Nk 13
13
Mebendé ma fombô *pak a mintôle ya abialé
(Nk 12; Nlb 3:11-13,40-51; 18:15-17; 1ko 6:19-20)
1Ane Nti a nga kobô Môze a jô na: 2Telé'é ntôle jôme ôse étyi mfa'a wom, jôm ése ja taté kui abum e be bôte ya Israél, to'o môt, to'o tit, é ne énjam. 3Ane Môze a nga jô bôte na: Simesa'ane môse wu, ñwô mi nga kôlô wô Ejipte, *nda belo amu Nti a nga vaa mia e vôme nyô a ngul ya wo wé. E belet é ne te mvusan ja ye bo te diban. 4E môse wu mia kôlô, e ngon ba loon Abib. 5Eyoñ Nti a ye bo na mi nyiin e si Bekananééñ, Behétiéñ, b'Amoréeñ, Behévieñ a Beyébuzieñ, nje a nga kane ngana e be b'ésoo na a ye ve mia je: si menyañ a wôé bia len, wo ye bo jam ya nkañane wu e ngone nyô. 6Melu zamgbwa wo ye di belet é ne te mvusan, e môse zamgbwale abô'ô da ye bo asu duma Nti. 7Nté melu zamgbwale mete, belet é ne te mvusan ja ye diban; e belet é ne mvusan ja ye bo te yené e *nda jôé nge jôm ja vusu je, ngum éfuse si wôé ôse.
8Môs ôte wo ye kañete mone wôé na: Abô'ô di da boban amu a ne *môs Nti a nga bo me na me kôlô Ejipte. 9Nkañane te wo ye bo jam ya simesan a ndem e wo wôé a e asu dôé. Wo ye volô wo ô simesane na wo yiane yôtan *atiñ Nti amu nye a bo na mi kôlô Ejipte a ngul ya wo wé. 10Mbu ôse, wo ye bo njôane wu mewôk ane ô ne ntelan. 11Eyoñ Nti a ye kui wo e si Bekananééñ aval a nga tiñeti wo a b'ésoo bôé a ve wo je, 12mia ye ve nye mintôle beyôm mise mia bialé, a bone bese ba taté bialé e mimbam biyem miôé, beyôm ya été ba ye bo jôme Nti. 13Wo ye ve mona kabat éjiane mona éjakas ase a taté bialé, a nge wo bo te ve mona kabat, wo ye bu'u mona éjakas *tyiñ. Wo ye fe ve mona kabat éjiane ntôle monafam ya e bone bôé. 14A ye bo na môse éziñ nyo mon a ye sili wo na amu jé jame di? Wo ye yalane nye na: Nti a nga vaa bia e *nda belo Ejipte a ngule wo jé. 15Amu Faraoñ a nga bo ntibe *nlem ya suu bia, nde Nti a nga wôé mintôle mise ane *bityi'a mfa'a Nti a kôté mintôle mise ya bone bam. 16Ba ye bo ndem ntiñetane wo wôé a mba'ane mvom asu jôé e zañ mise mebaé, na Nti a nga vaa bia Ejipte a ngul ya wo wé.
Dulu ataté Ejipte a kui nkôle Sinayi
(Nlb 33:1-6; Né 9:12,19; Sam 27:1)
17Eyoñ Faraoñ a nga suu bôt be ke, Zambe a nji kee be e zene ya si Befilisteñ, akôsa bo é mbe tyi'ibi, amu Zambe a nga jô na: Bôt be za tyendé asimesan éyoñ be yeneya bita, a viane bulane Ejipte. 18Ve Zambe a nga wulu bôte bete e *zen é ne émokot, e *nkôte si e mfa'a ya évele mañ. Ane bôte ya Israél be nga kôlô Ejipte be too nkômesan mfa'a ya bita. 19Ane Môze a nga nyoñ bives bi Yôsep: Amu Yôsep a nga kane Israél ngana na: E ne bebela na Zambe a ye jome mia a éyoñ mia ye kôlô va, mi kelee a bivese biam. 20Ane be nga kôlô Sukôt a bômbô meyôa Etam aku'u fé. 21Amôs, Nti a nga wulu ôsu viab a too nsum *nkut été mfa'a ya liti be zen; a alu, a too nsum nduan été mfa'a ya faé be éfufup, ndemben be wulu alu a *môs. 22Amôs nsum *nkut ô nji kôlô ôsu viap, nalé fe nsum nduan a alu.
Currently Selected:
Nk 13: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 13
13
Mebendé ma fombô *pak a mintôle ya abialé
(Nk 12; Nlb 3:11-13,40-51; 18:15-17; 1ko 6:19-20)
1Ane Nti a nga kobô Môze a jô na: 2Telé'é ntôle jôme ôse étyi mfa'a wom, jôm ése ja taté kui abum e be bôte ya Israél, to'o môt, to'o tit, é ne énjam. 3Ane Môze a nga jô bôte na: Simesa'ane môse wu, ñwô mi nga kôlô wô Ejipte, *nda belo amu Nti a nga vaa mia e vôme nyô a ngul ya wo wé. E belet é ne te mvusan ja ye bo te diban. 4E môse wu mia kôlô, e ngon ba loon Abib. 5Eyoñ Nti a ye bo na mi nyiin e si Bekananééñ, Behétiéñ, b'Amoréeñ, Behévieñ a Beyébuzieñ, nje a nga kane ngana e be b'ésoo na a ye ve mia je: si menyañ a wôé bia len, wo ye bo jam ya nkañane wu e ngone nyô. 6Melu zamgbwa wo ye di belet é ne te mvusan, e môse zamgbwale abô'ô da ye bo asu duma Nti. 7Nté melu zamgbwale mete, belet é ne te mvusan ja ye diban; e belet é ne mvusan ja ye bo te yené e *nda jôé nge jôm ja vusu je, ngum éfuse si wôé ôse.
8Môs ôte wo ye kañete mone wôé na: Abô'ô di da boban amu a ne *môs Nti a nga bo me na me kôlô Ejipte. 9Nkañane te wo ye bo jam ya simesan a ndem e wo wôé a e asu dôé. Wo ye volô wo ô simesane na wo yiane yôtan *atiñ Nti amu nye a bo na mi kôlô Ejipte a ngul ya wo wé. 10Mbu ôse, wo ye bo njôane wu mewôk ane ô ne ntelan. 11Eyoñ Nti a ye kui wo e si Bekananééñ aval a nga tiñeti wo a b'ésoo bôé a ve wo je, 12mia ye ve nye mintôle beyôm mise mia bialé, a bone bese ba taté bialé e mimbam biyem miôé, beyôm ya été ba ye bo jôme Nti. 13Wo ye ve mona kabat éjiane mona éjakas ase a taté bialé, a nge wo bo te ve mona kabat, wo ye bu'u mona éjakas *tyiñ. Wo ye fe ve mona kabat éjiane ntôle monafam ya e bone bôé. 14A ye bo na môse éziñ nyo mon a ye sili wo na amu jé jame di? Wo ye yalane nye na: Nti a nga vaa bia e *nda belo Ejipte a ngule wo jé. 15Amu Faraoñ a nga bo ntibe *nlem ya suu bia, nde Nti a nga wôé mintôle mise ane *bityi'a mfa'a Nti a kôté mintôle mise ya bone bam. 16Ba ye bo ndem ntiñetane wo wôé a mba'ane mvom asu jôé e zañ mise mebaé, na Nti a nga vaa bia Ejipte a ngul ya wo wé.
Dulu ataté Ejipte a kui nkôle Sinayi
(Nlb 33:1-6; Né 9:12,19; Sam 27:1)
17Eyoñ Faraoñ a nga suu bôt be ke, Zambe a nji kee be e zene ya si Befilisteñ, akôsa bo é mbe tyi'ibi, amu Zambe a nga jô na: Bôt be za tyendé asimesan éyoñ be yeneya bita, a viane bulane Ejipte. 18Ve Zambe a nga wulu bôte bete e *zen é ne émokot, e *nkôte si e mfa'a ya évele mañ. Ane bôte ya Israél be nga kôlô Ejipte be too nkômesan mfa'a ya bita. 19Ane Môze a nga nyoñ bives bi Yôsep: Amu Yôsep a nga kane Israél ngana na: E ne bebela na Zambe a ye jome mia a éyoñ mia ye kôlô va, mi kelee a bivese biam. 20Ane be nga kôlô Sukôt a bômbô meyôa Etam aku'u fé. 21Amôs, Nti a nga wulu ôsu viab a too nsum *nkut été mfa'a ya liti be zen; a alu, a too nsum nduan été mfa'a ya faé be éfufup, ndemben be wulu alu a *môs. 22Amôs nsum *nkut ô nji kôlô ôsu viap, nalé fe nsum nduan a alu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.