AMOS 1
1
1Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si. #2Sia 15.1-7; 2Cha 26.1-23; 2Sia 14.23-29
2Amah nih cun,
Bawipa cu Zion in a rung huk i
Jerusalem in khuarit in a rung ri;
Tuukhal hna ram hninghno cu an car i
Karmel tlangpar cu a ro dih,
tiah a ti. #Joe 3.16
Israel Mi Hna le An Pawngkam I A Ummi Hna Sualnak
3Hihi Bawipa bia an si.
Damaskas nih ṭhat lonak kha pakhat
hnu pakhat a tuah lengmang caah,
A cung i dantatnak ka tlunter ding
kha ka let lai lo.
Annih nih Gilead kha thir ha bunhmi
facang cilnak thingtum in an cil.
4Cucaah Hazael inn chungah cun mei
ka thlah lai i
Cu mei nih cun Benhadad inn ṭhaṭha
vialte cu a kangh dih hna lai.
5Damaskas mingan vialte cu ka den
dih hna lai i
Aven nelrawn i a ummi vialte le
Beth-eden a uktu bawifung
aa putmi cu ka hloh dih hna lai;
Aram mi hna cu Kir ah sal ah
hruai an si lai.
Cucu Bawipa bia a si.
6Hihi Bawipa bia an si:
Gaza nih ṭhat lonak kha pakhat hnu
pakhat a tuah lengmang caah,
A cung i dantatnak ka tlunter ding
kha ka let lai lo;
Annih nih saltangmi kha an bu
ning piin an kalpi hna i
Edom ah khan an chiah hna.
7Cucaah Gaza kulhnak vampang
cungah khan mei ka thlah lai i
Cu mei nih cun a ralhruang vialte kha
a kangh dih hna lai.
8Ashdod i a ummi vialte hna le
Ashkelon a uktu bawifung aa putmi
vialte kha ka hloh dih hna lai;
Ekron kha ka kut ka merhnawh lai i
Filistin mi a tangmi hna kha
an rawk lai.
Cucu Bawipa bia a si.
9Hihi Bawipa bia an si:
Tair nih ṭhat lonak kha pakhat hnu
pakhat a tuah lengmang caah
A cung i dantatnak ka tlunter
ding kha ka let lai lo,
Annih nih sahlawh rualchan sinak
kha philh riangmang in,
Saltang hna kha an bu ningpi in
Edom ah an chiah hna.
10Cucaah Tair kulhnak vampang
cungah khan mei ka thlah lai i
Cu mei nih cun a ralhruang vialte cu
a kangh dih hna lai.
11Hihi Bawipa bia an si:
Edom nih ṭhat lonak kha pakhat
hnu pakhat a tuah lengmang caah,
A cung i dantatnak ka tlunter ding
kha ka let lai lo.
Annih nih vainam kha i put
riangmang in an phunhawi mi kha
thah awkah an kawl hna i
phun khat an sinak lungthin kha
an thah.
An thin cu dong loin a hung
thluangthluan ko i
An thinlinhnak cu zungzal in a alh.
12Cucaah Teman cungah mei ka thlah
lai i
Cu mei nih cun Bozrah ralhruang
vialte kha a kangh dih hna lai.
13Hihi Bawipa bia an si:
Ammon mi hna nih ṭhat lonak
pakhat hnu pakhat an tuah
lengmang caah,
An cung i dantatnak ka tlunter ding
kha ka let lai lo.
An ram kha kauhter an duh caah
14Gilead ram nelrawn i fapawi nu
hna cu an hlai dih hna
Cucaah Rabbah kulhnak vampang
cungah cun mei ka thlah lai i
Cu mei nih cun an ralhruang vialte
kha a kangh dih hna lai;
Cu ni ah cun raltuknak hmun khan
aunak a um lai i
Thlichia le ṭotho an hrang lai.
15Cun an siangpahrang cu a bawi hna
he khan sal ah an kalpi hna lai.
Cucu Bawipa bia a si.
Currently Selected:
AMOS 1: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006