Job 37
37
1Vuipi suangval in nasia takin ka thin hong patausak hi.
2Note theampo awng,
Pathian ii aw,
a kam sung pan hong pai
vanto awnging ngai vun.
3Ama in khualeng sia vanpi kaantan in
leimong khat pan mong khat dongah puak hi.
4Tua zawkciang a vaanglian vanto awnging ahi
ama hawkna aw kiza a,
tua hun sung teng khualeng tee vazal hi.
5Pathian thupiakna taw nalamdangte,
ih tel zawk ngawl a tumdang nate piang hi.
6Ama in vuuk, lei ah a kia tu in thu pia a,
nguatui tam mama zusak hi.
7Ama in eite nasep hong tawlngasak a;
ama vawt theite eite hong lak hi.
8Ngamsate in amate ii kua tek zuan uh hi.
9Suangval vui sia thangsang pan hong va a,
hong vut vaval khuasik sia saksang pan hong pai hi.
10Pathian ii husan in
tuite khalsak a,
vuukkhal suaksak hi.
11Khualeng sia meeikaai sung pan taang vazai hi,
12Pathian ii deina bang in tuate kikhiin uh hi.
Simleitung mun theampo ah tuate in
Pathian thupiak theampo seam uh hi.
13Pathian in lei kawtsak tu in nguatui puak hi;
mihingte daan a pia tu ahibuale a deisakna lak tu in ama in nguazusak thei hi.
14Job awng, tawmvei tawlnga in ngai in;
Pathian ii a lamdang a nasepte ngaisun in.
15Pathian in thupia in meei sung pan khualeng a piansak zia na he ziam?
16Koi bangin meeite van ah kikhaangin,
Pathian ii a lamdang a nasep thiamna na he ziam?
17He ngawl ni hi, thangsang vui hong va in
ngamsung a nawk ciang sa saa in ngim thuak bek ni hi.
18Pathian in van zalh in
tua sia thik taat sa bang,
a sak in a vawt lai,
nang hu thei ni ziam?
19Pathian tungah ka son tu uhte hong hil ta'n;
kote thinsung ah bangma om ngawl hi; son tu bangma nei ngawl khu hi.
20Pathian taw kipaupui tu ngen ngawl tu khi hi;
banghangin kei hong lalsak natu hunpha pia tu khi ziam?
21Tu in van a khuavak tee vanai hi; tuasia ih et tu in taang leih hi,
tuaciang van sia vui in muut thiang zo hi.
22A taang khamh ci khat saksang ah kimu hi,
tuaciang Pathian ii vaangletna in zatakna taw kidim a hong lausak hi.
23Pathian ii vaangletna lian mama ahikom ama ih neak thei bua hi;
eite taw ih kizopna ah ama thutang thumaan hi.
24Tua hi a, mihing theampo in ama a zatak, a kiitak uh sia lamdang ngawl hi,
tuaciang ama in a kiciimsakte a awlmawk ngawl sia zongh lamdang ngawl hi.
Currently Selected:
Job 37: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 37
37
1Vuipi suangval in nasia takin ka thin hong patausak hi.
2Note theampo awng,
Pathian ii aw,
a kam sung pan hong pai
vanto awnging ngai vun.
3Ama in khualeng sia vanpi kaantan in
leimong khat pan mong khat dongah puak hi.
4Tua zawkciang a vaanglian vanto awnging ahi
ama hawkna aw kiza a,
tua hun sung teng khualeng tee vazal hi.
5Pathian thupiakna taw nalamdangte,
ih tel zawk ngawl a tumdang nate piang hi.
6Ama in vuuk, lei ah a kia tu in thu pia a,
nguatui tam mama zusak hi.
7Ama in eite nasep hong tawlngasak a;
ama vawt theite eite hong lak hi.
8Ngamsate in amate ii kua tek zuan uh hi.
9Suangval vui sia thangsang pan hong va a,
hong vut vaval khuasik sia saksang pan hong pai hi.
10Pathian ii husan in
tuite khalsak a,
vuukkhal suaksak hi.
11Khualeng sia meeikaai sung pan taang vazai hi,
12Pathian ii deina bang in tuate kikhiin uh hi.
Simleitung mun theampo ah tuate in
Pathian thupiak theampo seam uh hi.
13Pathian in lei kawtsak tu in nguatui puak hi;
mihingte daan a pia tu ahibuale a deisakna lak tu in ama in nguazusak thei hi.
14Job awng, tawmvei tawlnga in ngai in;
Pathian ii a lamdang a nasepte ngaisun in.
15Pathian in thupia in meei sung pan khualeng a piansak zia na he ziam?
16Koi bangin meeite van ah kikhaangin,
Pathian ii a lamdang a nasep thiamna na he ziam?
17He ngawl ni hi, thangsang vui hong va in
ngamsung a nawk ciang sa saa in ngim thuak bek ni hi.
18Pathian in van zalh in
tua sia thik taat sa bang,
a sak in a vawt lai,
nang hu thei ni ziam?
19Pathian tungah ka son tu uhte hong hil ta'n;
kote thinsung ah bangma om ngawl hi; son tu bangma nei ngawl khu hi.
20Pathian taw kipaupui tu ngen ngawl tu khi hi;
banghangin kei hong lalsak natu hunpha pia tu khi ziam?
21Tu in van a khuavak tee vanai hi; tuasia ih et tu in taang leih hi,
tuaciang van sia vui in muut thiang zo hi.
22A taang khamh ci khat saksang ah kimu hi,
tuaciang Pathian ii vaangletna in zatakna taw kidim a hong lausak hi.
23Pathian ii vaangletna lian mama ahikom ama ih neak thei bua hi;
eite taw ih kizopna ah ama thutang thumaan hi.
24Tua hi a, mihing theampo in ama a zatak, a kiitak uh sia lamdang ngawl hi,
tuaciang ama in a kiciimsakte a awlmawk ngawl sia zongh lamdang ngawl hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016