1 THESALONIX 4
4
Krax Im Ju Pa Khaw Mai Rhawm Siyiex
1Lox pa deuk mawh nin, puxaik khankix eue, ex khyox khaw mai jeeh nyaw pex ka daux Simiang Yesux, sonsang hu pex awm pa hoik rieb pex ti teei khaing ex grawng pa khaw pex ti hu sonsang khaw mai rhawm Siyiex, awm pa hu pex yam in, pex sang nie lheu baox chix hu khaing an sinyek sinyek heue. 2Pex tawng grawng hoik tawm ex lox pa yuh ka mawx ka pex ka daux Simiang Yesux heue. 3Ceu pa khaw ka alo Siyiex, mawh pa singax singeh pex, pa ang dex ang yuh ceu pa lud vao, 4pa chix tawng kaux pui mawx kaux pui an ti priex ka kraung cie tokaux tix, ka daux pa singax singeh mai pa yung yi. 5Ang mawh ka daux pa hawt ti yuh alo nex nham, awm yuh pui tang ceu khankix, pa ang tawng ka Siyiex, 6pui tix kaux kawx, tak ang sang nieb nie luan yuh mai lud ka puxaik tix ka daux grawh grawng in, mawh kheu Simiang mawh cao pa ciyang ka ceu in khankix khawmuik, awm hoik grux krai ex mai hoik kham ex mhai ruk ka pex heue. 7Siyiex ang kok ex son pa ang singax singeh, kok ka daux pa singax singeh heue. 8Kaw pa thiang ti tik, thiang ti tik ka kawn pui ang mawh, thiang ti tik ka Simiang Siyiex, pa tawx Khuan Singax Singeh Nawh Cao ka pex heue. 9Grawh grawng krax moh krax rhawm ka puxaik khankix, ang pex lo pa tiiem pui lai ka pex tix kaux kawx, mawh kheu Siyiex hoik gau ka pex grawng pa moh ka paox tix, tix kaux lai tix kaux heue. 10Pex hoik yuh nan ka puxaik khawmuik pa ot ka daux meung Makedonix khawmuik heue. Puxaik khankix eue, ex sidiex jeeh nyaw ka pex sonsang nie lheu baox koe krax moh sinyek sinyek. 11Sonsang gau pex ti chix ot yiien mhawm mhawm, sonsang yuh kaing cie tokaux tix, sonsang yuh kaing ka taix tix, awm pa hoik tawm ex ka pex, 12sonsang hu pex, awm pa nyawm ti jhak, ka kix pa ot plak praix mai son ang lai baox lo tidtix heue.
Simiang Siyiex Sang Deeh Hoek
13Puxaik khankix eue, ang ex rhawm kieh pex ang tawng ka grawh grawng kix pa laig it khankix, son ang pex sang khi rhawm, awm pui tang kaux pa deuk khankix pa ang koe krax keud pot jun pot heue. 14Phan ex yum rhawm ka grawng pa hoik yum Yesux mai pa hoik baox deeh kaoh tix bawg, awm an kix pa hoik laig it ka daux Yesux kawx, Simiang Siyiex tak viex hoek tau mai Nawh Cao heue. 15Ex ah nin ka pex kheu hoik pon ex lox Simiang Siyiex, grawng ex pa kawn klawd mai pa kawn deuk tom yam hoek Simiang Siyiex, ang tau lai pon hoek ka sivoe kix pa hoik laig it khankix heue. 16Tokaux Simiang Siyiex tak sang lih khaing raoma tau mai lox yo tau mai lox simiang kawncau mai lox teet tawng Siyiex, pui pa hoik yum ka daux Cao Khrit tak sang deeh kaoh phao ka heue. 17Khaix an ex pa kawn klawd pa kawn deuk khankix, tak sang teei haok tau mai kix, ka daux paiawm, sonsang sipub ka Simiang Siyiex ka daux bhaung dee long mai ex tak sang ot tau mai Simiang Siyiex leeing ju heue.#1Kaw 15:51-52 18Mawh kheu nan teei gumlox in mai khu rhawm ka paox tix, tix kaux lai tix kaux awx.
Currently Selected:
1 THESALONIX 4: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
1 THESALONIX 4
4
Krax Im Ju Pa Khaw Mai Rhawm Siyiex
1Lox pa deuk mawh nin, puxaik khankix eue, ex khyox khaw mai jeeh nyaw pex ka daux Simiang Yesux, sonsang hu pex awm pa hoik rieb pex ti teei khaing ex grawng pa khaw pex ti hu sonsang khaw mai rhawm Siyiex, awm pa hu pex yam in, pex sang nie lheu baox chix hu khaing an sinyek sinyek heue. 2Pex tawng grawng hoik tawm ex lox pa yuh ka mawx ka pex ka daux Simiang Yesux heue. 3Ceu pa khaw ka alo Siyiex, mawh pa singax singeh pex, pa ang dex ang yuh ceu pa lud vao, 4pa chix tawng kaux pui mawx kaux pui an ti priex ka kraung cie tokaux tix, ka daux pa singax singeh mai pa yung yi. 5Ang mawh ka daux pa hawt ti yuh alo nex nham, awm yuh pui tang ceu khankix, pa ang tawng ka Siyiex, 6pui tix kaux kawx, tak ang sang nieb nie luan yuh mai lud ka puxaik tix ka daux grawh grawng in, mawh kheu Simiang mawh cao pa ciyang ka ceu in khankix khawmuik, awm hoik grux krai ex mai hoik kham ex mhai ruk ka pex heue. 7Siyiex ang kok ex son pa ang singax singeh, kok ka daux pa singax singeh heue. 8Kaw pa thiang ti tik, thiang ti tik ka kawn pui ang mawh, thiang ti tik ka Simiang Siyiex, pa tawx Khuan Singax Singeh Nawh Cao ka pex heue. 9Grawh grawng krax moh krax rhawm ka puxaik khankix, ang pex lo pa tiiem pui lai ka pex tix kaux kawx, mawh kheu Siyiex hoik gau ka pex grawng pa moh ka paox tix, tix kaux lai tix kaux heue. 10Pex hoik yuh nan ka puxaik khawmuik pa ot ka daux meung Makedonix khawmuik heue. Puxaik khankix eue, ex sidiex jeeh nyaw ka pex sonsang nie lheu baox koe krax moh sinyek sinyek. 11Sonsang gau pex ti chix ot yiien mhawm mhawm, sonsang yuh kaing cie tokaux tix, sonsang yuh kaing ka taix tix, awm pa hoik tawm ex ka pex, 12sonsang hu pex, awm pa nyawm ti jhak, ka kix pa ot plak praix mai son ang lai baox lo tidtix heue.
Simiang Siyiex Sang Deeh Hoek
13Puxaik khankix eue, ang ex rhawm kieh pex ang tawng ka grawh grawng kix pa laig it khankix, son ang pex sang khi rhawm, awm pui tang kaux pa deuk khankix pa ang koe krax keud pot jun pot heue. 14Phan ex yum rhawm ka grawng pa hoik yum Yesux mai pa hoik baox deeh kaoh tix bawg, awm an kix pa hoik laig it ka daux Yesux kawx, Simiang Siyiex tak viex hoek tau mai Nawh Cao heue. 15Ex ah nin ka pex kheu hoik pon ex lox Simiang Siyiex, grawng ex pa kawn klawd mai pa kawn deuk tom yam hoek Simiang Siyiex, ang tau lai pon hoek ka sivoe kix pa hoik laig it khankix heue. 16Tokaux Simiang Siyiex tak sang lih khaing raoma tau mai lox yo tau mai lox simiang kawncau mai lox teet tawng Siyiex, pui pa hoik yum ka daux Cao Khrit tak sang deeh kaoh phao ka heue. 17Khaix an ex pa kawn klawd pa kawn deuk khankix, tak sang teei haok tau mai kix, ka daux paiawm, sonsang sipub ka Simiang Siyiex ka daux bhaung dee long mai ex tak sang ot tau mai Simiang Siyiex leeing ju heue.#1Kaw 15:51-52 18Mawh kheu nan teei gumlox in mai khu rhawm ka paox tix, tix kaux lai tix kaux awx.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012