عَمُواسْ 1
1
1أَ زَامَانِنْ دَ سَرْكِے عُزِّيَ يَكٜىٰ مُلْكِ أَ يَهُودَ، كُمَ سَرْكِے يٜىٰرُواْبُواْوَمْ طَنْ يُواْوَشْ يَكٜىٰ مُلْكِ عَ إِسْرَٰٓءِيلَ، أَنَّبِے عَمُواسْ يَڢَطِ مَغَنَرْ دَ يَهْوٜىٰهْ يَغَيَ مَسَ غَمٜىٰدَ إِسْرَٰٓءِيلَ؞ عَمُواسْ طَيَنٜىٰ دَغَ ثِكِنْ مَكِيَايَنْ تُمَكِ نَغَرِنْ تٜىٰكُواْوَ؞ عَمُواسْ يَيِ مَغَنَرْ نَنْ، تُنْ شٜىٰكَرَا بِيُ كَاڢِنْ عَيِ ضَوَرْ ڧَسَا؞#2 سَرْ 15.1-7؛ 2 تَارْ 26.1-23؛ 2 سَرْ 14.23-29
2عَمُواسْ يَثٜىٰ،#يُواوْ 3.16
«دَغَ سِهِيُواْنَ، يَهْوٜىٰهْ يَنَ رُورِ،
دَغَ عُرُوشَلِيمَ، مُرْيَرْسَ تَنَيِنْ ڟَاوَ؞
ڢِلَيٜىٰنْ ثِيَوَرْ مَاسُ كِيوُاْ سُنْ بُوشٜىٰ،
كَنْ بَبَّنْ تُدُنْ كَرْمٜىٰلْ كُمَ يَبُوشٜىٰ؞»
حُكُنْثِنْ ڧَسَرْ سُورِيَ
3إِنْجِ يَهْوٜىٰهْ،
«مُتَنٜىٰنْ دِمَشْڧُ سُنْيِ ذُنُوبِنْ غَنْغَنْثِ،
سُكَڧَارَ ذُنُوبِ عَكَنْ ذُنُوبِ؞
بَذَنْ دَيْنَ حُكُنْتَسُبَ،
غَمَا سُنْبُغِ مُتَنٜىٰنْ غِلٜىٰيَدْ
دَ سَنْدَنْ ڧَرْڢٜىٰ كَمَرْ سُو حَڟِنٜىٰ؞#عِشـ 17.1-3؛ إِرْمِ 49.23-27؛ زَكْ 9.1
4دُواْمِنْ حَكَ، ذَنْعَيْكَدَ وُتَا
ثِكِنْ غِدَنْ هَظَيٜىٰلْ،
وُتَرْ ذَاتَ ثِنْيٜىٰ وُرَارٜىٰنْ ٻُيَ
نَ سَرْكِے بٜىٰنْهَدَدْ؞
5ذَنْ كَكَّرْيَ ڧَرَڢَنْ ڧُواْڢَرْ دِمَشْڧُ،
إِنْكَوَرْدَ مَذَوْنَنْ ݣُورِنْ أَوٜىٰنْ؞
ذَنْ كَشٜىٰ سَرْكِنْ بٜىٰتٜىٰدٜىٰنْ،
مُتَنٜىٰنْ سُورِيَ كُوَ ذَاسُ تَڢِے بَوْتَا
عَڧَسَرْ كِرْ؞
نِے يَهْوٜىٰهْ، نَا ڢَطَا؞»
حُكُنْثِنْ ڧَسَرْ ڢِلِسْتِيَ
6إِنْجِ يَهْوٜىٰهْ،
«مُتَنٜىٰنْ غَاظَ سُنْيِ ذُنُوبِنْ غَنْغَنْثِ،
سُكَڧَارَ ذُنُوبِ عَكَنْ ذُنُوبِ؞
بَذَنْ دَيْنَ حُكُنْتَسُبَ،
غَمَا سُنْ ݣُوشِ جَمَعَ دُكَ ذُوَا بَوْتَا،
سُنْ سَيَرْ دَسُو بَايِ عَڧَسَرْ عٜىٰدُوامْ؞#عِشـ 14.29-31؛ إِرْمِ 47.1-7؛ هِظْ 25.15-17؛ يُواوْ 3.4-8؛ زَڢـ 2.4-7؛ زَكْ 9.5-7
7دُواْمِنْ حَكَ، نِے ذَنْ عَيْكَ دَ وُتَا
عَكَنْ كَتَنْغَرْ غَاظَ،
وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ؞
8ذَنْ كَوَرْدَ مَذَوْنَنْ أَشْدُوادْ،
تَرٜىٰدَ سَرْكِنْ أَشْكٜىٰلُوانْ؞
هَنُّونَ ذَيْ يِغَابَادَ عٜىٰكْرُوانْ،
ضَغُواْوَرْ ڢِلِسْتِيَ ذَاسُ هَلَّكَ!
نِے عُبَنْغِجِ يَهْوٜىٰهْ نَا ڢَطَا؞»
حُكُنْثِنْ ڧَسَرْ تَيَ
9إِنْجِ يَهْوٜىٰهْ،
«مُتَنٜىٰنْ تَيَ سُنْيِ ذُنُوبِنْ غَنْغَنْثِ،
سُكَڧَارَ ذُنُوبِ عَكَنْ ذُنُوبِ؞
بَذَنْ دَيْنَ حُكُنْتَسُبَ،
غَمَا سُنْ ݣُوشِ جَمَعَ دُكَ ذُوَا بَوْتَا،
سُنْ سَيَرْ دَسُو بَايِ عَڧَسَرْ عٜىٰدُوامْ؞
بَسُ كُمَ تُنَ دَ يَرْجٜىٰجٜىٰنِيَ
تَیَنْعُوَبَ؞#عِشـ 23.1-18؛ هِظْ 26.1—28.19؛ يُواوْ 3.4-8؛ زَكْ 9.1-4؛ مَتْ 11.21-22؛ لُكْ 10.13-14
10دُواْمِنْ حَكَ، نِے ذَنْ عَيْكَ دَ وُتَا
عَكَنْ كَتَنْغَرْ تَيَ،
وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ؞»
حُكُنْثِنْ ڧَسَرْ عٜىٰدُوامْ
11إِنْجِ يَهْوٜىٰهْ،
«مُتَنٜىٰنْ عٜىٰدُوامْ سُنْيِ ذُنُوبِنْ غَنْغَنْثِ،
سُكَڧَارَ ذُنُوبِ عَكَنْ ذُنُوبِ؞
بَذَنْ دَيْنَ حُكُنْتَسُبَ،
دُواْمِنْ سُنْبِے طَنْعُوَنْسُ دَ تَكُواْبِے،
سُنْ بِے إِسْرَٰٓءِيلَ بَابُ تَوْسَيِ؞
ڢُشِنْ مُتَنٜىٰنْ عٜىٰدُوامْ يَيِ تَهَوْكَ،
سُنْ رِڧٜىٰ ڢُشِنْسُ كَمْكَمْ؞#عِشـ 34.5-17؛ 63.1-6؛ إِرْمِ 49.7-22؛ هِظْ 25.12-14؛ 35.1-15؛ عُواْبَدْ 1-14؛ مَلْ 1.2-5
12دُواْمِنْ حَكَ، نِے ذَنْ عَيْكَ دَ وُتَا
عَكَنْ تٜىٰمَنْ،
وُتَرْ ذَاتَ ثِنْيٜىٰ وُرَارٜىٰنْ ٻُيَنْ بُواظْرَ؞»
حُكُنْثِنْ ڧَسَرْ غِلٜىٰيَدْ
13إِنْجِ يَهْوٜىٰهْ،
«مُتَنٜىٰنْ أَمُّوانْ سُنْيِ ذُنُوبِنْ غَنْغَنْثِ،
سُكَڧَارَ ذُنُوبِ عَكَنْ ذُنُوبِ؞
بَذَنْ دَيْنَ حُكُنْتَسُبَ،
سَبُواْدَ سُنْ ڟَڟَّٰغَ مَاتَا مَاسُثِكِ
عَيَنْكِنْ غِلٜىٰيَدْ،
دُواْمِنْ سُڧَارَ إِيَاكَرْ ڧَسَرْسُ؞#إِرْمِ 49.1-6؛ هِظْ 21.28-32؛ 25.1-7؛ زَڢـ 2.8-11
14دُواْمِنْ حَكَ، نِے ذَنْ كُنَّ وُتَا
عَكَنْ كَتَنْغَرْ رَبَّهْ،
وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ،
ذَاعَيِ إِيهُ أَ رَانَرْ يَاڧِ،
كَمَرْ إِسْكَ دَ غُوغُوَ مَيْ ٻَرْنَ؞
15سَرْكِنْسُ كُوَ ذَيْ تَڢِے بَوْتَا،
شِے دَ دَتَّاوَنْسَ دُكَ؞
نِے يَهْوٜىٰهْ نَا ڢَطَا؞»
Currently Selected:
عَمُواسْ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
