Hosea 14
14
Bhor lạgitʼ mon ạcur
1E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana. 2Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome. 3Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”
4Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana. 5Israel ṭhen do sisir dakʼ lekageń hoyokʼa; uni do Kiyạ baha lekae bahakʼa. Lebanon reakʼ debdạru dare leka uni do acʼakʼ rehetʼko latar secʼe pheḍtaea. 6Uniyakʼ ḍạrko do pasnaokʼtaea. Uni do jạitun dare leka mońje hoyokʼa ar uniyakʼ mońj so do Lebanon reakʼ debdạru dare leka hoyokʼa. 7Okoe uniyakʼ umulreko tahen onko do ḍher phosolko arjao ocoya. Onko do darkha nạ̃ṛĩ leka jo bahateko perejokʼa ar Lebanon reakʼ darkha rasa leka onkoakʼ ńutum do pasnaokʼtakoa. 8E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”
9Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.
Currently Selected:
Hosea 14: SBT
Highlight
Share
Compare
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
