JOB 29
29
Job Nih Hmasa Aa Nuamhnak Kha A Ruat Ṭhan
1Cun Job nih a biachimmi cu
a thawh ṭhan i:
2“Maw, hlan lio thla hna chung i
ka rak um bantuk khan um
ning law ka hei duh dah!
Pathian nih a rak ka zohkhenh lio
caan i ka rak um bantuk khan;
3Ka lu cung i a meiinn a rak ceu i
cu ceunak thawng i mui lak i
ka rak kal khawh bantuk khan;
4Ka chan lailing i ka rak si
bantuk khan;
Pathian nih ka inn cu
a rak huhphenh i
5Lianngan Bik cu ka sinah a rak um i
ka salle hna cu ka pawngkam ah
an um i,
6Ka lam cu cawhnuk in an luan i
Lung chungin chiti an rak puut lio
bantuk kha si kho ning law
ka hei duh dah!
7Khua hauka i ka va kal i zapi ṭhutnak
hmun i ka va ṭhut tikah khan,
8Tlangval hna kha an ka hmuh tikah
an kim i upa hna kha an tho i an dir;
9Bawi hna kha holh an i sum i
an kut in an kaa an i hup;
10Tuavon hna aw kha a dai i mi kip nih
holh loin an um.
11“Ka kong a theimi paoh nih
ka ṭhatnak lei in an rak chim,
A ka hmumi paoh nih ka ṭhatnak
tehte ṭha an rak si.
12Sifakmi kha bawmh herh in
an au tikah ka bawmh hna i,
Chanhtu ngei lomi ngakṭah kha
ka chanh hna.
13A thi dengmangmi nih a thangṭhatmi
cu keimah ka rak si i,
Nuhmei, lunglawmhnak in hla
a saktertu cu keimah ka rak si.
14Dinnak cu puan bantukin kaa aih i,
Biading cu ka caah puan le ludomh
bantuk an rak si.
15Mitcaw hna caah mit ka rak si i,
Kebai hna caah ke ka rak si.
16Sifakmi caah an pa ka rak si i,
Khual kha an bia
ka rak chimpiak hna.
17Miṭhalo mi hna cu an hao kha
ka rak thlongh hna i,
An ha in an i sehmi kha
ka rak chuh hna.
18Khi tikah, ‘Ka lianhngannak cu
zor lo tein ka thi lai i,
Ka chan chung ni hna cu thetse zat in
relcawklo an si lai;
19Ka hram cu ti leiah khan a zam lai i
ka nge cungah khan dapti
an um lai;
20Kaa tlaihmi ka likuk cu a thar
zungzal lai i,
Ka kut chungah thal cu timh cia in
an um zungzal lai,’ tiah
ka rak ruah.
21“Zeidah a chim lai ti tein
an ka ngaih i,
A ruahnak kha zeidah a si hnga tiin
dai tein an ka ngan.
22Ka chim hnuah ahohmanh nih
an chim ṭhan ti lo,
Ka bia cu an cungah nem tein a tla.
23Ka bia cu ruah an hngah bantukin
an hngah i,
Ṭhal ruah an din bantukin an din
24Ka merhhnawh hna tikah
an lung a ṭhawng i,
Ka mithmai ceu kha an hmuh tikah
an hmaichiatnak kha a lo.
25An haotu bik ah ka ṭhu i
an kalnak ding lam kha ka khan,
Ralkap hna he a riakmi
siangpahrang bantukin khan.
Ngaihchiami hna a hnemtu
bantuk zong ka si.
Currently Selected:
JOB 29: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
