Mateos 1
1
Tịj Vóshiꞌvun muꞌ Jesucristoty in
(Luc 3:23-38)
1Ọij sánacdyeꞌ p̂eyacsebiꞌ tịj muꞌin vóshiꞌ Jesucristoty, muꞌ nash Davidtyiꞌ vóshiꞌ muꞌ judyeyaꞌ Abrahamtyiꞌ vóshiꞌ chimeꞌ muꞌ.
2Muꞌ Abraham jiquej ạvaꞌyi muꞌ Isaac, muꞌ qui Isaac ạvaꞌyi Jacob, Jacob qui ạvaꞌyi muꞌ Judá räjtumdye vojity muꞌ. 3Judá ạvaꞌyi muꞌ Fares judyeyaꞌ muꞌ Zara, mọꞌ Tamar tseꞌ muꞌin. Muꞌ qui Fares ạvaꞌyi Esrom, Esrom qui ạvaꞌyi muꞌ Aram. 4Muꞌ qui Aram ạvaꞌyi muꞌ Aminadab, muꞌ qui Aminadab ạvaꞌyi muꞌ Naasón, muꞌ qui Naasón ạvaꞌyi muꞌ Salmón, 5muꞌ qui Salmón ạvaꞌyi muꞌ Booz, Rahab tseꞌ muꞌ. Muꞌ qui Booz ạvaꞌyi Obed, Rut tseꞌ muꞌ. Obed qui ạvaꞌyi Isaí. 6Muꞌ qui Isaí ạvaꞌyi muꞌ ayoꞌ David, muꞌ qui David ạvaꞌyi muꞌ Salomón, muꞌ Salomónsiꞌ tseꞌ muꞌ Uríassiꞌ p̂en muꞌ jiquej.
7Muꞌ Salomón ạvaꞌyi Roboam, muꞌ qui Roboam ạvaꞌyi Abías, muꞌ qui Abías ạvaꞌyi Asa. 8Muꞌ qui Asa ạvaꞌyi Josafat, muꞌ qui Josafat ạvaꞌyi Joram, muꞌ qui Joram ạvaꞌyi Uzías. 9Muꞌ qui Uzías ạvaꞌyi Jotam, muꞌ qui Jotam ạvaꞌyi Acaz, muꞌ qui Acaz ạvaꞌyi Ezequías. 10Muꞌ qui Ezequías ạvaꞌyi Manasés, muꞌ qui Manasés ạvaꞌyi Amón, muꞌ qui Amón ạvaꞌyi Josías. 11Muꞌ qui Josías ạvaꞌyi Jeconías räjtumdye vojity muꞌ, yoquiꞌdyemꞌ Babiloniaĉan cạc u in pạrej muꞌin Israeltyiꞌ vóshiꞌ in.
12Aty muꞌĉan cạc in muꞌ qui Jeconías ạvaꞌyi muꞌ Salatiel, muꞌ qui Salatiel ạvaꞌyi muꞌ Zorobabel. 13Muꞌ qui Zorobabel ạvaꞌyi Abiud, muꞌ qui Abiud ạvaꞌyi Eliaquim, muꞌ qui Eliaquim ạvaꞌyi muꞌ Azor. 14Muꞌ qui Azor ạvaꞌyi Sadoc, muꞌ qui Sadoc ạvaꞌyi muꞌ Aquim, muꞌ qui Aquim ạvaꞌyi Eliud. 15Muꞌ qui Eliud ạvaꞌyi Eleazar, muꞌ qui Eleazar ạvaꞌyi Matán, muꞌ qui Matán ạvaꞌyi Jacob. 16Muꞌ qui Jacob ạvaꞌyi José, vämtyiꞌ Maríaty, mọꞌ qui María ạvaꞌyiꞌ muꞌ Jesús, Jiꞌc̣honacsity Muntyiꞌ.
17Yacchutiꞌ Abrahamyaꞌ tsiꞌ in junꞌ quiꞌ chuc naꞌi David jiquej, muꞌyaꞌ yiriꞌtac vạjpedyeꞌ jiyi vóshiꞌ in, chiyiriꞌtacdye vạjpedyeꞌ jiyi vóshiꞌ Davidyaꞌ yacchutiꞌ junꞌ quiꞌ chuc cạc jiquej in Babiloniave. Aty cạcyaꞌ in Babiloniave in, muꞌyaꞌ chiyiriꞌtacdye vạjpedyeꞌ jiyi vóshiꞌ in, chat q̂uinꞌdyemꞌ naꞌi muꞌ Jiꞌc̣honacsity Muntyiꞌ.
Naꞌedyeꞌ Jesucristos
(Luc 2:1-7)
18Ọij yiꞌ meꞌ naꞌi Jesucristo jiquej. María tseꞌ muꞌ meꞌ tsanꞌ aty cạ̈näꞌñete José jiquej jambiꞌ qui namꞌ mọꞌtum ĉọshi. Chị́yeꞌ mọꞌ a namꞌ jạjtsaques jiquej, ferdyeꞌyaꞌ Ạꞌedyes Jenꞌsiꞌ muꞌ. 19Muꞌ José vämtyidyety raꞌ mọꞌ anic rụij bäꞌyity, mọꞌdyes muꞌ jam mạꞌjeꞌ jịꞌtsicayeꞌ muntyisyaꞌ vej muꞌin, chat muꞌ dyijyi caminve raꞌ yacchuiꞌ mọꞌ María. 20A tsanꞌ meꞌ dyijyi muꞌ, vatyquej jiꞌcaviti taminꞌdyeꞌĉan yirity Jenꞌtyiꞌ anjer muꞌ. Yi anjer jajiti:
—Mi José vóshiꞌ muꞌ Davidtyiꞌ, jam raꞌ noiꞌyi mi, vämi raꞌ mọmoꞌ mi Maríacheꞌ ĉaĉaij na voꞌcoĉantyiꞌ ạvaꞌ mọꞌ jasoꞌmitiꞌ Jenꞌsiꞌ Ạꞌedyeꞌ muꞌ. 21Sonꞌ raꞌ ạvaꞌ mọꞌ, tịj raꞌ yụꞌtyeyete mi Jesús, ĉaĉaij na muꞌ raꞌ jiꞌc̣honacsi juchajĉantyiꞌ in ĉụiꞌtyiꞌ muntyiꞌ muꞌ —yi jajiti.
22Meꞌ nash paj qui cạ̈tsiꞌ ọij Ayoꞌsiꞌ p̂eyacdyeꞌ muꞌ, p̂eijbites muꞌ jasoꞌmitity p̂eyacdyeꞌ Jenꞌ jiquej, yi muꞌ:
23"Mọꞌ p̂en jambiꞌ raꞌ tyushtes sonꞌ,
ĉụiꞌ raꞌ ạvaꞌyi sonꞌ raꞌ ạvaꞌ mọꞌ,
jịꞌtiꞌete raꞌ in Emanuel."#1:23 Isaías 7:14
Emanuel yiꞌ ca yiꞌ "Jenꞌ tsuntum".
24Chat muꞌ José tsạꞌi muꞌ seꞌvepte anjersiꞌ p̂eyacdyeꞌ, muꞌ Ayoꞌtyiꞌ anjer. Chat qui muꞌ jụjyi mọꞌ jäqueꞌ, 25jambiꞌ qui namꞌ tyushtyeꞌ junꞌ quiꞌ chuc basdyiꞌ mọꞌ, chat muꞌ José yụꞌtyeyete tịj Jesús.
Currently Selected:
Mateos 1: CAS
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
