أَيُّكَنْ مَنْذَنِّے 28
28
بُلُسْ عَڟِبِرِنْ مَلْتَ
1بَايَنْدَ مُكَ ڟِيرَا سَيْ مُكَجِ، أَشٜىٰ، سُونَنْ ڟِبِرِنَّنْ مَلْتَ نٜىٰ؞ 2مُتَنٜىٰنْ وُرِنْ كُوَ سُنْيِ مَنَ أَلْحٜىٰرِ ڨُورَيْ دَ غَسْكٜىٰ؞ سَيْ سُكَ كَرْٻٜىٰمُ دُكَ، سُكَ هُورَ مَنَ وُتَا غَمَا أَنَ ضُوَ أَنَ كُمَ سَنْيِ؞ 3بُلُسْ يَتَتَّارُواْ إِتَاثٜىٰ يَنَ سَاوَا أَوُتَرْ، سَيْ وَنِ مَثِيجِ مَيْ دَڢِ يَڢِتُواْ سَبُواْدَ ذَاڢِنْ وُتَرْ، يَثَڢْكٜىٰ حَنُّنْ بُلُسْ؞ 4دَ مُتَنٜىٰنْ وُرِنْ سُكَغَ مَثِيجِنْ يَنَ لِلُواْ أَ حَنُّنْ بُلُسْ، سَيْ سُكَثٜىٰ وَجُونَنْسُ «لَلَّيْ مُتُمِنَّنْ مَيْ كِسَنْ كَيْنٜىٰ! غَاشِ، كُواْدَيَكٜىٰ يَڟِيرَا دَغَ تٜىٰكُ، دُكْدَهَكَ أَلْحَكِ يَنَ بِنْسَ سَيْ يَمُتُ؞» 5بُلُسْ كُوَ يَجِجِّغَ حَنُّنْسَ يَجٜىٰڢَ مَثِيجِنْ ثِكِنْ وُتَا، بَيْ كُوَجِ ثِيوُاْبَ؞ 6سُنَ ڟَمَّنِ ذَيْ كُمْبُرَ كُواْ يَڢَاطِ نَنْ تَكٜىٰ يَمُتُ، عَمَّا دَ سُكَ دَطٜىٰ بَسُغَ وَنِ أَبُ يَڢَرُ دَشِ بَ، سَيْ سُكَسَاكٜىٰ تُنَانِ سُكَثٜىٰ شِ وَنِ اللَّهْ نٜىٰ؞
7نَنْ كُسَ كُوَ أَݣَويْ ڢِيلَيٜىٰ نَشُوغَبَنْ ڟِبِرِنَّنْ، مَيْ سُونَ ڢُبِلِيُسْ؞ شِينٜىٰ يَكَرْٻٜىٰمُ، يَبَامُ مَسَوْكِ مَيْݣَوْ، حَرْ ݣُونَ عُكُ؞ 8بَابَنْ ڢُبِلِيُسْ كُوَ يَنَ ݣُونْثٜىٰ يَنَ ڢَامَ دَ ظَظْذَاٻِ دَ أَتِنِ؞ سَيْ بُلُسْ يَشِغَ وُرِنْسَ يَيِ مَسَ أَدُّعَ، يَسَا حَنُّ عَكَنْسَ، مُتُمِنْ كُوَ يَوَرْكٜىٰ؞ 9دَ حَكَ يَڢَرُ، سَيْ دُكَنْ سَوْرَنْ مَرَسَ لَاڢِيَ عَڟِبِرِنْ سُكَ دِنْغَ ذُوَا أَنَ وَرْكَرْ دَسُو؞ 10سُكَيِ مَنَ ݣَوْتَا مَيْ يَوَ؞ دَ ذَامُ تَاشِ أَجِضْغٍ ضُوَ كُمَ، سُكَ تَتَّارَ مَنَ دُكْ أَبُبُوَنْ دَمُكٜىٰ بُڧَاتَ؞
بُلُسْ يَكَيْ بِرْنِنْ رُواْمَ
11بَايَنْ وَتَا عُكُ، مُكَتَاشِ دَغَ ڟِبِرِنْ مَلْتَ ثِكِنْ جِضْغٍ إِسْكَنْدَارِيَا وَنْدَ يَثِ دَامِنَ أَوَنَّنْ ڟِبِرِے؞ أَنْ كُوَيِ مَسَ عَلَمَرْ صِڢَّرْ تَڠُويٜىٰنْ أَلُّواْلِ؞
12دَ مُكَ ذُواْ سِرَكُسْ مُكَيِ ݣُونَ عُكُ أَوُرِنْ؞ 13دَغَ نَنْ كُمَ مُكَ تَڢِے، سَيْغَامُ أَ رِغِيُمْ؞ بَايَنْ ݣُونَ طَيَ، إِسْكَ تَتَاسُواْ دَغَ كُدُ، وَشٜىٰغَرِنْ كُمَ مُكَ كَيْ ڢُتِيُواْلِ؞ 14أَ نَنْ مُكَ سَدُ دَ وَطَنْسُ یَنْعُوَ مَاسُبِے، سُكَ ضُواْڧٜىٰمُ مُيِ ݣُونَ بَݣَويْ تَرٜىٰدَسُو؞ دَهَكَ دَيْ مُكَ كَيْ رُواْمَ؞ 15دَ مَاسُبِے نَ رُواْمَ سُكَجِ لَابَرِنْمُ، سَيْ سُكَذُواْ سُمَرَبْثٜىٰمُ حَرْ أَ كَاسُوَرْ أَڢِّيُسْ دَ كُمَ وُرِنَّنْ دَ عَكٜىٰثٜىٰ دَشِ مَسَوْكِ عُكُ؞ دَ بُلُسْ يَغَنْسُ كُوَ يَيِ غُواْدِيَ غَ اللَّهْ، يَكُمَ ڧَارَ سَامُنْ ڧَرْڢِنْ ڠُوِوَ؞
16دَ مُكَ شِغَ رُواْمَ عَكَ يَرْدَ وَ بُلُسْ يَجٜىٰ يَذَوْنَ أَغِدَنْ هَيَ تَرٜىٰدَ سُواْجَنْ دَيَكٜىٰ غَادِنْسَ؞
وَعَظِنْ بُلُسْ أَ رُواْمَ
17بَايَنْ ݣُونَ عُكُ، بُلُسْ يَكِرَا مَنْيَنْ يَهُودَاوَا؞ دَسُكَ تَارُ سَيْيَثٜىٰمُسُ «كُو یَنْعُوَ، كُواْدَيَكٜىٰ بَنْيِ وَجَمَعَرْمُ وَنِ لَيْڢِے بَ، كُواْ لَيْڢِے غَمٜىٰدَ أَلْعَادُنْ كَاكَنِّنْمُ، دُكْدَهَكَ أَنْكَامَنِ أَ عُرُوشَلِيمَ عَكَ بَادَنِ غَ رُواْمَاوَا أَطَوْرٜىٰ؞ 18سُو كُوَ دَ سُكَ بِنْثِكٜىٰنِ، سُنَ سُواْ سُسَكٜىٰنِ، دُواْمِنْ بَسُ سَامٜىٰنِ دَ وَنِ لَيْڢِنْدَ يَ إِسَ عَكَشٜىٰنِبَ؞ 19عَمَّا دَ يَهُودَاوَا سُكَڧِ يَرْدَ، سَيْ يَذَمَ مِنِ دُواْلٜىٰ إِنْ طَوْكَكَ ڧَارَتَ ذُوَا غَبَنْ كَيْسَرْ، كُواْدَيَكٜىٰ بَوَيْ إِنَ ڧَارَرْ جَمَعَرْمُ بَنٜىٰ؞ #أَيُّكَنْ 25.11 20شِيَسَا نَنٜىٰمِ إِنْغَنْكُ، إِنْكُمَ تَتَّوْنَ دَكُو تُنْدَيَكٜىٰ دَيْ سَبُواْدَ دَشِ وَنَّنْ دَ إِسْرَٰٓءِيلَاوَا سُكٜىٰسَا ذُوثِيَارْ ذُوَانْسَ نٜىٰ عَكَ طَوْرٜىٰنِ دَ سَرْڧَرْ نَنْ؞»
21سَيْ سُكَثٜىٰ مَسَ «مُو دَيْ بَمُسَامِ وَتَ وَسِيڧَ دَغَ يَنْكِنْ يَهُودِيَ غَمٜىٰ دَكَيْبَ، بَا كُوَ وَنِ طَنْعُوَنْمُ دَ يَذُواْ نَنْ يَكَٰوُاْ لَابَرِنْكَ، كُواْ يَڢَطَا وَتَ مَغَنَ مَرَرْ ݣَوْ غَمٜىٰ دَكَيْ؞ 22عَمَّا مُنَسُواْ مُجِ رَعَيِنْكَ دَغَ بَاكِنْكَ، دُواْمِنْ أَبِنْدَ مُكَ سَنِ دَيْ شِينٜىٰ، سَابُوَرْ ڧُنْغِيَرْ ڧَضْيَارْ نَنْ كُواْوَ يَنَ مُوغُوَرْ مَغَنَ عَكَنْتَ؞»
23دَسُكَسَا رَانَرْ دَ ذَاسُ حَطُ، سَيْ سُكَذُواْ مَسَوْكِنْسَ، سُنْ كُوَذُواْ دَيَوَ سُواْسَيْ؞ دَغَ سَڢٜىٰ حَرْ ذُوَا يَمَّ يَيِتَيِ مُسُ بَيَانِ يَنَ شَيْدَ مُسُ عَكَنْ مُلْكٍ اللَّهْ، يَنَ ڧُواْڧَرِنْ يَجَٰوُاْسُ ذُوَا وُرِنْ عِيسَىٰ تَهَنْيَرْ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا؞ 24وَطَنْسُ سُكَ يَرْدَ دَ أَبِنْدَ يَڢَطَا، عَمَّا وَطَنْسُ بَسُ غَسْكَتَبَ؞ 25سَبُواْدَ حَكَ بَسُ يَرْدَ دَ جُونَبَ؞ كَاڢِنْ سُبَرْ وُرِنْ سَيْ بُلُسْ يَيِمُسُ مَغَنَ طَيَ يَثٜىٰ «أَشٜىٰ كُوَ، رُوحُ مَيْ ڟَرْكِے يَڢَطِ غَسْكِيَ دَ يَيِ وَكَاكَنِّنْكُ مَغَنَ تَبَاكِنْ أَنَّبِے عِشَايَ ثٜىٰوَ
26« ‹كَجٜىٰ وُرِنْ جَمَعَرْ نَنْ، كَثٜىٰ،
جِ كَمْ، ذَاكُ دِنْغَجِ،
عَمَّا بَذَاكُ ڢَهِمْتَبَ سَمْ،
غَنِ كَمْ، ذَاكُ دِنْغَ غَنِ،
عَمَّا بَذَاكُ غَانٜىٰبَ سَمْ؞
27دُوانْ ذُوثِيَارْ جَمَعَرْ نَنْ تَايِ تَوْرِ،
سُنْ تُواْشٜىٰ كُنُّوَنْسُ،
سُنْ رُڢٜىٰ عِدَنُونْسُ،
دُواْمِنْ كَدَ سُغَنِ دَ عِدَنُونْسُ،
سُكُمَجِ دَ كُنُّوَنْسُ،
سُكُمَ غَانٜىٰ دَ ذُوثِيَارْسُ،
حَرْ سُجُويُواْ وُرِينَ إِنْ وَرْكَرْ دَسُو؞› #عِشـ 6.9-10
28«تُواْ، سَيْ كُسَنِ ڢَا، اللَّهْ يَعَيْكَ دَ لَابَرِنْ ثٜىٰتُواْ حَرْ ذُوَاغَ وَطَنْدَ بَا يَهُودَاوَا بَ؞ سُو كُوَ ذَاسُ سَوْرَرَ؞» 29دَيَڢَطَا حَكَ، سَيْ يَهُودَاوَا سُكَتَاشِ دَغَ وُرِنْ سُنَ غَرْدَمَ مَيْ ذَاڢِ أَڟَكَانِنْسُ؞#28.29 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞
30بُلُسْ يَذَوْنَ أَوَنَّنْ غِدَنْ دَيَكٜىٰ هَيَ حَرْ شٜىٰكَرَا بِيُ، يَنَ كَرْٻَرْ دُكْ وَطَنْدَ سُكَذُواْ وُرِنْسَ؞ 31دَيَكٜىٰ بَعَهَنَشِ وَعَظِبَ، يَيِتَيِنْ وَعَظِنْ مُلْكٍ اللَّهْ، يَنَ كُواْيَرْوَا عَكَنْ عُبَنْغِجِ عِيسَىٰ أَلْمَسِيحُ بَابُ ڟُواْرُواْ؞
Currently Selected:
أَيُّكَنْ مَنْذَنِّے 28: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
