යෙරමියා 24
24
අත්තික්කා වට්ටි
1යෙහෝයාකීම්ගේ පුත්, යූදාහි රජු වූ යෙකොනියා#24:1 යෙකොනියා එනම් යෙහෝයාකීන් ද ඔහුගේ නිලධාරීන් වූ යූදාහි කර්මාන්ත ශිල්පීන් හා ලෝකරුවන් ද බබිලෝනියේ රජු වූ නෙබුකද්නෙසර් විසින් යෙරුසලමේ සිට බබිලෝනියට වාලට ගෙන ගිය පසුව, ස්වාමින්වහන්සේගේ මාලිගය අබියස තබා තිබූ අත්තික්කා වට්ටි දෙකක් ස්වාමින්වහන්සේ මට පෙන් වූ සේක. 2මෙන්න! එක් වට්ටියක වූයේ මුලින් ඉදුණු ඒවා වැනි ඉතා හොඳ අත්තික්කා ය. අනෙක් වට්ටියෙහි වූයේ කන්නට බැරි තරම් නරක් වූ අත්තික්කා ය.
3එවිට ස්වාමින්වහන්සේ මට කතා කොට, “යෙරමියා, ඔබට පෙනෙන්නේ මොනවා දැ?” යි ඇසූ සේක.
මම පිළිතුරු දෙමින්, “අත්තික්කා ය; හොඳ ඒවා ඉතා හොඳ ය. නරක ඒවා කන්නට බැරි තරම් නරක් වෙලා” යි කීවෙමි.
4එවිට ස්වාමින්වහන්සේගේ වචනය මා වෙත පැමිණියේ ය: 5“ඉශ්‍රායෙල්ගේ දෙවියන්වහන්සේ වන ස්වාමින්වහන්සේ මෙසේ පවසන සේක: ‘මේ ස්ථානයේ සිට කල්දිවරුන්ගේ දේශය වෙත මා විසින් පිටත් කර යවන ලද යූදාහි පිටුවහලුන්, මෙම හොඳ අත්තික්කා සේ යහපත් ලෙස මම සලකමි. 6ඔවුන්ගේ යහපත පිණිස මගේ දෑස ඔවුන් වෙත යොමු කර තබන්නෙමි. මම මේ දේශයට ඔවුන් ආපසු ගෙනෙන්නෙමි. මම ඔවුන් ගොඩ නගනවා මිස, බිඳ හෙළා නො දමන්නෙමි. මම ඔවුන් සිටුවන්නෙමි; මුලිනුදුරා නො දමන්නෙමි. 7මා ස්වාමින්වහන්සේ වග දැනගැනීමේ හදවතක් මම ඔවුන්ට දෙන්නෙමි. ඔවුන් මගේ ජනයා වනු ඇත. මම ඔවුන්ගේ දෙවියන්වහන්සේ වන්නෙමි. මන්ද ඔවුන් තමන්ගේ මුළු හදින් මා වෙත ආපසු එන බැවිනි.
8“ ‘එහෙත් ස්වාමින්වහන්සේ මෙසේ කියන සේක: යූදාහි රජු වූ සෙදෙකියා හා ඔහුගේ නිලධාරීන් හා මේ දේශයේ නැවතී සිටින හෝ ඊජිප්තුවෙහි වෙසෙන හෝ යෙරුසලම් වාසී ඉතිරි ස්වල්ප දෙනා ගැන අර කෑමට බැරි තරම් නරක් වූ අත්තික්කා සේ සලකා මම කටයුතු කරන්නෙමි. 9මිහි පිට සියලු රාජ්‍යයන්හි ඔවුන් පිළිකුලක් හා විරෝධයක් වන්නට සලසමි. මා විසින් ඔවුන් පලවා හරින ලද සියලු තැන්හි ඔවුන් අපහාසයට, සමච්චලයට හා ශාපයට හේතුවක් වන්නටත් සලස්සමි. 10ඔවුන්ටත්, ඔවුන්ගේ පියවරුන්ටත් මා දුන් දේශයෙන් ඔවුන් වැනසී යන තෙක් ම, මම ඔවුන්ට එරෙහිව කඩුව, සාගතය හා වසංගතය පමුණු වන්නෙමි.’ ”
Currently Selected:
යෙරමියා 24: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
