Job 34
34
1-2No pasalte ciim mama a, pil mama nu hi;
tu in ka son sia hong ngai tavun.
3An na tep uh ciang a lim sia he nu hi,
ahizong ciim kammalte na zaak uh ciang he ngawl nu hi.
4Hi sia eima ii khensat tu bek hi.
5Job in mawbanna nei bong,
Pathian in kei, thumaan hong danh hi.
6Ama in dongh a, “Banghangin leilot in khial khi hi ci thei tu khi ziam?
Kei sia thithei natu za in liam khi hi, ahihang mawna nei ngawl khi hi,” ci hi.
7Hi pasal pa Job bang mi khat pawpo na mu ngei uh ziam?
ama in Pathian zatakna lak ngeingawl hi.
8Ama in misiate taw kithawl le
mi mawte taw vaa kot nuamsa hi.
9Ama in Pathian ii deina zui tu in hanciam sia
a phatna om ngei peuma bo ci hi.
10No a tel thei pasalte awng, hong ngai tavun!
Vaanglianbelpa Pathian in a maan ngawl naseam tu ziam?
11Ama in mite a sepna bangin tel pia a,
amate tungah a kiphu a kilawm bangin vawt hi. #Ps 62:12
12Vaanglianbelpa Pathian in siatna vawt ngawl hi;
ama in kuama tungah thumaan ngawlin seam ngeingawl hi.
13Pathian in a vaangletna ngualdang khat tung pan nga ziam?
Ama leitung uk tu in khat po in koi ziam?
14Pathian in nuntakna husan sia la kik le,
15tuasia ciang a nungta theampo thi tu a leivui suak kik tu hi.
16Na ciim uh le tu in kei thuson hong ngai tavun.
17A thutang Pathian
ningkhiin nu ziam?
Ama in thumaan thu
ngaimaw sa nu ziam?
18Pathian in kumpite le
ngamukte sia
a nginat ngawl ciang
ahibuale a seksol ciangin ningkhiin hi.
19Ama in ngamukte sangah pang ngawl hi,
mizawngte puavawk a,
a haute maipha pia tuan ngawl hi,
banghang ziam cile mi theampo ama ii bitphua sa vive hi.
20Mihing khat sia zanin thakhat thu in thithei hi.
Pathian in mihingte vaatvawkin amate bo hi;
a thahatte zongh ol takin ama in thatlum hi.
21Ama in ih kalsuanna theampo encik hi.
22Mimaw khat Pathian muna pan a seal zo tu khuazing om ngawl hi.
23Eite pai in ama ii thukhenna ih thuak tu hun
Pathian in ciangtan kul sa ngawl hi.
24Ama in lampuite heam in ngualdang taw a laih natu in,
thu katna, thusitna khat kul sa ngawl hi.
25Banghang ziam cile ama in amate sep sia he hi,
ama in zanin amate lawnthal a sucip hi.
26Ama in mi theampo ii mu theina munah mi mawte daan pia hi,
27banghang ziam cile amate in ama nung zui nawn ngawlin
a thupiakte theampo thusim ngawl uh hi.
28Amate in mizawngte sia zawthawk thu taw ausak in Pathian kosak hi,
tuaciang Pathian in hu ngenin a au nate za hi.
29Pathian in bangma vawt ngawl tu in a khensat hial le zong
kuama in ama mawsak thei ngawl hi.
Ama in a mai seal le eite ih cimaw tu hi.
30Mi a neng niam Pathian selte ii amate a uk ngawl natu in
minamte ii vawt thei bangma om ngawl hi.
31Job awng, na mawnate
Pathian tungah pualaak zo ni ziam,
tuaciang na maw kik ngawl natu in
kamciam pia zo ni ziam?
32Na khialnate hong lak natu in Pathian tungah ngen zo ni ziam?
siatna vawt a kheal tu in na thukim zo ziam?
33Pathian sepna sia na nial nungsang
na dei bang hong vawtsak tu muangmaw thei lai ni ziam?
Nangma ii khensat tu hi a, kei khensat tu hi ngawl hi;
tu in na ngaisutna ko hong son ta'n.
34Mihing khuangaisun thei
khat pawpo in thukim tatak tu hi;
tuaciang ka pauna hong za miciim khat in
35Job sia tel ngawl vai taw papau a,
a pauna po khiakna nei vaset zongh om ngawl hi, ci tu hi.
36Job ii pauna theampo ngaisun vun;
ama misia khat bangin a pau hunlam na mu tu uh hi.
37Pathian a leedona taw a mawna a khialna belap hi;
eite theampo ii mai ah ama in Pathian nunau hi.
Currently Selected:
Job 34: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 34
34
1-2No pasalte ciim mama a, pil mama nu hi;
tu in ka son sia hong ngai tavun.
3An na tep uh ciang a lim sia he nu hi,
ahizong ciim kammalte na zaak uh ciang he ngawl nu hi.
4Hi sia eima ii khensat tu bek hi.
5Job in mawbanna nei bong,
Pathian in kei, thumaan hong danh hi.
6Ama in dongh a, “Banghangin leilot in khial khi hi ci thei tu khi ziam?
Kei sia thithei natu za in liam khi hi, ahihang mawna nei ngawl khi hi,” ci hi.
7Hi pasal pa Job bang mi khat pawpo na mu ngei uh ziam?
ama in Pathian zatakna lak ngeingawl hi.
8Ama in misiate taw kithawl le
mi mawte taw vaa kot nuamsa hi.
9Ama in Pathian ii deina zui tu in hanciam sia
a phatna om ngei peuma bo ci hi.
10No a tel thei pasalte awng, hong ngai tavun!
Vaanglianbelpa Pathian in a maan ngawl naseam tu ziam?
11Ama in mite a sepna bangin tel pia a,
amate tungah a kiphu a kilawm bangin vawt hi. #Ps 62:12
12Vaanglianbelpa Pathian in siatna vawt ngawl hi;
ama in kuama tungah thumaan ngawlin seam ngeingawl hi.
13Pathian in a vaangletna ngualdang khat tung pan nga ziam?
Ama leitung uk tu in khat po in koi ziam?
14Pathian in nuntakna husan sia la kik le,
15tuasia ciang a nungta theampo thi tu a leivui suak kik tu hi.
16Na ciim uh le tu in kei thuson hong ngai tavun.
17A thutang Pathian
ningkhiin nu ziam?
Ama in thumaan thu
ngaimaw sa nu ziam?
18Pathian in kumpite le
ngamukte sia
a nginat ngawl ciang
ahibuale a seksol ciangin ningkhiin hi.
19Ama in ngamukte sangah pang ngawl hi,
mizawngte puavawk a,
a haute maipha pia tuan ngawl hi,
banghang ziam cile mi theampo ama ii bitphua sa vive hi.
20Mihing khat sia zanin thakhat thu in thithei hi.
Pathian in mihingte vaatvawkin amate bo hi;
a thahatte zongh ol takin ama in thatlum hi.
21Ama in ih kalsuanna theampo encik hi.
22Mimaw khat Pathian muna pan a seal zo tu khuazing om ngawl hi.
23Eite pai in ama ii thukhenna ih thuak tu hun
Pathian in ciangtan kul sa ngawl hi.
24Ama in lampuite heam in ngualdang taw a laih natu in,
thu katna, thusitna khat kul sa ngawl hi.
25Banghang ziam cile ama in amate sep sia he hi,
ama in zanin amate lawnthal a sucip hi.
26Ama in mi theampo ii mu theina munah mi mawte daan pia hi,
27banghang ziam cile amate in ama nung zui nawn ngawlin
a thupiakte theampo thusim ngawl uh hi.
28Amate in mizawngte sia zawthawk thu taw ausak in Pathian kosak hi,
tuaciang Pathian in hu ngenin a au nate za hi.
29Pathian in bangma vawt ngawl tu in a khensat hial le zong
kuama in ama mawsak thei ngawl hi.
Ama in a mai seal le eite ih cimaw tu hi.
30Mi a neng niam Pathian selte ii amate a uk ngawl natu in
minamte ii vawt thei bangma om ngawl hi.
31Job awng, na mawnate
Pathian tungah pualaak zo ni ziam,
tuaciang na maw kik ngawl natu in
kamciam pia zo ni ziam?
32Na khialnate hong lak natu in Pathian tungah ngen zo ni ziam?
siatna vawt a kheal tu in na thukim zo ziam?
33Pathian sepna sia na nial nungsang
na dei bang hong vawtsak tu muangmaw thei lai ni ziam?
Nangma ii khensat tu hi a, kei khensat tu hi ngawl hi;
tu in na ngaisutna ko hong son ta'n.
34Mihing khuangaisun thei
khat pawpo in thukim tatak tu hi;
tuaciang ka pauna hong za miciim khat in
35Job sia tel ngawl vai taw papau a,
a pauna po khiakna nei vaset zongh om ngawl hi, ci tu hi.
36Job ii pauna theampo ngaisun vun;
ama misia khat bangin a pau hunlam na mu tu uh hi.
37Pathian a leedona taw a mawna a khialna belap hi;
eite theampo ii mai ah ama in Pathian nunau hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016