْرَنْ مَكَاڢِنٜىٰ، حَصْكٜىٰ غَ وَطَنْدَ سُكٜىٰ ثِكِنْ دُهُ، 20مَيْكُواْيَرْ دَ وَوَيٜىٰ كُمَ مَلَمِ غَ مَاسُ تُنَانِنْ يَارَا؞ غَمَا كَا تَبَّتَرْ ثٜىٰوَ عَثِكِنْ كُواْيَرْوَرْ مُوسَٰى نٜىٰ كَنَدَ ثِكَكّٜىٰنْ سَنِ دَ عَيْنِحِنْ غَسْكِيَ؞ 21تُواْ، كَيْ مَيْكُواْيَاوَ وَطَنْسُ، كَكُواْيَ وَكَنْكَ مَنَ! كَيْ مَيْيِنْ وَعَظِ ثٜىٰوَ كَدَ عَيِسَاتَا، كَيْ بَاكَسَاتَا؟ 22كَيْ مَيْ ثٜىٰوَ كَدَ عَيِ ظِنَ، بَاكَيِنْ ظِنَ؟ كَيْ مَيْ ڨَمَرْ غُمَكَ، بَاكَسَاتَادَغَ هَيْكَلِنْ غُمَكَ؟ 23كَيْ مَيْ تَاڧَمَ دَ كُواْيَرْوَرْ مُوسَٰى، بَكَ ٻَاتَ سُونَنْ اللَّهْ تَوَجٜىٰنْ كَرْيَ كُواْيَرْوَرْسَبَ؟ 24كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ «سَبُواْدَكُو يَهُودَاوَا عَكٜىٰيِنْ مَغَنَرْ صَاٻُواْ غَمٜىٰدَ سُونَنْ اللَّهْ عَثِكِنْ وَطَنْدَ بَا يَهُودَاوَا بَ؞» #عِشـ 52.5
25عِدَنْ كَنَ بِيَيَّ دَ كُواْيَرْوَرْ مُوسَٰى، كَاثِيَرْكَ تَنَدَ أَمْڢَانِ كٜىٰنَنْ؞ عَمَّا عِدَنْ رَشِنْ بِيَيَّ كَكٜىٰيِ غَ كُواْيَرْوَرْ مُوسَٰى، ذَيْ ذَمَ كَمَرْ بَعَيِ مَكَ كَاثِيَبَ؞ 26أَشٜىٰ عِدَنْ وَطَنْدَ بَا مَاسُ كَاثِيَبَ سُنَ عَيْكَتَ أَبِنْدَ كُواْيَرْوَرْ مُوسَٰى تَثٜىٰ عَيِ، اللَّهْ بَذَيْ طَوْكٜىٰسُ كَمَرْ مَاسُ كَاثِيَ كٜىٰنَنْ بَ؟ 27وَطَنْدَ سُو بَا مَاسُ كَاثِيَ بَنٜىٰ أَجِكِے عَمَّا سُنَ عَيْكَتَ أَبِنْدَ كُواْيَرْوَرْ تَثٜىٰ عَيِ، ذَاسُيِ مَكَ حُكُنْثِ، كَيْ دَ كَكٜىٰ دَ كُواْيَرْوَرْ مُوسَٰى أَرُبُوثٜىٰ، مَيْ كَاثِيَ كُمَ، عَمَّا كَنَ كَرْيَ كُواْيَرْوَرْ؞
28غَمَا بَيَهُودٜىٰ نَغَسْكٜىٰ بَمُتُمْنٜىٰ وَنْدَ يَكٜىٰ بَيَهُودٜىٰ بِسَغَ جِكِے كُرُمْ بَ، كُمَ كَاثِيَ تَعَّيْنِحِ بَبِسَغَ عَلَمَرْ جِكِے تَكٜىٰ كُواْ تَيَنْكَنْ ڢَتَبَ؞ 29أَ مَيْمَكُوانْ حَكَ، بَيَهُودٜىٰ نَغَسْكٜىٰ شِينٜىٰ وَنْدَ يَكٜىٰ بَيَهُودٜىٰ أَ ذُوثِيَا، كُمَ كَاثِيَ تَغَسْكٜىٰ عِتَثٜىٰ كَاثِيَ تَذُوثِيَا، وَتُواْ أَبِنْدَ رُوحُ نٜىٰ يَيِ، بَتَوُرِنْ كُواْيَرْوَرْ دَ عَكَ رُبُوتَ بَ؞ إِرِنْ وَنَّنْ مُتُمْ كُوَ اللَّهْ نٜىٰ يَكَنْيِ مَسَ يَبُواْ، بَطَنْ أَدَمْ بَ؞ #مَيْ شَـ 30.6
Currently Selected:
رُواْمَاوَا 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
رُواْمَاوَا 2
2
حُكُنْثِنْ اللَّهْ دَيْدَيْ نٜىٰ
1سَبُواْدَ حَكَ كَيْ مَيْ حُكُنْتَ وَنِ، بَاكَ دَ وَتَ حُجَّ، كُواْ كَيْ وَنٜىٰنٜىٰ؞ غَمَا أَ سَعَدَّ كَكٜىٰ حُكُنْتَ وَنِ، كَنَ حُكُنْتَ كَنْكَ نٜىٰ، دُواْمِنْ لَيْڢِنْدَ كَكٜىٰ غَنِنْ وَنِ دَشِ، شِينٜىٰ كَيْ مَا كَكٜىٰ عَيْكَتَاوَا؞ #مَتْ 7.1؛ لُكْ 6.37 2مُنْ سَنْ ثٜىٰوَ حُكُنْثِنْ اللَّهْ دَيْدَيْنٜىٰ عَكَنْ وَطَنْدَ سُكٜىٰيِنْ أَبُبُوَنَّنْ؞ 3كَيْ مُتُمْ! غَاشِ كُوَ كَيْ دَ كَنْكَ كَنَ عَيْكَتَ لَيْڢِنَّنْ دَ كَكٜىٰ غَنِنْ وَنِ دَشِ! كَنَ ڟَمَّنِ ذَاكَ كُٻُثٜىٰ وَحُكُنْثِنْ اللَّهْ؟ 4كُواْ كُوَ كَنَ رٜىٰنَ يَوَنْ أَلْحٜىٰرِنْ اللَّهْ دَ حَڧُرِنْسَ دَ رَشِنْ سَوْرِنْ ڢُشِنْ دَ يَكٜىٰيِ غَرٜىٰكَ؟ أَشٜىٰ، بَكَ سَنِ ثٜىٰوَ نُڢِنْ أَلْحٜىٰرِنْ اللَّهْ شِينٜىٰ يَنَ جَٰوُاْكَ غَ تُوبَبَ؟ 5عَمَّا تَدَلِيلِنْ تَوْرِ كَنْ دَ كَكٜىٰيِ دَ تَوْرِنْ ذُوثِيَارْدَ كَكٜىٰ دَشِ، كَنَ تَارَ وَكَنْكَ حُكُنْثِ وَنْدَ يَكٜىٰ جِضَانْكَ أَ رَانَرْ ڢُشِنْ اللَّهْ، أَ لُواْكَثِنْ دَ ذَاعَ بَيَّنَ حُكُنْثِنَّنْ دَيَكٜىٰ بِسَغَ أَدَلْثِنْ اللَّهْ؞ 6اللَّهْ ذَيْسَاكَ وَكُواْوَ بِسَغَ أَيُّكَنْسَ؞ #زَبُو 62.12؛ كَـ مَغْـ 24.12 7أَݣَويْ وَطَنْدَ سُكٜىٰ نٜىٰمَنْ طَوْكَكَ دَ دَرَجَ دَ رَيْ مَرَرْ ڧَارٜىٰوَ تَوُرِنْ نَاثِيَرْسُ غَ عَيْكَتَ أَلْحٜىٰرِ ثِكِنْ حَڧُرِ، سُونٜىٰ كُمَ اللَّهْ ذَيْسَاكَ مُسُ دَ رَيْ نَهَرْ أَبَدَا؞ 8عَمَّا وَطَنْدَ سُكٜىٰ مَاسُ سُوانْكَيْ، وَطَنْدَ سُكٜىٰ ڧِنْ غَسْكِيَ سُكٜىٰ كُمَيِنْ مُغُنْتَا، ذَاعَ سَاكَ مُسُ دَ ڢُشِے دَ كُمَ هَوْشِ؞ 9عَذَابَ دَ وَهَلَ سُونٜىٰ سُكٜىٰ جِضَانْ كُواْوَنٜىٰ مُتُمْ مَيْ عَيْكَتَ مُغُنْتَادَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞ 10عَمَّا دُكْ مَيْ عَيْكَتَ نَغَرْتَا ذَيْسَامِ طَوْكَكَ دَ غِرْمَ دَ سَلَمَ دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞ 11غَمَا اللَّهْ بَمَيْ نُونَ بَمْبَنْثِ بَنٜىٰ؞#مَيْ شَـ 10.17
12دُكْ مَاسُ يِنْ ذُنُوبِ بَاتَرٜىٰدَ سَنِنْ كُواْيَرْوَرْ مُوسَٰى بَ، ذَاسُ هَلَّكَ بَاتَرٜىٰدَ كُواْيَرْوَرْ بَ، عَمَّا دُكْ مَاسُ يِنْ ذُنُوبِ ثِكِنْ سَنِنْ كُواْيَرْوَرْ، ذَاعَ حُكُنْتَسُ بِسَغَ كُواْيَرْوَرْ؞ 13غَمَا بَجِنْ كُواْيَرْوَرْ كَوَيْ شِينٜىٰ يَكَنْسَا مُتَنٜىٰ سُذَمَ دَ أَدَلْثِے أَغَبَنْ اللَّهْ بَ، عَمَّا يِنْ بِيَيَّ دَ كُواْيَرْوَرْ شِينٜىٰ يَكَنْسَا أَ عِيَثٜىٰ دَسُو مَاسُ أَدَلْثِے؞ 14وَطَنْدَ بَا يَهُودَاوَا بَ بَاسُدَ كُواْيَرْوَرْ مُوسَٰى؞ دُكْدَهَكَ وَنِ لُواْكَثِ سُنَيِنْ أَبِنْدَ كُواْيَرْوَرْ تَعُمَرْتَ، بِسَغَ أَبِنْدَ ظُكَاتَنْسُ سُنْبَاسُ؞ أَشٜىٰ كُوَ، مَرَسَ كُواْيَرْوَرْ نَنْ سُنَدَ كُواْيَرْوَا تَاسُ كٜىٰنَنْ؞ 15أَيُّكَنْسُ سُنْ نُونَ ثٜىٰوَ أَبِنْدَ كُواْيَرْوَرْ تَثٜىٰ عَيِ يأَنَانً أَرُبُوثٜىٰ ثِكِنْ ظُكَاتَنْسُ؞ عَثِكِنْ تُنَانِنْ ظُكَاتَنْسُ كُوَ أَݣَويْ شَيْدَ غَمٜىٰدَ وَنَّنْ، غَمَا تُنَانِنْسُ يَكَنْ سَامٜىٰسُ دَ لَيْڢِے أَوَنِ لُواْكَثِ، أَوَنِ لُواْكَثِ كُمَ بَايَ سَامُنْسُ دَ لَيْڢِے؞ 16سَبُواْدَ حَكَ، كَمَرْ يَدَّ لَابَرِ مَيْ دَاطِنَّنْ دَ نَكٜىٰ وَعَظِنْسَ يَكٜىٰ ڢَطَا، حَكَ ذَيْ ذَمَ أَ رَانَرْ دَ اللَّهْ تَوُرِنْ أَلْمَسِيحُ عِيسَىٰ ذَيْ شَرْعَنْتَ دُكَنْ أَبُبُوَنْ دَسُكٜىٰ عَٻُواْيٜىٰ عَتُنَانِنْ مُتَنٜىٰ؞
يَهُودَاوَا دَ كُواْيَرْوَرْ مُوسَٰى
17تُواْ، كَيْ مَيْثٜىٰ دَكَنْكَ بَيَهُودٜىٰ ڢَا؟ كَنَ دُواْغَضَ غَ كُواْيَرْوَرْ مُوسَٰى، كَنَ كُمَ تَاڧَمَ دَ دَنْغَنْتَكَرْكَ دَ اللَّهْ، 18كَنَ ثٜىٰوَ وَيْ كَسَنْ نُڢِنْ اللَّهْ، كُمَ كَنَدَ غَانٜىٰوَ بِسَغَ كُواْيَرْوَرْ مُوسَٰى يَدَّ ذَاكَ ذَاٻِ أَبِنْدَ يَكٜىٰ دَيْدَيْ؞ 19كَاأَمِنْثٜىٰ كَيْ كَنْكَ كَيْ مَيْ جَغُواْرَنْ مَكَاڢِنٜىٰ، حَصْكٜىٰ غَ وَطَنْدَ سُكٜىٰ ثِكِنْ دُهُ، 20مَيْكُواْيَرْ دَ وَوَيٜىٰ كُمَ مَلَمِ غَ مَاسُ تُنَانِنْ يَارَا؞ غَمَا كَا تَبَّتَرْ ثٜىٰوَ عَثِكِنْ كُواْيَرْوَرْ مُوسَٰى نٜىٰ كَنَدَ ثِكَكّٜىٰنْ سَنِ دَ عَيْنِحِنْ غَسْكِيَ؞ 21تُواْ، كَيْ مَيْكُواْيَاوَ وَطَنْسُ، كَكُواْيَ وَكَنْكَ مَنَ! كَيْ مَيْيِنْ وَعَظِ ثٜىٰوَ كَدَ عَيِسَاتَا، كَيْ بَاكَسَاتَا؟ 22كَيْ مَيْ ثٜىٰوَ كَدَ عَيِ ظِنَ، بَاكَيِنْ ظِنَ؟ كَيْ مَيْ ڨَمَرْ غُمَكَ، بَاكَسَاتَادَغَ هَيْكَلِنْ غُمَكَ؟ 23كَيْ مَيْ تَاڧَمَ دَ كُواْيَرْوَرْ مُوسَٰى، بَكَ ٻَاتَ سُونَنْ اللَّهْ تَوَجٜىٰنْ كَرْيَ كُواْيَرْوَرْسَبَ؟ 24كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ «سَبُواْدَكُو يَهُودَاوَا عَكٜىٰيِنْ مَغَنَرْ صَاٻُواْ غَمٜىٰدَ سُونَنْ اللَّهْ عَثِكِنْ وَطَنْدَ بَا يَهُودَاوَا بَ؞» #عِشـ 52.5
25عِدَنْ كَنَ بِيَيَّ دَ كُواْيَرْوَرْ مُوسَٰى، كَاثِيَرْكَ تَنَدَ أَمْڢَانِ كٜىٰنَنْ؞ عَمَّا عِدَنْ رَشِنْ بِيَيَّ كَكٜىٰيِ غَ كُواْيَرْوَرْ مُوسَٰى، ذَيْ ذَمَ كَمَرْ بَعَيِ مَكَ كَاثِيَبَ؞ 26أَشٜىٰ عِدَنْ وَطَنْدَ بَا مَاسُ كَاثِيَبَ سُنَ عَيْكَتَ أَبِنْدَ كُواْيَرْوَرْ مُوسَٰى تَثٜىٰ عَيِ، اللَّهْ بَذَيْ طَوْكٜىٰسُ كَمَرْ مَاسُ كَاثِيَ كٜىٰنَنْ بَ؟ 27وَطَنْدَ سُو بَا مَاسُ كَاثِيَ بَنٜىٰ أَجِكِے عَمَّا سُنَ عَيْكَتَ أَبِنْدَ كُواْيَرْوَرْ تَثٜىٰ عَيِ، ذَاسُيِ مَكَ حُكُنْثِ، كَيْ دَ كَكٜىٰ دَ كُواْيَرْوَرْ مُوسَٰى أَرُبُوثٜىٰ، مَيْ كَاثِيَ كُمَ، عَمَّا كَنَ كَرْيَ كُواْيَرْوَرْ؞
28غَمَا بَيَهُودٜىٰ نَغَسْكٜىٰ بَمُتُمْنٜىٰ وَنْدَ يَكٜىٰ بَيَهُودٜىٰ بِسَغَ جِكِے كُرُمْ بَ، كُمَ كَاثِيَ تَعَّيْنِحِ بَبِسَغَ عَلَمَرْ جِكِے تَكٜىٰ كُواْ تَيَنْكَنْ ڢَتَبَ؞ 29أَ مَيْمَكُوانْ حَكَ، بَيَهُودٜىٰ نَغَسْكٜىٰ شِينٜىٰ وَنْدَ يَكٜىٰ بَيَهُودٜىٰ أَ ذُوثِيَا، كُمَ كَاثِيَ تَغَسْكٜىٰ عِتَثٜىٰ كَاثِيَ تَذُوثِيَا، وَتُواْ أَبِنْدَ رُوحُ نٜىٰ يَيِ، بَتَوُرِنْ كُواْيَرْوَرْ دَ عَكَ رُبُوتَ بَ؞ إِرِنْ وَنَّنْ مُتُمْ كُوَ اللَّهْ نٜىٰ يَكَنْيِ مَسَ يَبُواْ، بَطَنْ أَدَمْ بَ؞ #مَيْ شَـ 30.6
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020