Isaiah Thupatna
Thupatna
Isaiah Laibu sia Christ hong pai ma BC kum zalom a liatna lang khen zawkciangin Jerusalem khua ah, a teang kamsaang lian khat ii min a kivaw ahi hi. Hi laibu sia khen thum in kikhen hi:
(1) A khan lian 1-39 sungah thangsang kumpi ukna Judah ngam sia a ngam paam pan a thahat Assyria te in tawng a, a patau hunlai thu ahi hi. Judah ii nuntak natu a patauna thu tatak sia Assyria te thahatna thu hang hi ngawlin, a minam mama ii mawna, Pathian thu a nit ngawlna le Pathian muanna a nei ngawlna hang hizaw ci in Isaiah in mu hi. Kamsaang pa in a mihingte le a lampuite thumaan thutang le thukhaikim in a nuntak natu le, Pathian thu a zui bua uh le, lalna hong piang tu hi ci in kidop natu thiang takin son hi. Isaiah in leitung theampo ah kilemna hun khat le a phabel kumpi khat, David suan le paal sung pan hong pai natu thu zongh sonkhol hi.
(2) A khan lian 40-55 sung sia Judah mihingte tam mama Babylon ah saltaangin, vawtsiat thuak a, lametna om ngawl hun khat lai in a piang thute a sonna ahi hi. Pathian in a mihingte suaktasak tu a, nuntakna thak khat kipan tu in Jerusalem a inn uh ah a cia kik natu thute kamsaang pa in pualaak hi. Hi a khan liante sung pan a teptee huai thubul in, Pathian sia taanghthu ii Topa hi a, a mihingte atu a ngealna sungah amate in minam theampo tungah a thupuakna te taw tua minamte in Israel te tungtawnin thupha a saan natu thu kihel hi. “Topa ii Naseampa” huvau kamnguite sia Lai Thiangtho Lui sungah a kihe belte sungah kihel hi.
(3) A khan lian 56-66 sung a tambel sia Jerusalem ah hong heak kikte tung thusonna te le Pathian in minam tungah a kamciamte taangtungsak tu hi ci sia thinmuan kikna a kisamhte atu in hanthotna vive ahi hi. Thumaan thutang le thutang khen natu ahizong, Sabbath tan natu biakpiakna le thungetna tu ahizong taw kisai thute kison hi. A teptee huai thu khat sia 61:1-2 sungah om a, Jesus in ama vaipuak a kipiakna bangin nasep tu a kipat ciang a thusonna ah a zak kammalte ahi hi.
A kihel Thulute
Hil kholna le kamciamnate 1:1—12:6
Minamte daan piakna 13:1—23:18
Leitung atu Pathian ii thu khenna 24:1—27:13
Hil kholnate le kamciamte piakthuana 28:1—35:10
Judah kumpipa Hezekiah le Assyria te 36:1—39:8
Kamciamna le lametna thute 40:1—55:13
Hil kholna le kamciamte 56:1—66:24
Currently Selected:
Isaiah Thupatna: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016