JOB 32
32
Elihu Nih Job Kha A Leh
1Job nih amah aa hmuhnak ah cun miding ka si aa ti peng caah hi mi pathum hna nih hin a bialeh cu an ngol. 2Khi tikah Buz mi Barakhel fapa Elihu, Ram innchungkhar chung mi a simi kha a thin a hung. Job cungah cun a thin a hung, zeicahtiah Pathian nakin amah kha a ding deuh ah aa ruat i cun 3Job hawile pathum hna cung zongah khan a thin a hung, zeicahtiah Job cu na palh tiah an ti nain lehnak an hngal lo i Pathian lehlam kha a palh an lawhter. 4Annih cu amah nakin upa deuh an si caah Job sin i bia an chim ah khan Elihu cu chim loin aa sum. 5Sihmanhsehlaw an pathum in an let kho lo ti kha a hmuh tikah a thinhunnak kha aa sum kho ti lo. 6Cucaah Buz mi Barakhel fapa Elihu nih cun aa thawh i,
“Kei cu kum in a nomi ka si i
nannih cu upa nan si,
Cucaah kaa sum i nan hmai i
ka hngalhnak langhter kha ka ṭih.
7Keimah le keimah cu, ‘Kum le khua
a saumi nih chim ko hna seh,
chan a saumi nih chim ko hna seh,’
kaa ti.
8Sihmanhsehlaw Pathian thlarau cu
minung chungah a um i
Lianngan Bik thaw nih hngalhnak cu
a pek hna.
9Upa lawng hi a fimmi an si lo i a dik
a hngalmi hi a tarmi an si theng lo.
10Cucaah cun, ka bia hi ngai tuah u, kei
zong ka ruahnak ka chimter ve
tuah u, ka ti.
11Zohhmanh u, chim awk nan i
dahhriah lengmang lioah khan
nan bia kha kan ngan hna i
Nan ruahnak aphichuak zeidah
a si lai ti kha ka ngaih.
12Aphi nan chuahmi kha ṭha tein
ka rak ngaih,
Sihmanhsehlaw Job cu a dong khotu
nan um lo i a bia a let khotu
zong nan um lo.
13Cucaah kanmah nih fimnak cu
kan hmuh cang, ti hlah u.
Minung nih si loin Pathian nih
a leh lai.
14Nanmah bantukin bia thiam
kaa tim lai lo,
nan lehning in leh zong
kaa tim lai lo.
15Hi mi hna hi an hnabei a dongh i
let kho ti loin an um i
zeihmanh chim awk ngei loin
an um i,
16Holh awk an theih ti lo caah hin,
chim loin maw ka um rih ko lai?
An dir ko i an leh ti lo caah ka ngan ko lai maw?
17Kei zong leithuan awk ka ngei ve,
ka ruahnak cu ka langhter ve lai.
18Zeicahtiah bia in a khah in ka khat i
ka chung thli nih a tawn in
a ka tawn.
19Zohhmanh, ka lung cu thawchuahnak
awng a kawlmi mitsur hang
bantukin a um i
Saphaw zucua thar bangin
keh hnik aa zal.
20Damnak ka hmuh nakhnga
ka chim lai,
Ka ka cu ka an lai i ka leh lai.
21Duhdanhnak kha aho cung hmanh ah
ka ngei lai lo i
Pathian siseh, minung siseh,
ahohmanh ka fak hna lai lo.
22Zeicahtiah fak cu ka thiam ṭung lo i
a ka Sertu nih a ka donghter zau
sual hnga.
Currently Selected:
JOB 32: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
