Ròmànì Hwèlìhvòwelì hwe è Kààtì
Hwèlìhvòwelì hwe è Kààtì
È kààtì ema Pàwolò a tìlelì hwatò hwa Ròmànì e hwèlì ndi ò lì hwa wòŋgìrzɛ̀nɛ ò yɔ̀ndɔ̀ ema mɔ̀ à mà òhwe nanù ema a ò hwa hvɛ̀hvɛ̀ ò ŋmèmba ema mò hweli aŋga. Ène kààtì e uŋmɛ̀lɛ̀ lìlòkɛ̀ ema lì hwèlì ò ma Krirztò ndèŋgànɛ̀lɛ̀ nɛ lòŋgɛ la hwatò hwa ama Krirztò lì àŋgàmɛ̀nɛ̀yi lì hwɛ. Pàwolò mɔ̀ à òhwi ò tenì ya ene kààtì nà e jɔ̀kɛ̀ nanù ema, “Ŋmɛ̀ndì mò gbamù mò uŋmɛ̀lɛ̀yi nɛ Lohwɛ̀ a gbeyà rzìi hwatò hwa emàyɛ̀lɛ̀hwɛ̀ ò wòrzò wò eni. Lìlòkɛ̀ ndi lì gbèyi ndèŋgànà hwatò hwa emàyɛ̀lɛ̀hwɛ̀ ò wòrzò wò ama Lohwɛ̀” (1.17).
Pàwolò a uŋmɛ̀lɛ̀ nanù ema ò lɔ̀wu nanù ema hwatò hwa arzɛ hwa emàyɛ̀lɛ̀hwɛ̀ ò wòrzò wò ama Lohwɛ̀ ehwànja hwaŋga hwatò hwa arzɛ hwa hweli ndi ò rze ya màyìmbì ma wòhwe. Mɔ̀ a òhwi nanù ema lì akeyà na lìlòkɛ̀ ema hwatò hwa hwɛnelì Krirztò ɔndi eŋge nyayi ya eyà e tànɛyi lì gbèyɛ̀nɛ.
Pàwolò a uŋmɛ̀lɛ̀ hvɛ nanù ema mòtò a hwɛnɛ lòŋgɛ lì hvènya a hwèlì tɛ mɔ̀kɔ na Krirztò. Èŋge nyayi ya mòtò e hwɛ ò ɛ̀yɔ̀lɛ̀ na Lohwɛ̀, ndèŋgànɛ̀lɛ̀ Èlìŋgɛ̀ yà ama Lohwɛ̀ e mò ulɛ ò rze ya màyìmbì ma wòhwe na e kpelì. Mɔ̀ a umbulɛnɛ ene kààtì na màyòwà ema mɔ̀ à ŋgbelì hwatò na jèka ema a ŋgbelì Lohwɛ̀.
Hwekàhweli hwe è kààtì
Hwèlìhvowelì na jànda ja ene kààtì 1.1-17
Lìrzùŋgàhwa lì arzahwa ndi na hwatò hwa arzɛ 1.18–3.20
È njiya ya ama Lohwɛ̀ ò lì luwa lìrzùŋgàhwa 3.21–4.25
Lòŋgɛ lì hvènya ò lì hwɛ na Krirztò 5.1–8.29
Hwàtò hwa Irzàyɛ̀lì na hwètɛ̀yìrzèlì hwe ama Lohwɛ̀ 9.1–11.36
Ɛ̀ɛmɛ̀ ya mòtò wa ama Krirztò 12.1–15.13
Lìrzùkù na iikɔ̀mi 15.14–16.27
Currently Selected:
Ròmànì Hwèlìhvòwelì hwe è Kààtì: bri
Highlight
Copy
Compare
Share
Want to have your highlights saved across all your devices? Sign up or sign in
© 2022, CABTAL