সখরিয় আজল্ কধাগান
আজল্ কধাগান
পবিত্র নূয়ো সুদোমত্ প্রায় ৪০ বার সখরিয় নাঙে বোইবোত্তুন উপমা দিয়্যে ওইয়্যে। ইয়েনর কারনান অলঅ, বোইবোত্ মশীহ পৌইদ্যেনে বোউত্ কুয়ো ওইয়্যে আর ভাববাদীগুনোর লেখ্যে চিগোন বোইয়ুনো ভিদিরে এ বোইবো আরঅ বেশ্ খ্রীষ্টরে নিইনে লেখ্যে। সখরিয়র চিহ্নোবলা দর্শনান্ আর বিশেষ অত্তবলা সত্যগান ফগদাং অনা এ বোইবোর আজলানরে বাড়েয়্যে। একই বজরত্ সখরিয় আর হগয় তারার্ কামানি আরাম্ভ গোজ্যন্। উবোসনা ঘরান আরঅ বানেবাত্তে মানুচ্চুনোরে উচ্চোমি তুলি দিবাত্তে হগয় লগে মিজেবাত্তে সখরিয় যিরূশালেমত্ ফিরি এচ্চ্যে। সখরিয়র আস্তোগান দর্শন ভিদিরে খেমতাত্ থেইয়্যে অযিহূদী দেজ্চানির উদি যানা, নিজো ধর্ম বাদ দিইনে যে যিহূদীগুনে মশীহরে এলাফেলা গুরিবাক্ তারার্ বিচের, বাঁজি থেইয়্যে যিহূদীগুনোরে থিদেবর্ গরানা আর আগামিদি যিরূশালেমর ভালেদির্ কধানি কুয়ো ওইয়্যে। পত্তম পাচ্চান দর্শন ভিদিরে আঘেদে দোয়্যের্ হবর্ আর শেষ্ তিনেনত্ আঘে সাজার্ হবর্। এ বোইবোত্ মশীহর যিরূশালেমত্ সমানার্ কধা (৯ লামার্ ৯,১০ পদ), ত্রিশ কট্টা রূবোত্তে তা উগুরে বেঈমানী গরানা (১১ লামার্ ১২, ১৩ পদ), আঘাত পেইয়্যে গরগর্ মরানা (১৩ লামার্ ৭ পদ), জৈতুন মুড়োবো উগুরে তার আর এযানা (১৪ লামার্ ৪ পদ) আর দাঙর্ ধর্মগুরু আহ্ রাজা ইজেবে তার রাজাগিরি গুরিবার কধা আগেদি কুয়ো ওইয়্যে (১৪ লামার্ ৯ পদ)
মূলুক্ মূলুক্ কধানি:
(ক) দূষ্ স্বিগের্ গুরিনে মন ফিরেবাত্তে উপদেশ (১ লামার্ ১-৬ পদ)
(খ) আস্তোগান দর্শন (১ লামার্ ৭ পদত্তুন্ ধুরি ৬ লামার্ ৮ পদ সং)
(গ) দাঙর্ ধর্মগুরু ইজেবে যিহোশূয়রে মুকুট পিনেই দেনা (৬ লামার্ ৯-১৫ পদ)
(ঘ) উবোস্ থানা পৌইদ্যেনে বৈথেলর যিহূদীগুনোর প্রশ্ন (৭ ও ৮ লামা)
(ঙ) মশীহর পত্তম এযানা পৌইদ্যেনে আগাম্ কধা (৯-১১ লামা)
(চ) মশীহর দ্বি’পল্লা এযানা পৌইদ্যেনে আগাম্ কধা (১২-১৪ লামা)
Currently Selected:
সখরিয় আজল্ কধাগান: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society