Hosea Thupatna
Thupatna
Kamsaang pa Amos zawkciang kamsaang pa Hosea in BC 721 kum Samaria khua bo ma a ngim nga hunte sung in, Israel ii saksang kumpi ngam ah thuhil hi. A tuanin a mite ii Pathian tungah a thumaan laakna le milimte a biakna huvau thinbot hi. Hosea in hi a thumaan laakna uh sia a thumaan ngawl numei khat a teenpui hu in a tuasiatna lim la a, hangsan takin lak hi. A zi Gomer in ama tungah a thumaan ngawl bang keakin Pathian mite in Topa nusia zo hi. Hi thu hu in Israel tungah thukhenna tung tu hi. Ahihang a tawpna ah Pathian ii a mite a tawntung a itna ma kip tu a, ama in Israel a minam nga kik in a kizopna zongh a ngeina bang in puuapha kik tu hi. Hi ki itna thu sia hi bangin thin hong suu kammalte taw lak hi: “Israel awng, nang bangbangin hong thasua thei tu khi ziam? Nang bangbangin hong nusia thei tu khi ziam? Ka lungtang in tuabangin hong ngamtasak ngawl tu hi! Nang kong itna sia nasia lei lawlawm hi!” (11:8)
A kihel Thulute
Hosea ii zi neina le innkuan vai 1:1—3:5
Israel langpanna in a thupuakte 4:1—13:16
Kisii kikna le kamciam piakna in a thupuak 14:1-9
Currently Selected:
Hosea Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016