YAOGYAW 37
37
Dee Sidah Krax Pui Caox Mai Pui Mhawm
1Paw khi rhawm ka cao tix kheu pui caox, paw lai ghoing ka grawng pa yuh pui pa ang rahsee. 2Grawh grawng nawh, ang lai rheung, tak sang teue awm rib riem mai rib riem pa klai tak awm pa kroh hu heue. 3Yum rhawm ka Siyiex mai yuh ceu pa mhawm heue, ot ka daux meung Nawh mai kaux sijax mukheu ka daux beenli Nawh Cao awx. 4Gaux rhawm ka daux Siyiex awx, phan yuh nan, Nawh tak sang tawx pa grum naog awm pa lo daux rhawm maix khawmuik heue. 5Ap pong tokaux maix ka Siyiex awx, yum rhawm ka Nawh Cao awx, phan yuh nan, Nawh tak teem maix heue. 6Nawh Cao kieh pa rahsee maix toh awm pa riang mai kieh pa rahsee pa yuh maix jhan riang awm yam jung singaix heue. 7Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix. 8Paw kieh song rhawm, tik ka ceu pa song rhawm, paw kieh rhawm maix koe krax lud heue. 9Pui pa lud khankix, tak sang yaox ti kham ka pa tik pa vud heue. Pui pa krox jun ka Siyiex khankix, tak pon sin meung Nawh Cao heue. 10Ang lai rheung tivud pui ang rahsee ang koe maix sawg kix kawx ang lai yaox dee ot kix heue. 11Pui pa awn rhawm khankix, tak pon sin ka daux meung Nawh Cao#Mat 5:5 mai tak gaux rhawm pa grum naog pa nhim heue. 12Pui pa ang rahsee khankix, greeik rhang mai bak ti yuh ka pui pa rahsee khankix heue. 13Siyiex hoik tawng bawg yam singaix hoik hoek mai nyiah ka nawh heue. 14Pui pa ang rahsee khankix, lawd vaid tix mai vaik ak tix, sang plaux ka pui pa hot pa sibhawm mai pui pa rahsee yum heue. 15Viang mawh nan, vaid kix tak deeh laig ka daux rhawm kix mai ak kix kawx, tak pot heue. 16Kraung pa koe pui pa rahsee ceeix khaing kawx, nie lheu mhawm khaing, pa koe kraung pui pa ang rahsee tom nie heue. 17Grawh grawng nawh, plawng taix pui pa ang rahsee khankix, tak pot heue. Siyiex teem ka pui pa rahsee khankix heue. 18Siyiex hoik tawng bawg yam singaix mai kieh sin ngao kix grum kaux jheung jheung heue. 19Yam yaox kix krax pa nu khawm, ang kix lai kaig tua mai yam sibhawm praix kix yaox ti ih tom sak heue. 20Pui pa ang rahsee khankix, tak hoek krax laux leeing heue, pui pa koeng ka Siyiex khankix, viang mhawm grang ka dee sax ih kix kawx, tak laux leeing grai hu awm taox ngu heue. 21Pui pa ang rahsee khankix, yaog yaing mai ang lai rhawm deeh tawx, phan mawh pui pa rahsee khankix, koe krax pa caux rhawm mai deeh tawx heue. 22Can pui pa pon bwanson Nawh Cao khankix, tak pon sinngao ka daux meung Nawh Cao, can pui pa jhax lawg Nawh Cao khankix, tak hoek krax pa tik vud Nawh heue. 23Siyiex jhi daux krax pa hu nawh mai Nawh khaw rhawm ka krax pa hu nawh heue. 24Pui an viang goh kawx, ang awt hoek krax laux leeing, grawh grawng nawh, Siyiex tok taix nawh heue. 25Jah tom yam awn ju aux, tom hoek yam kuad aux, ang sax yaox tik Maix ka pui pa rahsee mai kawn praix kix pa caung ti ih ang koe. 26Nawh koe rhawm pa chix caux rhawm jheung jheung mai tawx yaog yaing ka pui mai kawn praix nawh khankix, tak pon bwanson heue. 27Via khaing ceu pa caox mai yuh ka ceu pa mhawm awx, phan yuh nan, tak yaox ti ot kaux cong jheung jheung heue. 28Siyiex khaw rhawm ka krax rahsee mai Nawh ang tik ka pui pa singax singeh Nawh, Nawh Cao tak kia ngien ka kix jheung jheung heue. Nawh tak tik ka kawn praix pui pa ang rah ang see khankix heue. 29Can pui pa rahsee khankix, tak pon sin meung Nawh Cao mai yaox ti ot tau mai Nawh jheung jheung leeing ju heue. 30Jheeh pui pa rahsee, chix krai lox cuyi pingnya mai dak nawh kawx, chix krai lox pa rahsee heue. 31Gumlox beenli Siyiex, ot ka daux rhawm nawh mai caong nawh ang cang klad ang goh heue. 32Pui pa ang rahsee khankix, jawm ti pah pui pa rahsee yum heue. 33Viang mawh nan, Siyiex ang tik ka pui pa rahsee ka daux tawm taix pui caox an, yam chawk cheng Nawh, ang lai hoek krax prawng ca phimap heue. 34Krox jun ka Siyiex mai hu ka daux krax Nawh awx, Nawh Cao tak yaog maix ting mai tawx sin ka daux meung Nawh Cao mai maix tak yaox pa laux pa som pui pa ang rahsee khankix heue. 35Viang aux yaox pui pa ang rahsee khankix, pa nieb kwang tokaux tix, ting lhaong awm khaox ting khaox mhawm kawx. 36Khaix an nawh gah hu mai grai mu heue, aux sawg nawh kawx ang yaox. 37Keud ka pui pa hoik grum mhawm mai jhak ka pui pa rahsee awx mai pui an tak pon pa nhim, ju khaix tom sidah heue. 38Can pui pa lud khankix, tak hoek krax laux leeing mai pui pa ang rahsee khankix, kix tak yaox ti kham pa tik vud ju khaix heue. 39Krax taoh pui pa rahsee khankix, lih hoek khaing Siyiex mai mawh dee deuh rhawm yam yaox kix krax khi rhawm heue. 40Siyiex teem kix mai taoh kix mai Nawh Cao taoh kix lih khaing daux tawm taix pui pa ang rahsee khankix, kheu kix deuh rhawm ka Nawh Cao heue.
Currently Selected:
YAOGYAW 37: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAOGYAW 37
37
Dee Sidah Krax Pui Caox Mai Pui Mhawm
1Paw khi rhawm ka cao tix kheu pui caox, paw lai ghoing ka grawng pa yuh pui pa ang rahsee. 2Grawh grawng nawh, ang lai rheung, tak sang teue awm rib riem mai rib riem pa klai tak awm pa kroh hu heue. 3Yum rhawm ka Siyiex mai yuh ceu pa mhawm heue, ot ka daux meung Nawh mai kaux sijax mukheu ka daux beenli Nawh Cao awx. 4Gaux rhawm ka daux Siyiex awx, phan yuh nan, Nawh tak sang tawx pa grum naog awm pa lo daux rhawm maix khawmuik heue. 5Ap pong tokaux maix ka Siyiex awx, yum rhawm ka Nawh Cao awx, phan yuh nan, Nawh tak teem maix heue. 6Nawh Cao kieh pa rahsee maix toh awm pa riang mai kieh pa rahsee pa yuh maix jhan riang awm yam jung singaix heue. 7Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix. 8Paw kieh song rhawm, tik ka ceu pa song rhawm, paw kieh rhawm maix koe krax lud heue. 9Pui pa lud khankix, tak sang yaox ti kham ka pa tik pa vud heue. Pui pa krox jun ka Siyiex khankix, tak pon sin meung Nawh Cao heue. 10Ang lai rheung tivud pui ang rahsee ang koe maix sawg kix kawx ang lai yaox dee ot kix heue. 11Pui pa awn rhawm khankix, tak pon sin ka daux meung Nawh Cao#Mat 5:5 mai tak gaux rhawm pa grum naog pa nhim heue. 12Pui pa ang rahsee khankix, greeik rhang mai bak ti yuh ka pui pa rahsee khankix heue. 13Siyiex hoik tawng bawg yam singaix hoik hoek mai nyiah ka nawh heue. 14Pui pa ang rahsee khankix, lawd vaid tix mai vaik ak tix, sang plaux ka pui pa hot pa sibhawm mai pui pa rahsee yum heue. 15Viang mawh nan, vaid kix tak deeh laig ka daux rhawm kix mai ak kix kawx, tak pot heue. 16Kraung pa koe pui pa rahsee ceeix khaing kawx, nie lheu mhawm khaing, pa koe kraung pui pa ang rahsee tom nie heue. 17Grawh grawng nawh, plawng taix pui pa ang rahsee khankix, tak pot heue. Siyiex teem ka pui pa rahsee khankix heue. 18Siyiex hoik tawng bawg yam singaix mai kieh sin ngao kix grum kaux jheung jheung heue. 19Yam yaox kix krax pa nu khawm, ang kix lai kaig tua mai yam sibhawm praix kix yaox ti ih tom sak heue. 20Pui pa ang rahsee khankix, tak hoek krax laux leeing heue, pui pa koeng ka Siyiex khankix, viang mhawm grang ka dee sax ih kix kawx, tak laux leeing grai hu awm taox ngu heue. 21Pui pa ang rahsee khankix, yaog yaing mai ang lai rhawm deeh tawx, phan mawh pui pa rahsee khankix, koe krax pa caux rhawm mai deeh tawx heue. 22Can pui pa pon bwanson Nawh Cao khankix, tak pon sinngao ka daux meung Nawh Cao, can pui pa jhax lawg Nawh Cao khankix, tak hoek krax pa tik vud Nawh heue. 23Siyiex jhi daux krax pa hu nawh mai Nawh khaw rhawm ka krax pa hu nawh heue. 24Pui an viang goh kawx, ang awt hoek krax laux leeing, grawh grawng nawh, Siyiex tok taix nawh heue. 25Jah tom yam awn ju aux, tom hoek yam kuad aux, ang sax yaox tik Maix ka pui pa rahsee mai kawn praix kix pa caung ti ih ang koe. 26Nawh koe rhawm pa chix caux rhawm jheung jheung mai tawx yaog yaing ka pui mai kawn praix nawh khankix, tak pon bwanson heue. 27Via khaing ceu pa caox mai yuh ka ceu pa mhawm awx, phan yuh nan, tak yaox ti ot kaux cong jheung jheung heue. 28Siyiex khaw rhawm ka krax rahsee mai Nawh ang tik ka pui pa singax singeh Nawh, Nawh Cao tak kia ngien ka kix jheung jheung heue. Nawh tak tik ka kawn praix pui pa ang rah ang see khankix heue. 29Can pui pa rahsee khankix, tak pon sin meung Nawh Cao mai yaox ti ot tau mai Nawh jheung jheung leeing ju heue. 30Jheeh pui pa rahsee, chix krai lox cuyi pingnya mai dak nawh kawx, chix krai lox pa rahsee heue. 31Gumlox beenli Siyiex, ot ka daux rhawm nawh mai caong nawh ang cang klad ang goh heue. 32Pui pa ang rahsee khankix, jawm ti pah pui pa rahsee yum heue. 33Viang mawh nan, Siyiex ang tik ka pui pa rahsee ka daux tawm taix pui caox an, yam chawk cheng Nawh, ang lai hoek krax prawng ca phimap heue. 34Krox jun ka Siyiex mai hu ka daux krax Nawh awx, Nawh Cao tak yaog maix ting mai tawx sin ka daux meung Nawh Cao mai maix tak yaox pa laux pa som pui pa ang rahsee khankix heue. 35Viang aux yaox pui pa ang rahsee khankix, pa nieb kwang tokaux tix, ting lhaong awm khaox ting khaox mhawm kawx. 36Khaix an nawh gah hu mai grai mu heue, aux sawg nawh kawx ang yaox. 37Keud ka pui pa hoik grum mhawm mai jhak ka pui pa rahsee awx mai pui an tak pon pa nhim, ju khaix tom sidah heue. 38Can pui pa lud khankix, tak hoek krax laux leeing mai pui pa ang rahsee khankix, kix tak yaox ti kham pa tik vud ju khaix heue. 39Krax taoh pui pa rahsee khankix, lih hoek khaing Siyiex mai mawh dee deuh rhawm yam yaox kix krax khi rhawm heue. 40Siyiex teem kix mai taoh kix mai Nawh Cao taoh kix lih khaing daux tawm taix pui pa ang rahsee khankix, kheu kix deuh rhawm ka Nawh Cao heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012