SALM 55
55
Leirawi Hmangmi Ruang Thlacamnak
David Hla
1Maw Pathian, ka thlacamnak cu
ka ngaihpiak law
kan nawlnak cu ka hlonhpiak hlah.
2Ka bia kha ka ngaihpiak law
ka let tuah;
lungrethei in ka baa tuk
hringhran cang.
3Ka ral nih an ka tlerhnak le miṭhalo
nih an ka hremnak nih
ka lungre an ka theihter.
Ka cungah harnak an tlunter;
ka cungah an thin a hung i
an ka huat.
4Ka lung cu ṭihnak in a khat,
an ka thah sual lai ti kha
ka phang tuk.
5Ka ṭih tuk ah a ther in ka ther i
ka luthlung in ka kechik tiang
ka ther dih.
6“Ṭhuro bangin thla cu ngei ning law
ka zuang hnga i ka vaa din hnga!
7Lamhlapi ah khin ka zuang hnga i
ramlak ah inn ka vaa sak hnga.
8Thlichia le ruahpi chung hin dornak
hmun kha khulrang in ka hmuh
ko hnga,” ka ti.
9 Bawipa, annih cu hrawk hna law
an biachimmi cu tuainak ah canter;
khuapi chungah ka hmuhmi thil cu
zaang-ennak le i tuainak a si.
10Chunzan in khuapi cu a kulhnak hau
cungin an chawhhnawh lengmang;
harnak le thil ṭhalo tuahnak in
a khat.
11A kenkip ah rawhnak a um,
a chung lam hna cu
pakhat le pakhat
i hremnak le hlennak in a khat.
12A ka nihsawhtu hi
ka ral si seh law cu,
ka in khawh ko hnga,
ka cung i tluang a khawng lentu hi
a ka dohtu kha si seh law cu,
a ka hmuh khawh lonak hmun ah
ka thuhtak diam ko hnga;
13sihmanhsehlaw hi bantukin
ka cungah rian a ṭuantu cu ka hawi,
ka rianṭuan hawi le keimah he
aa naih ngaimi ka hawikom
na si tikah hin
a fak tuk hringhran in ka thei.
14Pakhat le pakhat bia ṭhaṭha kha
kan rak i ruah i
hawi zapi he hmunkhat ah biakinn ah
kan rak kal ṭi tawn.
15Ka ral hna cungah cun thihnak kha
khulrang in tlung seh law
mithi khua ah khan a nung in
vung kal hna seh.
An inn chung le an lung chungah
ṭhat lonak a um.
16Sihmanhsehlaw Bawipa Pathian cu
ka bawm tuah tiah ka auh i
a ka khamh lai.
17Ka ainak le ka hramnak cu zing
siseh, chun ah siseh, zan ah siseh,
amah sinah an kai zungzal ko i
ka aw cu a ka theihpiak ṭheo lai.
18Ka ral tampi hna he kan i tuknak hmun in
him tein a ka kirpi ṭhan ko lai.
19Zungzal in uktu a simi Pathian nih
ka bia cu a ka theihpiak lai i
annih cu a sunghter hna lai;
annih nih amah cu an ṭih lo caah
an tuah khawhmi zeihmanh
a um lai lo.
20Hlanlio ka hawi nih khan
a hawi lila cu a tuk hna;
a biakam cu a zul lo.
21A chimmi bia cu thawhpat nakin
a nal deuh
sihmanhsehlaw a lung chungah cun
huatnak a um;
a bia cu chiti bantukin a nem,
sihmanhsehlaw nam bantukin
mi a chun.
22Na thilri cu Bawipa sinah ṭhum ta law
amah nih an bawmh lai;
miṭha cu zeitikhmanh ah a sunghter
bal lai lo.
23Sihmanhsehlaw Bawipa, nangmah nih
lainawng mi hna le lihchim mi
hna cu
vawlei tang khor thukpi ah khin
an chan ṭim hlanah na thlak hna lai.
Kei tu nih cun nangmah kha
kan bochan lai.
Currently Selected:
SALM 55: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 55
55
Leirawi Hmangmi Ruang Thlacamnak
David Hla
1Maw Pathian, ka thlacamnak cu
ka ngaihpiak law
kan nawlnak cu ka hlonhpiak hlah.
2Ka bia kha ka ngaihpiak law
ka let tuah;
lungrethei in ka baa tuk
hringhran cang.
3Ka ral nih an ka tlerhnak le miṭhalo
nih an ka hremnak nih
ka lungre an ka theihter.
Ka cungah harnak an tlunter;
ka cungah an thin a hung i
an ka huat.
4Ka lung cu ṭihnak in a khat,
an ka thah sual lai ti kha
ka phang tuk.
5Ka ṭih tuk ah a ther in ka ther i
ka luthlung in ka kechik tiang
ka ther dih.
6“Ṭhuro bangin thla cu ngei ning law
ka zuang hnga i ka vaa din hnga!
7Lamhlapi ah khin ka zuang hnga i
ramlak ah inn ka vaa sak hnga.
8Thlichia le ruahpi chung hin dornak
hmun kha khulrang in ka hmuh
ko hnga,” ka ti.
9 Bawipa, annih cu hrawk hna law
an biachimmi cu tuainak ah canter;
khuapi chungah ka hmuhmi thil cu
zaang-ennak le i tuainak a si.
10Chunzan in khuapi cu a kulhnak hau
cungin an chawhhnawh lengmang;
harnak le thil ṭhalo tuahnak in
a khat.
11A kenkip ah rawhnak a um,
a chung lam hna cu
pakhat le pakhat
i hremnak le hlennak in a khat.
12A ka nihsawhtu hi
ka ral si seh law cu,
ka in khawh ko hnga,
ka cung i tluang a khawng lentu hi
a ka dohtu kha si seh law cu,
a ka hmuh khawh lonak hmun ah
ka thuhtak diam ko hnga;
13sihmanhsehlaw hi bantukin
ka cungah rian a ṭuantu cu ka hawi,
ka rianṭuan hawi le keimah he
aa naih ngaimi ka hawikom
na si tikah hin
a fak tuk hringhran in ka thei.
14Pakhat le pakhat bia ṭhaṭha kha
kan rak i ruah i
hawi zapi he hmunkhat ah biakinn ah
kan rak kal ṭi tawn.
15Ka ral hna cungah cun thihnak kha
khulrang in tlung seh law
mithi khua ah khan a nung in
vung kal hna seh.
An inn chung le an lung chungah
ṭhat lonak a um.
16Sihmanhsehlaw Bawipa Pathian cu
ka bawm tuah tiah ka auh i
a ka khamh lai.
17Ka ainak le ka hramnak cu zing
siseh, chun ah siseh, zan ah siseh,
amah sinah an kai zungzal ko i
ka aw cu a ka theihpiak ṭheo lai.
18Ka ral tampi hna he kan i tuknak hmun in
him tein a ka kirpi ṭhan ko lai.
19Zungzal in uktu a simi Pathian nih
ka bia cu a ka theihpiak lai i
annih cu a sunghter hna lai;
annih nih amah cu an ṭih lo caah
an tuah khawhmi zeihmanh
a um lai lo.
20Hlanlio ka hawi nih khan
a hawi lila cu a tuk hna;
a biakam cu a zul lo.
21A chimmi bia cu thawhpat nakin
a nal deuh
sihmanhsehlaw a lung chungah cun
huatnak a um;
a bia cu chiti bantukin a nem,
sihmanhsehlaw nam bantukin
mi a chun.
22Na thilri cu Bawipa sinah ṭhum ta law
amah nih an bawmh lai;
miṭha cu zeitikhmanh ah a sunghter
bal lai lo.
23Sihmanhsehlaw Bawipa, nangmah nih
lainawng mi hna le lihchim mi
hna cu
vawlei tang khor thukpi ah khin
an chan ṭim hlanah na thlak hna lai.
Kei tu nih cun nangmah kha
kan bochan lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006