যাত্রা 25
25
লগেপ্রভুর্ থেবার ঘরান-তাম্বুলত্যে দান
1লগেপ্রভু মোশিরে কলঅ, 2ইস্রায়েলীয়গুনোরে কগোই যেনে তারা মত্তেই ভোক্তি-উপোহার্ আনন্। নিজোর আওজে যিগুনে সিয়েন আনিবাক্ তুই তারাত্তুন্ সিয়েনি গুজি লবে। 3তারা যেন এই উপোহারানি আনন: সনা, রূবো আর পিদোল: 4য়েল্, বিগুনি আর রাঙা রংয়র্ সুদো আর মসীনা সুদো; ছাগলর্ কেচ্; 5রাঙা রং-গোজ্যে ভেড়া ছাগলর চাম্ আর ডলপিনোর চাম্; বাবলা তক্তা; 6পহর্ গুরি জুলিবাত্তেই পৌইরেগর্ তেল; অভিষেক-তেল আর তুম্বাজ ধূবোত্তে মশলা; 7এফোদ আর বুগ্-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্। 8ইস্রায়েলীয়গুনোর মাধ্যমে তুই মর্ থেবাত্তে এক্কান্ পবিত্র জাগা বানেবে। সেক্কে মুই তারা ভিদিরে বজত্তি গুরিম। 9যে চিহ্নোগান্ মুই তরে দেগেবাত্তে যাঙর্ ঠিগ্ সেধোক্ক্যেন গুরিই তুই মর্ এ থেবার-তাম্বুল আর বেক্ সরঞ্জামানি বানেই লবে।
সাক্ষ্য-সুন্দুক্
10বাব্লা-তক্তালোই তারা এক্কো সুন্দুক্ বানেবাক্। সিবে লাম্বান্দি অবঅ আড়ি আত্, ডাক্কে আর উগুরেদি দেড়্ আত। 11সিবে ভিদিরেন্দি আর বারেন্দি খাটি সনালোই বেড়েই দিয়্যে পড়িবো আর সিবের চের্ ডাগন্দি ধোজ্যে থেবঅ সনার্ নক্শা। 12চাজি ফেলেয়্যে চের্বো সনার্ হেবা বানেইনে সিবের চের্বো পায়েত্ লাগেই দিয়্যে পড়িবো-এক কিত্তেন্দি দ্বিবে, আর অন্যকিত্তেন্দি দ্বিবে। 13সে পরেন্দি বাব্লা তক্তালোই দ্বিবে লুদিক্ বানেইনে সিগুনোরে সনালোই বেড়েই দিয়্যে পড়িবো। 14সুন্দুক্কো বুয়োই নেযেবাত্তে সিবের্ দ্বিডাগেন্দি হেবা ভিদিরে সেই লুদিক দ্বিবে ভোরেই দিবা। 15লুদিক দ্বিবে সেই সুন্দুগোর্ হেবা ভিদিরে ভোরেইয়্যে থেবঅ; সিগুন্ খুলি নেযেই ন-পারিবো। 16যে সাক্ষ্য-ফলক্কো মুই তরে দিম্ সিবে তুই এই সুন্দুগো ভিদিরে রাগেবে।
17খাটি সনালোই সেই সুন্দুক্কোত্তে এক্কান ঢাগনি বানেবে, যিবে উগুরে পাপ ঢাগি দিয়্যে অবঅ। এ ঢাগনিয়ান লাম্বান্দি অবদে আড়ি আত্ আর পাদাজ্যেদি দেড় আত্। 18সেই ঢাগনিয়ানর্ কাজান্দি সনা পিদেইনে দ্বিবে করূবোর্ মূত্তি বানা পুরিবো। 19করূব দ্বিবে সুন্দুগোর্ দ্বিডাগেদি থেবঅ। সেই করূব দ্বিবে এমন্গুরি ঢাগনিত্তুন্ ধুরি বানা পড়িবো যেনে বেক্কানে মিলিনেই বানা এক্কান জিনিস অয়্। 20তারার্ দুয়োগানি উগুরেদি মিলি দিয়্যে থেবঅ আর তার্ ছাবাবোর্ তলে থেবঅ সুন্দুক্কোর্ ঢাগনিগান। করূপ্পুনে মুজুঙো-মুজুঙি থিয়্যেই থেবাক্ আর তারার্ চোক্কুন্ থেবঅ ঢাগনিগান ইন্দি। 21এই ঢাগনিগান্ সুন্দুগো উগুরে রাগা পড়িবো আর যে সাক্ষ্য-ফলক্কো মুই তরে দিম্ সিবে তুই সেই সুন্দুক্কো ভিদিরে রাগেবে। 22এই সাক্ষ্য-সিন্দুগোর্ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্ বেক্ উগুমানি তরে দিম্।
থেবার-তাম্বুল টেবিল
23বাব্লা তক্তালোই দ্বিআত্ লাম্বা, এক আত্ পাদাজ্যে আর দেড় আত্ উজু গুরি এক্কান টেবিল বানেই নেযা পড়িবো। 24খাটি সনালোই সিয়েন্ বেড়েই দিবে আর সিয়েনর্ চেরোকিত্তে ধুরি থেবঅ সনার্ নক্শা। 25টেবিলানর্ চেরোকিত্তে কাজা কুরেদি চের্ আঙুল্ উজু গুরি এক্কান্ বেড়া বানা পড়িবো, আর সিবে উগুরেয়ো সনালোই নক্শার্ কাম্ গরা পড়িবো। 26টেরিল চের্ কোণাত্ চের্বো পায়ে উগুরে চের্বো সনার্ হেবা বানেইনে লাগেই দিয়্যে পড়িবো। 27সেই হেবাগুন্ টেবিল কণাত্ সেই উজু বেড়েয়্যেগান কায়-কুরে থেবঅ যেনে টেবিলান্ বুয়োই নিবাত্যে সিগুনো ভিদিরেদি লুদিক্কুন্ ভরা যায়। 28লুদিক দ্বিবে বাব্লা তক্তালোই বানেইনে সনালোই বেড়েই দিয়্যে পড়িবো আর সিয়েনিলোই টেবিলান্ বুয়োই নেযা পড়িবো। 29টেবিলো দাঙর্ আর চিগোন্ বাজোনুন্ আর বেক্ পানি কুমুন্ আর কদরাত্তুন্ ঢালন-উৎসর্বর জিনিসছানি ঢালা পড়িবো সিগুন্ বেক্কুন খাটি সনালোই বানা পড়িবো। 30সেই টেবিলান উগুরে মঅ মুজুঙোত্ মুজুঙো-রুটি থঅ পড়িবো, আর সিয়েন যেনে আমিঝে সিয়েনত্ থায়।
চেরাগটগ
31খাটি সনালোই এক্কো চেরাগটগ বানেই নেযা পড়িবো। সিবের্ তলেদিগান্ আর সিয়োত্তুন্ উদি যেইয়্যে ডাদিগান্ সনা পিদেইনে বানেই নেযেবে। তার্ ফুলো ধোক্ক্যেন কদরাগুন, বোল্ আর ফুলুন্ চেরাগটগ ইত্তুন্ নিগিলি এবাক্ আর বেক্কানি মিলিনেই বানা এক্কান জিনিস অবঅ। 32চেরাগটগ দ্বিকিত্তেন্দি তিন্নো তিন্নো গুরি মোট ছোবুয়ো ডেলা থেবাক্। 33ফুল আর বোলুন্ সুদ্ধো বাদাম ফুলো ধোক্ক্যেন চাদে তিন্নো চেরাগ পত্তম ডেলাবোর্ মোধ্যে মোধ্যে থেবাক্। সে পরেদি ডেলাবোত্অ সেধোক্ক্যেন তিন্নো চেরাগ থেবাক্। চেরাগটগত্তুন্ নিগিলি এচ্চ্যে ছোবুয়ো ডেলা একবাবোত্যে অবাক্। 34চেরাগটগ ডাদিগানর্ মোধ্যেয়ো ফুল আর বোল্ সুদ্ধো বাদাম ফুলো ধোক্ক্যেন চাদে চের্বো চেরাগ্ থেবঅ। 35চেরাগটগত্তুন্ নিগিলি এচ্চ্যে বেক্কুনে ছোবুয়ো ডেলা ভিদিরে পত্তম দ্বিবে যিয়োদোই মিজেব সিবের্ তলে থেবঅ এক্কো বোল্, দ্বিলম্বর দ্বিবের্ তলে আরঅ এক্কো বোল্ আর তিন লম্বরত্ দ্বিবের্ তলে আরঅ এক্কো বোল্। 36বোল্ আর ডেলাবো বেক্কুন চেরাগটগত্তুন্ নিগিলি এবাক্ আর বেক্কুনে মিলিনেই এক্কান জিনিস অবঅ। বেক্কানি খাটি সনালোই পিদেইনে বানেই নেযা পড়িবো। 37সে পরেদি খাটি সনালোই সাত্তো চেরাগ্ বানেইনে সেই চেরাগটগ উগুরে এমন্গুরি বজা পড়িবো যেনে চেরাক্কুন্ জ্বালানার্ পরেদি চেরাগটগ মুজুঙেদি জাগায়ান্ পহর্ অয়্। 38বুদ্দিবো কাজেবার্ চিম্টিগান আর বুদ্দিবোর্ পুজ্যে ভাক্কান্ রাগেবাত্তে কয়েক্কো পিলেয়ো খাটি সনালোই বানেই নেযা পড়িবো। 39বেক্কানি মিলিনে চেরাগটগ্কো বানাদে ত্রিশ কেজি খাটি সনা দরকার্ অবঅ। 40এই মুড়োবো উগুরে তরে যে নক্সাগান্ দেগা অলঅ ঠিগ্ সেধোক্ক্যেন গুরি যেনে বেক্কানি বানা অয়্ সিয়েনি রিনি চেইজ্।
Currently Selected:
যাত্রা 25: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 25
25
লগেপ্রভুর্ থেবার ঘরান-তাম্বুলত্যে দান
1লগেপ্রভু মোশিরে কলঅ, 2ইস্রায়েলীয়গুনোরে কগোই যেনে তারা মত্তেই ভোক্তি-উপোহার্ আনন্। নিজোর আওজে যিগুনে সিয়েন আনিবাক্ তুই তারাত্তুন্ সিয়েনি গুজি লবে। 3তারা যেন এই উপোহারানি আনন: সনা, রূবো আর পিদোল: 4য়েল্, বিগুনি আর রাঙা রংয়র্ সুদো আর মসীনা সুদো; ছাগলর্ কেচ্; 5রাঙা রং-গোজ্যে ভেড়া ছাগলর চাম্ আর ডলপিনোর চাম্; বাবলা তক্তা; 6পহর্ গুরি জুলিবাত্তেই পৌইরেগর্ তেল; অভিষেক-তেল আর তুম্বাজ ধূবোত্তে মশলা; 7এফোদ আর বুগ্-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্। 8ইস্রায়েলীয়গুনোর মাধ্যমে তুই মর্ থেবাত্তে এক্কান্ পবিত্র জাগা বানেবে। সেক্কে মুই তারা ভিদিরে বজত্তি গুরিম। 9যে চিহ্নোগান্ মুই তরে দেগেবাত্তে যাঙর্ ঠিগ্ সেধোক্ক্যেন গুরিই তুই মর্ এ থেবার-তাম্বুল আর বেক্ সরঞ্জামানি বানেই লবে।
সাক্ষ্য-সুন্দুক্
10বাব্লা-তক্তালোই তারা এক্কো সুন্দুক্ বানেবাক্। সিবে লাম্বান্দি অবঅ আড়ি আত্, ডাক্কে আর উগুরেদি দেড়্ আত। 11সিবে ভিদিরেন্দি আর বারেন্দি খাটি সনালোই বেড়েই দিয়্যে পড়িবো আর সিবের চের্ ডাগন্দি ধোজ্যে থেবঅ সনার্ নক্শা। 12চাজি ফেলেয়্যে চের্বো সনার্ হেবা বানেইনে সিবের চের্বো পায়েত্ লাগেই দিয়্যে পড়িবো-এক কিত্তেন্দি দ্বিবে, আর অন্যকিত্তেন্দি দ্বিবে। 13সে পরেন্দি বাব্লা তক্তালোই দ্বিবে লুদিক্ বানেইনে সিগুনোরে সনালোই বেড়েই দিয়্যে পড়িবো। 14সুন্দুক্কো বুয়োই নেযেবাত্তে সিবের্ দ্বিডাগেন্দি হেবা ভিদিরে সেই লুদিক দ্বিবে ভোরেই দিবা। 15লুদিক দ্বিবে সেই সুন্দুগোর্ হেবা ভিদিরে ভোরেইয়্যে থেবঅ; সিগুন্ খুলি নেযেই ন-পারিবো। 16যে সাক্ষ্য-ফলক্কো মুই তরে দিম্ সিবে তুই এই সুন্দুগো ভিদিরে রাগেবে।
17খাটি সনালোই সেই সুন্দুক্কোত্তে এক্কান ঢাগনি বানেবে, যিবে উগুরে পাপ ঢাগি দিয়্যে অবঅ। এ ঢাগনিয়ান লাম্বান্দি অবদে আড়ি আত্ আর পাদাজ্যেদি দেড় আত্। 18সেই ঢাগনিয়ানর্ কাজান্দি সনা পিদেইনে দ্বিবে করূবোর্ মূত্তি বানা পুরিবো। 19করূব দ্বিবে সুন্দুগোর্ দ্বিডাগেদি থেবঅ। সেই করূব দ্বিবে এমন্গুরি ঢাগনিত্তুন্ ধুরি বানা পড়িবো যেনে বেক্কানে মিলিনেই বানা এক্কান জিনিস অয়্। 20তারার্ দুয়োগানি উগুরেদি মিলি দিয়্যে থেবঅ আর তার্ ছাবাবোর্ তলে থেবঅ সুন্দুক্কোর্ ঢাগনিগান। করূপ্পুনে মুজুঙো-মুজুঙি থিয়্যেই থেবাক্ আর তারার্ চোক্কুন্ থেবঅ ঢাগনিগান ইন্দি। 21এই ঢাগনিগান্ সুন্দুগো উগুরে রাগা পড়িবো আর যে সাক্ষ্য-ফলক্কো মুই তরে দিম্ সিবে তুই সেই সুন্দুক্কো ভিদিরে রাগেবে। 22এই সাক্ষ্য-সিন্দুগোর্ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্ বেক্ উগুমানি তরে দিম্।
থেবার-তাম্বুল টেবিল
23বাব্লা তক্তালোই দ্বিআত্ লাম্বা, এক আত্ পাদাজ্যে আর দেড় আত্ উজু গুরি এক্কান টেবিল বানেই নেযা পড়িবো। 24খাটি সনালোই সিয়েন্ বেড়েই দিবে আর সিয়েনর্ চেরোকিত্তে ধুরি থেবঅ সনার্ নক্শা। 25টেবিলানর্ চেরোকিত্তে কাজা কুরেদি চের্ আঙুল্ উজু গুরি এক্কান্ বেড়া বানা পড়িবো, আর সিবে উগুরেয়ো সনালোই নক্শার্ কাম্ গরা পড়িবো। 26টেরিল চের্ কোণাত্ চের্বো পায়ে উগুরে চের্বো সনার্ হেবা বানেইনে লাগেই দিয়্যে পড়িবো। 27সেই হেবাগুন্ টেবিল কণাত্ সেই উজু বেড়েয়্যেগান কায়-কুরে থেবঅ যেনে টেবিলান্ বুয়োই নিবাত্যে সিগুনো ভিদিরেদি লুদিক্কুন্ ভরা যায়। 28লুদিক দ্বিবে বাব্লা তক্তালোই বানেইনে সনালোই বেড়েই দিয়্যে পড়িবো আর সিয়েনিলোই টেবিলান্ বুয়োই নেযা পড়িবো। 29টেবিলো দাঙর্ আর চিগোন্ বাজোনুন্ আর বেক্ পানি কুমুন্ আর কদরাত্তুন্ ঢালন-উৎসর্বর জিনিসছানি ঢালা পড়িবো সিগুন্ বেক্কুন খাটি সনালোই বানা পড়িবো। 30সেই টেবিলান উগুরে মঅ মুজুঙোত্ মুজুঙো-রুটি থঅ পড়িবো, আর সিয়েন যেনে আমিঝে সিয়েনত্ থায়।
চেরাগটগ
31খাটি সনালোই এক্কো চেরাগটগ বানেই নেযা পড়িবো। সিবের্ তলেদিগান্ আর সিয়োত্তুন্ উদি যেইয়্যে ডাদিগান্ সনা পিদেইনে বানেই নেযেবে। তার্ ফুলো ধোক্ক্যেন কদরাগুন, বোল্ আর ফুলুন্ চেরাগটগ ইত্তুন্ নিগিলি এবাক্ আর বেক্কানি মিলিনেই বানা এক্কান জিনিস অবঅ। 32চেরাগটগ দ্বিকিত্তেন্দি তিন্নো তিন্নো গুরি মোট ছোবুয়ো ডেলা থেবাক্। 33ফুল আর বোলুন্ সুদ্ধো বাদাম ফুলো ধোক্ক্যেন চাদে তিন্নো চেরাগ পত্তম ডেলাবোর্ মোধ্যে মোধ্যে থেবাক্। সে পরেদি ডেলাবোত্অ সেধোক্ক্যেন তিন্নো চেরাগ থেবাক্। চেরাগটগত্তুন্ নিগিলি এচ্চ্যে ছোবুয়ো ডেলা একবাবোত্যে অবাক্। 34চেরাগটগ ডাদিগানর্ মোধ্যেয়ো ফুল আর বোল্ সুদ্ধো বাদাম ফুলো ধোক্ক্যেন চাদে চের্বো চেরাগ্ থেবঅ। 35চেরাগটগত্তুন্ নিগিলি এচ্চ্যে বেক্কুনে ছোবুয়ো ডেলা ভিদিরে পত্তম দ্বিবে যিয়োদোই মিজেব সিবের্ তলে থেবঅ এক্কো বোল্, দ্বিলম্বর দ্বিবের্ তলে আরঅ এক্কো বোল্ আর তিন লম্বরত্ দ্বিবের্ তলে আরঅ এক্কো বোল্। 36বোল্ আর ডেলাবো বেক্কুন চেরাগটগত্তুন্ নিগিলি এবাক্ আর বেক্কুনে মিলিনেই এক্কান জিনিস অবঅ। বেক্কানি খাটি সনালোই পিদেইনে বানেই নেযা পড়িবো। 37সে পরেদি খাটি সনালোই সাত্তো চেরাগ্ বানেইনে সেই চেরাগটগ উগুরে এমন্গুরি বজা পড়িবো যেনে চেরাক্কুন্ জ্বালানার্ পরেদি চেরাগটগ মুজুঙেদি জাগায়ান্ পহর্ অয়্। 38বুদ্দিবো কাজেবার্ চিম্টিগান আর বুদ্দিবোর্ পুজ্যে ভাক্কান্ রাগেবাত্তে কয়েক্কো পিলেয়ো খাটি সনালোই বানেই নেযা পড়িবো। 39বেক্কানি মিলিনে চেরাগটগ্কো বানাদে ত্রিশ কেজি খাটি সনা দরকার্ অবঅ। 40এই মুড়োবো উগুরে তরে যে নক্সাগান্ দেগা অলঅ ঠিগ্ সেধোক্ক্যেন গুরি যেনে বেক্কানি বানা অয়্ সিয়েনি রিনি চেইজ্।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society