1 THESALONIX 1
1
Lox Nawb
1Pawlux mai Silwanux mai Timose, tawx ka ceu cao pui veng Thesalonix#Cau 17:1 pa ot ka daux Siyiex Keeing Cao mai Simiang Yesux Khrit heue. Kieh bwanson mai pa nhim koe ka pex liak.
Krax Im Ju Pui Veng Thesalonix
2Ex yaogyaw bwanson Siyiex son pex khawmuik ku jheung jheung, simawd ka pex ka daux pa rawg ex bwan, 3Ca doh keud pot grawng kaing krax yum rhawm pex, pa yuh daux krax moh krax rhawm krax gun krax yeung, ka krax keud pot jun pot ka daux Simiang ex Yesux Khrit, ka sivoe Siyiex ex heue. 4Puxaik pa moh Siyiex khankix eue, ex tawng grawng hoik laug Nawh Cao ka pex, 5mawh kheu lox bwan gaux rhawm pa sidiex ex, ang mawh ngie lox giex ka pex, mawh khawm ka daux sibrawm, ka daux Khuan Singax Singeh mai ka daux pa nie fah rhawm kheu tawng mawh awm pa tawng pex grawng ex mawh pui pa yuh ka mawx ka son pex, yam ot ex mai pex heue. 6Pex hoik lih mawh pui pa hawt jawh ka ex, ka Simiang, khaix hoik rieb pex lox bwan ka daux pa kha rhawm tom nie,#Cau 17:5-9 tau mai pa gaux rhawm Khuan Singax Singeh, 7tom hoik lih pex ti mawh mhai ti hawt jawh, ka pui pa yum rhawm khawmuik pa ot ka daux meung Makedonix mai meung Akhayax heue. 8Lox bwan Simiang hoik tah hoik sinum hu khaing pex, ang joeng mawh ngie ka daux meung Makedonix mai meung Akhayax, krax yum rhawm pex ka plak Siyiex hoik tah hu kudah kudee, mawh kheu in ang ex lai shiao ah tidtix heue. 9Mawh kheu tokaux kix krai lao, grawng pa laig ex ka pex mawh pa yuh ka mawx, grawng pa deeh tieh pex ti hoek ka Siyiex, khaing riang grang khankix, sonsang yuh son Siyiex pa im ju mai pa mawh pa meh, 10sonsang krox son Kawn Nawh Cao khaing raoma, pa hoik deeh kieh Nawh Cao kaoh im khaing krax yum, pa mawh Yesux, pa sang taoh ex khaing pa song rhawm songrhi pa tak sang hoek heue.
Currently Selected:
1 THESALONIX 1: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012