Malakayi 3
3
1Kwe choo Imfumu e Leza wa maka yonsi akutolelela akuti, Ndituma intumi yane iyize iyanie inzila yane. Apano napapo-napapo Imfumu e Leza wino mukavwamba aliyiza mu ng’anda yakwe iyakumupepela. Intumi yino mukaluchila ukuyilola iliyiza iwawumbulile ilayano lyane.
2Nga weni alipusuka pawanda wuno intumi iliyiza? Nga weni alilanga amumi pano aliloleka? Aliwa ngati amulilo wuno wukasungulula ichela, swinya aliwa ngati we sopo wilambo. 3Aliyiza mukupanzya ndivino wino akasungulula nu kwengulula silivara. Aliyengulula wasikapemba ndivino silivara nu golide vikakwengululwa. Apano waliwaleta ku Mfumu e Leza ivifimwa vizima. 4Apano ivifimwa vino awantu wa mwe Yuda na wa mwe Yerusalemu wakuleta ku Mfumu e Leza viliwamusechelesya, ndivino vyamusechelesyanga kali.
5Imfumu e Leza wa maka yonsi wavwanga wati, Ndiyiza kwemwemwe mukupanzya, ndisinila wakapanda wonsi na wazelele, na wachawufi wonsi nanti kuzimba, mpanzye na wonsi wane wakachenjezya awawawomvi wawo nanti kuwalipila ichete, na wane wakawomelela awanachi wafwilwe, na wandekwa, na makandi, na wane wasinchindika.
Ichilambu cha vyi-kumi
6Ne Mfumu e Leza wino asikawuka. Achino namwenye mwe likwata lyakwe Jekapu mutani mulowelele. 7Mwemwenye ndivino wasokulu wakali mwafutalila amasundo yane mwakana ukuyakonka. Ukuwa nyokani mwize kwenene, nani nandi nyoke kwemwemwe, avino Imfumu e Leza wa maka yonsi wavwanga. Mwawuzya mwati, Nga tuchite wuli pakunyoka kwewewe? 8Nkuwuzya, wuzye achizima umuntu ukuchenjezya Leza? Awe, ukuwa mukanchenjezya. Tukakuchenjezya wuli? ku vyi-kumi ni vifimwa. 9Mwensinye mwatipwa, amuno umwiko wonsinye wanchenjezya. 10Letanji ivyi-kumi vyonsi mu nganda yakupepela Leza, alyakuti mwenemo muwe ichakulya. Njelezyani mulilola kuno nasapula insawo ya mwi yulu mbaponezye ivintu vivule ivizima. 11Ntalileka impenya iwakonona ivizawalo vinu, na mu vyalo vinu imiti yavikomwa iliwakoma ivikomwa vivule. 12Apano wantu wa myiko yonsi walilola kuno muli ni chimwemwe, amuno insi yinu iliwa ansi nzima iyakwikala mwenemo.
Ilayilizyo lya nkumbu ilyakwe Leza
13Imfumu e Leza wati, Mwamvwanjila ivintu viwipe nkaninye. Ukuwa mukutanji, Nga twamuvwanjila viwipechi? 14Mwavwanga mwati, Achavye ukupakata Leza. Nga chili nachani ukumutontela pamwi ukuyilanjizya ku Mfumu e Leza kuno tuli na malanda kwe vino twachita? 15Pano tukalola, awantu wavilumba awali wantu wachimwemwe. Wakachita wa luwembu awano wakazangala nga swinya wakwelezyanga Leza nu luwembu lwawo nanti kusundwa.
16Apano awantu wano wakatina Imfumu e Leza awavwanzyania, ni Mfumu e Leza ateyelezya ayivwa chino wavwanzyanianga. Pankolelo pakwe weliwe kalata wawalisilwe mwenemo ivyakwe wane wakatina Imfumu e Leza. 17Waliwa awantu wane, avino Imfumu e Leza wataka. Pa wanda wuno niza nachita wowonye, waliwa wane. Ndiwafwila inkumbu, ndivino yisi wa muntu akufwilanga inkumbu umwanakwe wino akamutontela. 18Swinya apano mulilola uwusyano wawalungamane na wawembu, kwe wino akumbombelanga na wino asimbombela.
Currently Selected:
Malakayi 3: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Malakayi 3
3
1Kwe choo Imfumu e Leza wa maka yonsi akutolelela akuti, Ndituma intumi yane iyize iyanie inzila yane. Apano napapo-napapo Imfumu e Leza wino mukavwamba aliyiza mu ng’anda yakwe iyakumupepela. Intumi yino mukaluchila ukuyilola iliyiza iwawumbulile ilayano lyane.
2Nga weni alipusuka pawanda wuno intumi iliyiza? Nga weni alilanga amumi pano aliloleka? Aliwa ngati amulilo wuno wukasungulula ichela, swinya aliwa ngati we sopo wilambo. 3Aliyiza mukupanzya ndivino wino akasungulula nu kwengulula silivara. Aliyengulula wasikapemba ndivino silivara nu golide vikakwengululwa. Apano waliwaleta ku Mfumu e Leza ivifimwa vizima. 4Apano ivifimwa vino awantu wa mwe Yuda na wa mwe Yerusalemu wakuleta ku Mfumu e Leza viliwamusechelesya, ndivino vyamusechelesyanga kali.
5Imfumu e Leza wa maka yonsi wavwanga wati, Ndiyiza kwemwemwe mukupanzya, ndisinila wakapanda wonsi na wazelele, na wachawufi wonsi nanti kuzimba, mpanzye na wonsi wane wakachenjezya awawawomvi wawo nanti kuwalipila ichete, na wane wakawomelela awanachi wafwilwe, na wandekwa, na makandi, na wane wasinchindika.
Ichilambu cha vyi-kumi
6Ne Mfumu e Leza wino asikawuka. Achino namwenye mwe likwata lyakwe Jekapu mutani mulowelele. 7Mwemwenye ndivino wasokulu wakali mwafutalila amasundo yane mwakana ukuyakonka. Ukuwa nyokani mwize kwenene, nani nandi nyoke kwemwemwe, avino Imfumu e Leza wa maka yonsi wavwanga. Mwawuzya mwati, Nga tuchite wuli pakunyoka kwewewe? 8Nkuwuzya, wuzye achizima umuntu ukuchenjezya Leza? Awe, ukuwa mukanchenjezya. Tukakuchenjezya wuli? ku vyi-kumi ni vifimwa. 9Mwensinye mwatipwa, amuno umwiko wonsinye wanchenjezya. 10Letanji ivyi-kumi vyonsi mu nganda yakupepela Leza, alyakuti mwenemo muwe ichakulya. Njelezyani mulilola kuno nasapula insawo ya mwi yulu mbaponezye ivintu vivule ivizima. 11Ntalileka impenya iwakonona ivizawalo vinu, na mu vyalo vinu imiti yavikomwa iliwakoma ivikomwa vivule. 12Apano wantu wa myiko yonsi walilola kuno muli ni chimwemwe, amuno insi yinu iliwa ansi nzima iyakwikala mwenemo.
Ilayilizyo lya nkumbu ilyakwe Leza
13Imfumu e Leza wati, Mwamvwanjila ivintu viwipe nkaninye. Ukuwa mukutanji, Nga twamuvwanjila viwipechi? 14Mwavwanga mwati, Achavye ukupakata Leza. Nga chili nachani ukumutontela pamwi ukuyilanjizya ku Mfumu e Leza kuno tuli na malanda kwe vino twachita? 15Pano tukalola, awantu wavilumba awali wantu wachimwemwe. Wakachita wa luwembu awano wakazangala nga swinya wakwelezyanga Leza nu luwembu lwawo nanti kusundwa.
16Apano awantu wano wakatina Imfumu e Leza awavwanzyania, ni Mfumu e Leza ateyelezya ayivwa chino wavwanzyanianga. Pankolelo pakwe weliwe kalata wawalisilwe mwenemo ivyakwe wane wakatina Imfumu e Leza. 17Waliwa awantu wane, avino Imfumu e Leza wataka. Pa wanda wuno niza nachita wowonye, waliwa wane. Ndiwafwila inkumbu, ndivino yisi wa muntu akufwilanga inkumbu umwanakwe wino akamutontela. 18Swinya apano mulilola uwusyano wawalungamane na wawembu, kwe wino akumbombelanga na wino asimbombela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.