උත්පත්ති 15:17-21
උත්පත්ති 15:17-21 SCV
හිරු අවරට ගොස්, අඳුරු වැටුණු පසු, මෙන්න, දුම් දමන ගිනි කබලක් හා ඇවිළෙන ගිනි හුළක් සත්ව පළු දෙපෙළ මැදින් ගියේ ය. ඒ දවසේ ස්වාමින්වහන්සේ ආබ්රම් සමඟ ගිවිසුමක් කළ සේක්, මෙසේ පැවසූ සේක: “ඔබෙන් පැවතෙන්නන්ට මම මේ දේශය දෙන්නෙමි. ඊජිප්තු ගංගාවේ සිට යුප්රටීස් මහ ගංගාව තෙක් වූ කේනිවරුන්ගේ ද කෙනිස්සිවරුන්ගේ ද කද්මොනිවරුන්ගේ ද හිත්තිවරුන්ගේ ද පෙරිස්සිවරුන්ගේ ද රෙෆායිවරුන්ගේ ද අමෝරිවරුන්ගේ ද කානානිවරුන්ගේ ද ගිර්ගාෂිවරුන්ගේ ද යෙබූසිවරුන්ගේ ද දේශය මම ඔවුන්ට දෙන්නෙමි.”





