YAOGYAW 32
32
Krai Doh Phimap Mai Pluat Phimap
1Pui pa hoik luan khaing phimap mai pui pa hoek ka daux pa tawb kheem phimap tix khan kix, koe bwanson heue. 2Pui pa luan khaing phimap pa deuh Siyiex mai rhawm pa ang koe ceu pa pie lhen, #Ro 4:7-8 koe bwanson heue. 3Phan aux ang krai doh ka phimap tix, si-ang aux kroik, kheu ngia aux leeing lang singaix heue. 4Taix Maix cien ka piang aux ku singaix mai rawm lauh lih jheung jheung awm bawg yam rung praix heue. 5Aux krai doh phimap sivoe ngai Maix, aux ang mox phimap pa lud tix, aux khyox khaw grawng pa lheu aux lox Maix Siyiex heue. Maix hoik pluat ploi phimap pa lud aux heue.#2Sa 12:13 6Mawh kheu in, pui pa singax singeh khankix, tak sang rawg mhaing ka Maix yam sipub kix ka Maix, phan yuh nan, rawm ting haok hwan kawx, ang lai pon tix kheem dex kix heue. 7Maix mawh dee mox aux mai Cao pa tiebtie aux, yam khi rhawm aux heue. Kieh lox rhax grawng krax taoh rob vung viang aux heue. 8Aux tak sang gau ka maix mai tak sang jhi krax pa sang hu maix, Aux kia ngien maix mai priex ka maix heue. 9Paw lai kieh awm brung, law, pa ang tawng praix phan ang cu tix hoek ka maix, sau maox keu kag daux jheeh nawh mai sonsang pon tok nawh hu heue. 10Pui pa ang rahsee khankix, yaox ti kham geu krax pa kha rhawm tom nie mai pui pa deuh rhawm ka Siyiex khankix, bwanson krax pa caux rhawm hoik rob vung viang nawh heue. 11Pui pa rahsee khankix eue, gaux rhawm gaux rhi ka daux Siyiex awx. Pui pa rahsee rhawm rhi khankix eue, rhax lai gaux rhawm gaux rhi awx.
Currently Selected:
YAOGYAW 32: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
