LUKA 24
HCL
24
Thawhòhannak
(Mat 28.1-10; Mar 16.1-8; Jhn 20.1-10)
1Zarhpi ni zingkate ah nu hna cu zihmui an timhmi kha i put in thlan ah khan an va kal. 2Thlankhar lung a rak i thawn kha an hmuh i 3cucaah an vung lut colh, sihmanhsehlaw Jesuh ruak kha an hmu lo. 4Cuka ah cun a zei ti ruah awk hngal loin an dir ko i cu lioah cun chikkhatte ah khin puan rang aa aihmi mi pahnih an pawngah cun an rung dir. 5Nu hna cu òihnak in an khat i mi nih an chawnh hna tikah khan vawlei lei hoih in an kun. Mi nih cun an thawh hna i, “Zeicahdah a nungmi cu a thimi lakah nan kawl? 6Hika ah a um lo, a tho cang. #Mat 16.21; 17.22-23; 20.18-19; Mar 8.31; 9.31; 10.33-34; Luk 9.22; 18.31-33 7‘Mi Fapa cu misual mi hna kut ah chanh a si lai i vailam ah an khenhchih lai i ni thum ni ah nunnak ah a tho òhan lai,’ tiah Galilee i a um lioah a rak in chimhmi hna kha philh hlah ngat u,” tiah an ti hna. 8Cu tikah nu hna cu a bia kha an lung ah a hung pem i, 9thlan cun an kir i hi thil kong vialte cu zultu pahleikhat kha le a dang vialte kha an chimh hna. 10Cu nu hna cu Mary Magdalin, Joanna le Jeim nu Mary kha an si; anmah le an sin i a kal vemi midang hna nih khan hi kong cu lamkaltu kha an chimh hna. 11Sihmanhsehlaw lamkaltu pawl nih khan nu nih an chimmi cu pakpalawng ah an ruah i an zum hna lo. 12Sihmanhsehlaw Peter cu a tho i thlan ah khan a va le, a vun bih i ruak zualnak puan kha a hmuh hna, a dang zeihmanh a hmu lo. Cun inn ah a kir i cu thil a cangmi kong cu khuaruahhar in a ruat lengmang.
Emmaus Khua Lei Kalnak
(Mar 16.12-13)
13Cu ni òhiamòhiam ah cun an lak i pahnih hna cu Emmaus an timi khua leiah an kal i 14thil umtuning kong vialte kha an i ruah. Emmaus cu Jerusalem in khan sarih tluk a si. 15Cu ti i bia an i ruah lengmang i an i ceih lengmang lioah cun Jesuh hrimhrim nih khan a hei fuh hna i an sinah cun a kal ve. 16A hmuh cu an hmuh ko, sihmanhsehlaw an hngal kho lo. 17Jesuh nih cun a thawh hna i, “Nan kal pah in zeidah pakhat le pakhat nan i ceih len ko?” tiah a ti. Cun hmaichia ngaiin an dir. 18Cun pakhatpa, a min Kleopas a simi nih khan a hun thawh i, “Tunaite i Jerusalem khua ah thil a cangmi hi Jerusalem khua chung i a ummi ah nangmah lawng hi maw a hngal lomi na si hnga?” tiah a hal. 19Cun anih nih, “Zei thil hen dah?” tiah a ti. “Nazareth khuami Jesuh cung i a tlungmi thil cu hen ta,” tiah an leh. “Hi pa cu profet a si i Pathian hmaiah mi vialte nih a chimmi le a tuahmi ah hmual ngeimi a si, tiah an ruah. 20Kan tlangbawi upa pawl hna le a kan uktu bawi hna nih thah awkah an chanh i cun vailam ah khan an khenh chih. 21Kannih nih cun amah cu Israel mi hna a luattertu a si rua lai tiah kan rak i ruahchan. Cu pinah cun, cu thil a umnak hi atu hi a ni thumnak a si. 22Kanmah lak i a ummi nu a cheukhat nih kan khuaruah an kan harter. Zingkate ah thlan ah cun an va kal i 23asinain a ruak kha an hmu lo. An ra kir i vancungmi an i langh kha kan hmuh hna i cu hna nih cun, a nung, tiah an kan chimh, an ti. 24Cun kanmah bu chungmi a cheukhat cu thlan ah cun an va kal i nu nih an chimningte khan an va hmuh, sihmanhsehlaw amah cu an hmu lo,” an ti.
25Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah. 26Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti. 27Cun Jesuh nih Cathiang chungah, Moses cauk hna thawk in profet hna òialmi cauk hna tiang, amah kong aa òialmi vialte kha fiang tein a chimh hna.
28An kalnak ding khua cu an hei phan deng i cu tikah Jesuh nih cun hmailei i a kal rih lai bantuk khin aa umter; 29sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti. Cucaah anmah sinah cun a tlung. 30Anmah sinah cabuai ah khan a òhu i changreu kha aa lak i thla a cam i changreu cu a beuh i a phawt hna. 31An mit kha a hung fim i aho a si kha an hun hngalh; sihmanhsehlaw a lo òhan. 32Annih nih cun, “Lampi i bia a kan ruah le Cathiang sullam a kan chimh ah khan kan chungah mei kang bang a si lo mei kha?” tiah pakhat le pakhat cu an i ti.
33Hmakhatte ah an tho i Jerusalem ah an kir òhan. Zultu pahleikhat le a dang hna kha an rak i pum i, 34“Bawipa cu a tho taktak ko. Simon nih a hmuh,” tiah an rak i ceih len ko. 35Cun pahnih hawl hna nih khan lampi i thil a hung ummi le Bawipa cu changreu a hun cheu tik i an hngalhnak kong kha an chimh hna.
Jesuh Cu A Zultu Hna Sinah A Lang
(Mat 28.16-20; Mar 16.14-18; Jhn 20.19-23; Lam 1.6-8)
36Cucu an chimh lengmang hna lioah khan Bawipa hrimhrim cu an lakah a hung dir i, “Nan cungah daihnak um ko seh,” tiah a ti hna. 37An thin a phang an ning a òi i mithla kan hmu rua tiah an ruah. 38Sihmanhsehlaw a thawh hna i, “Zeicahdah nan khuaruah a har? Zeicahdah nan lungawòawm in nan um? 39Ka kut le ka ke hi zoh hna ngat u, keimah kha pei ka si ko hi. Ka tawng u law nan hngalh ko lai, mithla nih cun ruh le sa a ngeih òung lo, kei cu ka ngeih pei nan ka hmuh ko hi,” tiah a ti hna. 40Cu bia a chim dih in a kut le a ke kha a hmuhsak hna. 41An zum kho ngaingai rih lo, zeicahtiah cu thil cu si taktak awkah a òha tuk a lo i lungawòawm in an um ko rih. Cucaah, “Hika ah hin zei tal ei awk nan ngei maw?” tiah a hal hna. 42Annih nih ngasa em cia pakhat kha an pek i 43aa lak i an hmaiah cun a ei.
44Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an òialmi chung le Salm chungah keimah kong an rak òialmi vialte cu a tlin dih awk a si,” tiah a ti. 45Cun an lungthin kha a hun pemh hna i Cathiang sullam kha an hun hngalh. 46Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho òhan lai, 47cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa òial. 48Cun nannih cu hi thil vialte a hngaltu tehte nan si. 49Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in òhawnnak kha nan cung i a tlun hlantiang khuapi chung hin hngak ko u,” tiah a ti hna.
Jesuh Vancung Kainak
(Mar 16.19-20; Lam 1.9-11)
50Cun khuapi chung khan a chuahpi hna i Bethani khua tiang a kalpi hna. Khika ah a kut a hler i thluachuahnak a pek hna. 51Thluachuah a pek lio hna ah cun an sinin aa òhen i vancung ah a kal. 52Amah cu an biak i lunglawm ngaiin Jerusalem ah an kir i 53an caan vialte cu Biakinn chungah khan Pathian thangòhatnak caah an hman.

© Bible Society of Myanmar 2006

Learn More About Hakha Common Language Bible