Matthew Thupatna
Thupatna
Matthew teptee bang Lungdamna Thu in Thuciam Lui sungah Pathian ii a mihingte tungah a kamciamte a taangtunsakna pa le a piak tu in a kamciamsa Hunpa sia Jesus a hina thu son hi. Hi thupha in, Jesus suana sia a mipui Jew te atu bek hi ngawlin, leitung buppi atu zongh hong piang ahi hi.
Matthew thubu sia belcing takin a kingual ahi hi. Jesus suana panin kipan a, a ki baptize na le ze et a thuaknate ki at a, a zom in Galilee ngam ah thuhilna le ciinate a damsakna thute ki at hi. Tua zawkciang hi Lungdamna Thu in, Jesus Galilee ngam pan Jerusalem ah a khualhawna, Jesus a nuntak nipi khakbel sung thu, a kithalupna thu le a thaw kikna thute ki at hi.
Hi Lungdamna Thu in “Jesus in a lianbel Sya hi a, Pathian thukham pheen thei natu thunei pa, Pathian ukna ngam huvau a hilpa hi,” ci in lak hi. Ama ii hilnate thu nam nga in kikhawmtua a, (1) Mualtung thuhilna, Vantung ngammite ii nuntakzia, a nasep, a hamphatna le a thetna mun tu thute hi a (a lian 5-7); (2 )Nungzui sawm le nii teng nasep zia tu hilna (a lian 10); (3) Vantung ngam omzia thusonteena (a lian 13); (4) Nungzuina ii a khiakna hilna (a lian 18); le (5) Hun bo kuan thu le hong pai tu Pathian Ukna-ngam thute hilna (a lian 24-25).
A kihel Thulute
Jesus khangthu le a suana thu 1:1—2:23
Tuiphumpa John nasepna 3:1-12
Jesus a ki baptize na le ze et a thuakna 3:13—4:11
Galilee ngam mipite tungah Jesus nasepna 4:12—18:35
Galilee ngam pan Jerusalem ah khualhawna 19:1—20:34
A khakbel nipi sung le Jerusalem khua paam 21:1—27:66
Topa thawkikna le a kilangh kawkoaina 28:1-20
Currently Selected:
Matthew Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016