Deuteronomio 2
2
B'inik pa tz'inilik jyub' chaqij
1Te'uri xoj-e pa tz'inilik jyub' chaqij che i b'e chi k-e pusuk' i Mar Kaq, chrij pacha xub'ij i Ajwal, lik k'iyal ij xojsutin chrij i jyub' Seir. 2Are uri i Ajwal xub'ij chwe: 3“K'iyal chik ij chi to' kixsutin chrij i jyub' le; wo'or jix pusuk' i moxab'. 4Chaya i taqaniki chke konojel i winaq: Yix kixik'aw pkulew i je umuq uxikin ma Esaú chi je jeqel chila pa Seir chi iwachalal yix, ike kkixij kib' chiwe yix xwiri lik chi'ana kwent iwib', 5mi'an ch'oj chkij man Yin lik kinya ti jub'i' iwe che ulew le, man i jyub' Seir lik ke i je umuq uxikin ma Esaú, Yin xinyaw chke ike le. 6Yix kilo' ni chke ike ronojel ni'pa rajwaxik chiwe re kitijo xaq iya' re kitu'u' ronojel kitoj na.” 7I Ajwal, chi i-Dios yix, uya'om utzil chomal piwi che ronojel ni'pa i'anom. Ire lik k'ijinaq iwu' che i kawinaq (40) junab' chi xixb'inik lik xixuchajij che i b'e che i nim laj tz'inilik jyub' chaqij le, lik nti xramtajik man is uya'om chiwe ni'pa i rajwaxik.
8Chrijil chik ile te'uri xoj-e che i b'e chi k-e pa Arabá chi petnaq k'a pa Elat xaq Ezión-geber, xaq xojik'aw chupam kulew i qachalal chi je umuq uxikin ma Esaú, chi je jeqel chila pa Seir, chila xojsutin wi te'uri xqamaj b'i b'e chi k-e che i tz'inilik jyub' chaqij re Moab. 9Are uri i Ajwal xub'ij chwe: “Meach'ich'a xaq ma'an ch'oj chkij aj Moab man ike le je umuq uxikin ma Lot, xaq lik kinya ti jub'i' awe che i rulew ire le, man Yin inya'om i tinimit Ar chke ike le.” 10I tinimit le xek'iji aj Em chwach ujer chi lik je k'i xaq lik naj kij pacha je umuq uxikin ma Anac chi lik naj kij. 11Lik saq laj tzij i winaq kkib'ij chi je are aj Refaim tupu aj Moab kkib'ij ike chi je aj Em. 12I ulew Seir je are te'eq aj Horeo je o chwach ujer, xwiri i je umuq uxikin ma Esaú xkichup kiwach konojel, rumali xejeqi ike chwach pacha xki'an aj Israel che i tinimit chi xuya i Ajwal chke. 13Are uri xub'ij i Ajwal: “Wo'or su' chimaja b'i ib'e, chi'axuj i raqana Zered”, rumali yoj keje ile xqa'ano.
14Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal. 15Ucho'ab' i Ajwal xqaj pkiwi konojel achiyab' chi je yij che i ch'oj k'a xekam ni konojel.
16Are je kamnaq chik konojel i achiyab' chi je yij che i ch'oj re i tinimit, 17i Ajwal xlapan wu', xub'ij chwe: 18“Su' wo'or kixik'aw chupam ulew Moab chila pa tinimit Ar, 19xwiri are keak'ulaj aj Amón, chi xaq je umuq uxikin ma Lot, meich'ich'a xaq ma'an ch'oj chkij, man Yin lik kinya ti jub'i' iwe che ulew le, man i ulew le lik ke ike, Yin xinyaw chke.” 20Xaq i ulew le ke te'eq aj Refaim, man je are ike je jeqinaq chwach ujer. I aj Amón xkiya pkib'i aj Refaim le, aj Zomzomeo. 21Lik are jun tinimit nim i lik je k'i winaq chwach xaq lik naj kij pacha umuq uxikin ma Anac chi lik naj kij. Xwiri aj Amón xkichup kiwach rumal utaqanik i Ajwal; i aj Amón le xekanaj pa jeqelem chila ronojel ij saq pkik'exel i winaq le. 22Xaq keje ile xu'an i Ajwal ku' i rak'al ma Esaú, man xeuto chuchupik kiwach aj Horeo chi je jeqel te'eq pa Seir. Wo'or je are umuq uxikin ma Esaú je jeqel chila che i ulew Seir le. 23Xaq keje xkik'ulmaj aj Jiw chi je jeqel te'eq pa taq komon naqaj che i Gaza, chi xchup kiwach kumal aj Filistea, i aj Filistea le je petnaq pa Creta xwiri xejeqi chila pa Gaza. 24Are uri xub'ij i Ajwal: “Jo', chqamaja b'i qab'e, chqa'axuj i raqana Arnón, man Yin kinya i ajawinel Sehón, chi aj Hamor pi'ab', chi are ajawinel re i tinimit Hesbón, xaq kinya i rulew pi'ab'. Chixok b'i pa rulew, chi'ana ch'oj ku' 25Lik che i iji kin-an ni chke konojel i tinimit chwach i jyub' ta'aj chi lik kkixij ni kib' chiwe. Xaq are kkita chi kixlapik, lik keb'arb'at ni rumal kixib'rikil xaq kechap ni rumal jun nim laj b'is.”
I aj Israel xkich'ak i ajawinel Sehón
26Chila pa tz'inilik jyub' chaqij Cademot xeintaq b'i keb' oxib' ajb'il tzij ru' ma Sehón, chi ajawinel re i tinimit Hesbón, lik pa utz xinb'ij iri che: 27“Yoj kqaj kojik'aw chupam awulew xwiri lik suk'ulik pa nim b'e kojik'aw wi to' ti kojik'aw jun la. 28Yoj kqatoj ni chawe ronojel ni'pa rajwaxik chqe re kqatijo xaq re kqatu'u, xwi i utzil chomal kqatz'onoj chi kaya chqe chi kojik'aw chupam awulew. 29Pacha utzil chomal chi xki'an umuq uxikin ma Esaú chqe chi je jeqel chila pa Seir xaq pacha i utzil chomal xki'an aj Moab chqe chi je jeqel chila pa Ar. K'a kqa'axuj ni i raqana Jordán, xaq k'a kojok ni chwach ulew chi kuya i Qajwal Dios chqe.”
30Xwiri i ajawinel chi ma Sehón xuya taj chi kojik'aw chupam rulew man i Ajwal chi i Dios yix xu'an ko che uk'ux xaq xu'an b'uy che, man kuya ni pi'ab' yix k'a pacha u'anom wo'or.
31Are uri i Ajwal xub'ij chwe: “Lik wo'or che i iji kinya i ajawinel Sehón xaq ronojel i rulew pi'ab', rumali su' chixok b'i prulew, chi'ana iwe yix che.”
32Are uri i ajawinel Sehón xpe chqak'ulaxik ku' konojel uwinaq chi je yij che i ch'oj, chu'anik ch'oj qu' yoj chila che i k'ijib'al chi Jahaza. 33Xwiri i Qajwal Dios xeujach pqa'ab', xqakamsaj ire, xeqakamsaj i rak'al, xaq konojel uwinaq. 34Ronojel utinimit ire xetzaq pqa'ab', konojel is xqachup kiwach, xqakamsaj konojel achiyab' xaq konojel ixoqib' xaq i ak'alab'; mijun xk'asi kanoq. 35Yoj xwi xeqak'am li jalajuj taq chikop xaq i jalajuj taq b'iroxik, chi lik paqal rajil, chi xqariq chila pa jalajuj taq tinimit chi xeqakamsaj i winaq chwach. 36Lik k'a che i tinimit Aroer, chi o chila chuchi' i raqana Arnón, k'a che ulew Galaad, mijun tinimit xuch'ij u'anik ch'oj qu', lik konojel xqachup kiwach, man i Ajwal xeuya pqa'ab'. 37I tinimit chi xqa'an ti ch'oj ku' je are iri: Are kitinimit aj Amón, xaq konojel i tinimit chi o chwa ta'aj ipa kik'aw wi i raqana Jaboc, i tinimit chi je o chwi taq jyub', xaq ronojel i ulew chi Qajwal Dios xub'ij chqe chi koj-e ti chila chu'anik ch'oj ku'.
Currently Selected:
Deuteronomio 2: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
Deuteronomio 2
2
B'inik pa tz'inilik jyub' chaqij
1Te'uri xoj-e pa tz'inilik jyub' chaqij che i b'e chi k-e pusuk' i Mar Kaq, chrij pacha xub'ij i Ajwal, lik k'iyal ij xojsutin chrij i jyub' Seir. 2Are uri i Ajwal xub'ij chwe: 3“K'iyal chik ij chi to' kixsutin chrij i jyub' le; wo'or jix pusuk' i moxab'. 4Chaya i taqaniki chke konojel i winaq: Yix kixik'aw pkulew i je umuq uxikin ma Esaú chi je jeqel chila pa Seir chi iwachalal yix, ike kkixij kib' chiwe yix xwiri lik chi'ana kwent iwib', 5mi'an ch'oj chkij man Yin lik kinya ti jub'i' iwe che ulew le, man i jyub' Seir lik ke i je umuq uxikin ma Esaú, Yin xinyaw chke ike le. 6Yix kilo' ni chke ike ronojel ni'pa rajwaxik chiwe re kitijo xaq iya' re kitu'u' ronojel kitoj na.” 7I Ajwal, chi i-Dios yix, uya'om utzil chomal piwi che ronojel ni'pa i'anom. Ire lik k'ijinaq iwu' che i kawinaq (40) junab' chi xixb'inik lik xixuchajij che i b'e che i nim laj tz'inilik jyub' chaqij le, lik nti xramtajik man is uya'om chiwe ni'pa i rajwaxik.
8Chrijil chik ile te'uri xoj-e che i b'e chi k-e pa Arabá chi petnaq k'a pa Elat xaq Ezión-geber, xaq xojik'aw chupam kulew i qachalal chi je umuq uxikin ma Esaú, chi je jeqel chila pa Seir, chila xojsutin wi te'uri xqamaj b'i b'e chi k-e che i tz'inilik jyub' chaqij re Moab. 9Are uri i Ajwal xub'ij chwe: “Meach'ich'a xaq ma'an ch'oj chkij aj Moab man ike le je umuq uxikin ma Lot, xaq lik kinya ti jub'i' awe che i rulew ire le, man Yin inya'om i tinimit Ar chke ike le.” 10I tinimit le xek'iji aj Em chwach ujer chi lik je k'i xaq lik naj kij pacha je umuq uxikin ma Anac chi lik naj kij. 11Lik saq laj tzij i winaq kkib'ij chi je are aj Refaim tupu aj Moab kkib'ij ike chi je aj Em. 12I ulew Seir je are te'eq aj Horeo je o chwach ujer, xwiri i je umuq uxikin ma Esaú xkichup kiwach konojel, rumali xejeqi ike chwach pacha xki'an aj Israel che i tinimit chi xuya i Ajwal chke. 13Are uri xub'ij i Ajwal: “Wo'or su' chimaja b'i ib'e, chi'axuj i raqana Zered”, rumali yoj keje ile xqa'ano.
14Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal. 15Ucho'ab' i Ajwal xqaj pkiwi konojel achiyab' chi je yij che i ch'oj k'a xekam ni konojel.
16Are je kamnaq chik konojel i achiyab' chi je yij che i ch'oj re i tinimit, 17i Ajwal xlapan wu', xub'ij chwe: 18“Su' wo'or kixik'aw chupam ulew Moab chila pa tinimit Ar, 19xwiri are keak'ulaj aj Amón, chi xaq je umuq uxikin ma Lot, meich'ich'a xaq ma'an ch'oj chkij, man Yin lik kinya ti jub'i' iwe che ulew le, man i ulew le lik ke ike, Yin xinyaw chke.” 20Xaq i ulew le ke te'eq aj Refaim, man je are ike je jeqinaq chwach ujer. I aj Amón xkiya pkib'i aj Refaim le, aj Zomzomeo. 21Lik are jun tinimit nim i lik je k'i winaq chwach xaq lik naj kij pacha umuq uxikin ma Anac chi lik naj kij. Xwiri aj Amón xkichup kiwach rumal utaqanik i Ajwal; i aj Amón le xekanaj pa jeqelem chila ronojel ij saq pkik'exel i winaq le. 22Xaq keje ile xu'an i Ajwal ku' i rak'al ma Esaú, man xeuto chuchupik kiwach aj Horeo chi je jeqel te'eq pa Seir. Wo'or je are umuq uxikin ma Esaú je jeqel chila che i ulew Seir le. 23Xaq keje xkik'ulmaj aj Jiw chi je jeqel te'eq pa taq komon naqaj che i Gaza, chi xchup kiwach kumal aj Filistea, i aj Filistea le je petnaq pa Creta xwiri xejeqi chila pa Gaza. 24Are uri xub'ij i Ajwal: “Jo', chqamaja b'i qab'e, chqa'axuj i raqana Arnón, man Yin kinya i ajawinel Sehón, chi aj Hamor pi'ab', chi are ajawinel re i tinimit Hesbón, xaq kinya i rulew pi'ab'. Chixok b'i pa rulew, chi'ana ch'oj ku' 25Lik che i iji kin-an ni chke konojel i tinimit chwach i jyub' ta'aj chi lik kkixij ni kib' chiwe. Xaq are kkita chi kixlapik, lik keb'arb'at ni rumal kixib'rikil xaq kechap ni rumal jun nim laj b'is.”
I aj Israel xkich'ak i ajawinel Sehón
26Chila pa tz'inilik jyub' chaqij Cademot xeintaq b'i keb' oxib' ajb'il tzij ru' ma Sehón, chi ajawinel re i tinimit Hesbón, lik pa utz xinb'ij iri che: 27“Yoj kqaj kojik'aw chupam awulew xwiri lik suk'ulik pa nim b'e kojik'aw wi to' ti kojik'aw jun la. 28Yoj kqatoj ni chawe ronojel ni'pa rajwaxik chqe re kqatijo xaq re kqatu'u, xwi i utzil chomal kqatz'onoj chi kaya chqe chi kojik'aw chupam awulew. 29Pacha utzil chomal chi xki'an umuq uxikin ma Esaú chqe chi je jeqel chila pa Seir xaq pacha i utzil chomal xki'an aj Moab chqe chi je jeqel chila pa Ar. K'a kqa'axuj ni i raqana Jordán, xaq k'a kojok ni chwach ulew chi kuya i Qajwal Dios chqe.”
30Xwiri i ajawinel chi ma Sehón xuya taj chi kojik'aw chupam rulew man i Ajwal chi i Dios yix xu'an ko che uk'ux xaq xu'an b'uy che, man kuya ni pi'ab' yix k'a pacha u'anom wo'or.
31Are uri i Ajwal xub'ij chwe: “Lik wo'or che i iji kinya i ajawinel Sehón xaq ronojel i rulew pi'ab', rumali su' chixok b'i prulew, chi'ana iwe yix che.”
32Are uri i ajawinel Sehón xpe chqak'ulaxik ku' konojel uwinaq chi je yij che i ch'oj, chu'anik ch'oj qu' yoj chila che i k'ijib'al chi Jahaza. 33Xwiri i Qajwal Dios xeujach pqa'ab', xqakamsaj ire, xeqakamsaj i rak'al, xaq konojel uwinaq. 34Ronojel utinimit ire xetzaq pqa'ab', konojel is xqachup kiwach, xqakamsaj konojel achiyab' xaq konojel ixoqib' xaq i ak'alab'; mijun xk'asi kanoq. 35Yoj xwi xeqak'am li jalajuj taq chikop xaq i jalajuj taq b'iroxik, chi lik paqal rajil, chi xqariq chila pa jalajuj taq tinimit chi xeqakamsaj i winaq chwach. 36Lik k'a che i tinimit Aroer, chi o chila chuchi' i raqana Arnón, k'a che ulew Galaad, mijun tinimit xuch'ij u'anik ch'oj qu', lik konojel xqachup kiwach, man i Ajwal xeuya pqa'ab'. 37I tinimit chi xqa'an ti ch'oj ku' je are iri: Are kitinimit aj Amón, xaq konojel i tinimit chi o chwa ta'aj ipa kik'aw wi i raqana Jaboc, i tinimit chi je o chwi taq jyub', xaq ronojel i ulew chi Qajwal Dios xub'ij chqe chi koj-e ti chila chu'anik ch'oj ku'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala