aKolose 4
4
1Asapwiya nyuwo, muwereleke akapuro anyu yekhaikhai ni yawereryana; musuwelaka wi nyuwotho mokhalano Pwiya wirimu.
Walopola sa ovekela, ni sokhalano miruku.
2Titelelani ovekela, muweheryeke mummo ni othamala; 3ni onivekelela hiyotho vavo, wi Muluku anihulele hiyo va milakoni va masu, wi nulumeke yawiphíni ya Kristu; yeyotho kinakhalelaka mu kariposo, 4wi konihe yela ntoko kinaphwanelelaka wuluma. 5Mwecheke m’mirukuni ni amalapo awo, mwerakano mwa mvai mahiku enívire siyo. 6Masu anyu akhale mu ikharari, ósiva mwapa, wi nyuwo musuweleno wakhula wanyu wa wa mmoha ani ereno hai.
Orummwa wa Tukiko ni Onesimo. Walochela.
7Sothe sene sa wa miyo anolélashani Tukiko, munna ósiveliwa ni óruméla óroromeleya ni kapuro mukhwaka mwa Apwiya: 8yowo kimurummaka wa nyuwo ntakhara a nthowa nenla, wi musuwelashe sa wa hiyo, ni wi amálihe mirimányu; 9vamoha ni Onesimo, munna óroromeleya ni ósiveliwa, yowo ori a wa nyuwo. Sothe sene sa wino enolélashani.
10Aristarko amukariposo mukhwaka annolochelani nyuwo, ni Marko, musulahumu a Barnaba (wa yowo mwákhenlanyu solamulela sawe; aphiya wa nyuwo, m’mwakhele), 11ni Yesu, aweriwa Yusto, ti óthikiliwa, yaworu talipa‐muteko akhwaka a mumwene wa Muluku, ti yawo enakhala yokimáliha murima. 12Epafra annolochelani, ti a wa nyuwo, ti kapuro a Yesu Kristu, ótitelelasha ntakhara a nyuwo m’mavekelo awe mahiku othene, wi mwemele murutchu ene ni ósareya mukhwela wothene wa Muluku. 13Ntakhara kinnamwerela namona wi annikhulumulano muteko ntakhara a nyuwo, ni yawo a mu Laodikaya, ni yawo a mu Herapoli. 14Annolochelani Luka mulipa‐mureche ósiveliwa, ni Dema. 15Lochelani anna awo a mu Laodikaya, ni Numfa, ni muloko’wo wa’mpa mwaya. 16Nave mwalakhannye ekarata ela, yalakhanyiwetho m’mulokoni wó Laodikaya, nave nyuwotho mwalakhanye yó Laodikaya. 17Nave muloche ni Arkipo, manki othokororyeke ni oruméla wiwo wákhenlá mwa Apwiya, wi okhwánye.
18Olochela ni ntata naka, wa miyo Paulo. Upuwelelani makwekweso aka. Ikharari sikhale ni nyuwo. Amen.
Currently Selected:
aKolose 4: NGL1930
Highlight
Copy
Compare
Share
Want to have your highlights saved across all your devices? Sign up or sign in
Published by the Scottish Bile Society in 1930.
