Malakayi 2
2
1Kanonzi lyoo alisundo line nawapa, mwe wasikapemba: 2Mwazipila ukunchindika kwe vino mukachita, avino Imfumu e Leza wataka. Ndi mwakana ukuteyelezya kwe chino nkutaka, mwachiyombola, ndiwatipa. Nditipa ivizima vyonsi vino mwe wasikapemba mukapochelela. Naponye navitipa kali, amuno musipechela isundo lyane, 3Ndikalipila awana winu mvumvuny e impuni zimu mu mala ya nyama zino mukochang a inziwu njize mvumvunie impumi zinu mu mala ya nyama zino mukochanga inuzwi njize mbasumbe apaliponga ni nzuwi zinu. 4Apano mulimanya kuno nawapa isundo lyoo, alyakuti ilayano lyane na wasikapemba ikwata lyakwe Levi, lifiswe, avino Imfumu e Leza wataka.
5Ilayano lyane nalayilizizye uwumi nu mutende wuzima, imbapa vyonsi vyoo, alyakuti wanchindika. Naponye awanchindika nu kuntina. 6Wasambilizyanga vino vyayine, iviwipe pole. Twalanjililananga nawo; wachitanga ivizima nu kwavwilizya wanji awavule ukuleka ukuchita iviwipe. 7Amulimo wakwe wasikapemba ukusambilizya isambilizyo lyakusimichila ilyakwe Leza. Awantu wazipila ukuya kwe wasikapemba kukusambilila ivyane, amuno azili ntumi zya Mfumu e Leza wa maka yonsi.
8Ukuwa mwenji mwe wasikapemba mwafutatila inzila nzima. Imisambilizizye yinu yakolelela wantu wavule ukuchita iviwipe. Monona ilayano lino twalayine swensi, avino Imfumu e Leza wa maka yonsi wataka. 9Achaleka nani nandi ndeke awa Israeli wawa kwelengule, amuno musinakukonka imisambilizizye yane, na ponsinye pano mukusambilizya ukulonda kwane musichitila wila muntu wensu uwuliwonga.
Ukuntasuwilwa kwakwe Israeli
10Wuzye tusi swe wakwe yisi wenga swensinye, e Leza wenga e kelewula witu? Ngafwandi amuno chani chino tusinakuchitilana ndimuno twalayilizizya, swinya nga amuno chani chino twakwelengula ilayano lino Leza walayine na watatakulu? 11Awantu wa mwe Yuda wonona ilayano lyawo kwe Leza, wachita ichintu chiwipe mwe Israeli na mwe Yerusalemu. Wakombezya ing’anda yakupepela yino Imfumu e Leza wakundisya. Awantu watwala awanachi wane wakufukamilanga twaleza tweni. 12Ndi Imfumu e Leza alovye wensinye wino wachita wonye woo, alyakuti atize awe awa mwiko witu swinya, umwiko wuno wukatwala ivifimwa ku Mfumu e Leza.
13Ichintu chinji chino mukachita achoo. Mukazwisizya aminsozi yakulila nu kupongomoka kwinu pa kavuwa ka Mfumu e Leza muno wakana ukupochelela ivifimwa vino mukamufimila. 14Swinya mukuwuzyanga amuti, Nga muno chani? Amuno wakumanya kuno wonona ilayano lino walayilizizye wakwako, wino watwite pano walinji we mutichi. Walinji awako ukuwa wonona ilayano line mwalayine nawe, chingatenga walayilizizye kwe Leza uti wandi uwe we musuwilwa kwe weliwe. 15Wuzye Leza atalesile amuwa amuwili wonga nu muzimu wonga nu wakwako? Molimonye. Ngamuno chani chino wachitizile choo? Wachitizile choo alyakuti tuwe na wana wane awantu wakwe Leza wakusimichila, achaleka chenjelani alyakuti wumwi atize awakonona ilayano line walayana nu muchi wino watwaline pano walinji amutichi. 16Imfumu e Leza wakwe Israeli wavwanga wati, Napata wane wakatayana mwi twala. Napata nkaninye ndi wumwi wachita ichiwipenye choo kumuchi. Achaleka yilolanji, mutize muwakonona ilayano linu ilyakusuwilwa kwe wawakwinu.
Uwanda wipanzyo wapalamila
17Mwatendusya Imfumu e Leza nu muvwango winu. Ukuwa mukutanji, Nga twamutendusya nachani? Pano mukutanji Imfumu e Leza wa maka yonsi akwelenganianga kuno awawembu wonsi awazima, nachawuzimanye akawalonda. Pamwi pakuwuzya amuti, Nga e Leza wino wakutanji amulungamane alikwi?
Currently Selected:
Malakayi 2: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Malakayi 2
2
1Kanonzi lyoo alisundo line nawapa, mwe wasikapemba: 2Mwazipila ukunchindika kwe vino mukachita, avino Imfumu e Leza wataka. Ndi mwakana ukuteyelezya kwe chino nkutaka, mwachiyombola, ndiwatipa. Nditipa ivizima vyonsi vino mwe wasikapemba mukapochelela. Naponye navitipa kali, amuno musipechela isundo lyane, 3Ndikalipila awana winu mvumvuny e impuni zimu mu mala ya nyama zino mukochang a inziwu njize mvumvunie impumi zinu mu mala ya nyama zino mukochanga inuzwi njize mbasumbe apaliponga ni nzuwi zinu. 4Apano mulimanya kuno nawapa isundo lyoo, alyakuti ilayano lyane na wasikapemba ikwata lyakwe Levi, lifiswe, avino Imfumu e Leza wataka.
5Ilayano lyane nalayilizizye uwumi nu mutende wuzima, imbapa vyonsi vyoo, alyakuti wanchindika. Naponye awanchindika nu kuntina. 6Wasambilizyanga vino vyayine, iviwipe pole. Twalanjililananga nawo; wachitanga ivizima nu kwavwilizya wanji awavule ukuleka ukuchita iviwipe. 7Amulimo wakwe wasikapemba ukusambilizya isambilizyo lyakusimichila ilyakwe Leza. Awantu wazipila ukuya kwe wasikapemba kukusambilila ivyane, amuno azili ntumi zya Mfumu e Leza wa maka yonsi.
8Ukuwa mwenji mwe wasikapemba mwafutatila inzila nzima. Imisambilizizye yinu yakolelela wantu wavule ukuchita iviwipe. Monona ilayano lino twalayine swensi, avino Imfumu e Leza wa maka yonsi wataka. 9Achaleka nani nandi ndeke awa Israeli wawa kwelengule, amuno musinakukonka imisambilizizye yane, na ponsinye pano mukusambilizya ukulonda kwane musichitila wila muntu wensu uwuliwonga.
Ukuntasuwilwa kwakwe Israeli
10Wuzye tusi swe wakwe yisi wenga swensinye, e Leza wenga e kelewula witu? Ngafwandi amuno chani chino tusinakuchitilana ndimuno twalayilizizya, swinya nga amuno chani chino twakwelengula ilayano lino Leza walayine na watatakulu? 11Awantu wa mwe Yuda wonona ilayano lyawo kwe Leza, wachita ichintu chiwipe mwe Israeli na mwe Yerusalemu. Wakombezya ing’anda yakupepela yino Imfumu e Leza wakundisya. Awantu watwala awanachi wane wakufukamilanga twaleza tweni. 12Ndi Imfumu e Leza alovye wensinye wino wachita wonye woo, alyakuti atize awe awa mwiko witu swinya, umwiko wuno wukatwala ivifimwa ku Mfumu e Leza.
13Ichintu chinji chino mukachita achoo. Mukazwisizya aminsozi yakulila nu kupongomoka kwinu pa kavuwa ka Mfumu e Leza muno wakana ukupochelela ivifimwa vino mukamufimila. 14Swinya mukuwuzyanga amuti, Nga muno chani? Amuno wakumanya kuno wonona ilayano lino walayilizizye wakwako, wino watwite pano walinji we mutichi. Walinji awako ukuwa wonona ilayano line mwalayine nawe, chingatenga walayilizizye kwe Leza uti wandi uwe we musuwilwa kwe weliwe. 15Wuzye Leza atalesile amuwa amuwili wonga nu muzimu wonga nu wakwako? Molimonye. Ngamuno chani chino wachitizile choo? Wachitizile choo alyakuti tuwe na wana wane awantu wakwe Leza wakusimichila, achaleka chenjelani alyakuti wumwi atize awakonona ilayano line walayana nu muchi wino watwaline pano walinji amutichi. 16Imfumu e Leza wakwe Israeli wavwanga wati, Napata wane wakatayana mwi twala. Napata nkaninye ndi wumwi wachita ichiwipenye choo kumuchi. Achaleka yilolanji, mutize muwakonona ilayano linu ilyakusuwilwa kwe wawakwinu.
Uwanda wipanzyo wapalamila
17Mwatendusya Imfumu e Leza nu muvwango winu. Ukuwa mukutanji, Nga twamutendusya nachani? Pano mukutanji Imfumu e Leza wa maka yonsi akwelenganianga kuno awawembu wonsi awazima, nachawuzimanye akawalonda. Pamwi pakuwuzya amuti, Nga e Leza wino wakutanji amulungamane alikwi?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.