Nikumoona 59
59
Nikumoon LIX.
1Natumowin ka pukwasitchik o̔che, O Muneto: natumowin unekee ka nayā̔tawe totowitchik o̔che.
2O natumowin muche totumooskuk o̔che: mena pimachehin oonippa̔takāskuk o̔che.
3Weya, ā uswa̔watchik net a̔cha̔kwa: ka soo̔katissitchik ayiseyinewuk ne mowenāskakwuk, āka neya ā ata nantow muche totuman, O Tāpāye̔chekāyun.
4Pimepu̔tawuk mena ā muneestowitchik āka neya ā totuman: pussikoo maka kitta wecheheyun, mena kunowapu̔ta.
5Nepowe, O Tāpāye̔chekāyun Muneto, oo Munetooma Israel, kitta ayimehutchik āka ka ayumehatchik: mena ākaweya kissāwatotowik tu̔to ka wune̔titchik ā isse muche pimatissitchik.
6Itoo̔tāwuk ma̔māskooch wātakoosineyike: sāapitāyewuk tapiskooch utim, mena pupamepu̔tawuk missewā ke̔che waskahikuniska̔k.
7Cheest, ayumewuk oo’ toonewa̔k o̔che, mena semakuni̔koomana ayayewa oo’ toonewa̔k: weya owāna peyā̔tu̔k?
8Maka keya, O Tāpāye̔chekāyun, ke ga issehawuk kitta pa̔pehee̔tchik: mena ke ga pa̔pehawuk ka̔keyow āka ka ayumehatchik.
9Neya ka meeyeyun ne muskowisseewin: weya keya Muneto ka natamoostatan.
10Muneto ne wapu̔teyik oo meyo totakāwin mistahā: mena Muneto ne ga wapu̔teyik ā isse ukawatumwuk ka pukwasitchik o̔che.
11Ākaweya nippa̔hik, net eyineemuk kitta we̔ wunekiskissewuk: maka wuswātissa̔hook mākwuyus ayiseyineeska̔k, mena nee̔chewāpinik, O Tāpāye̔chekāyun, ka natumoweya̔k.
12Muche̔tewin oo’toonewa̔k, mena ayumewina oo’toonewa̔k o̔che, oo kistāyimoowinewa̔k kitta otinawuk: mena kākwi o̔che? oo weyu̔kwāwinewaw mena oo keyaskewinewaw we̔tumakāwuk.
13Mā̔chinusik ke kissewasewini̔k, mā̔chinusik, kitta nissewunatissitchik: mena kitta kiskāye̔tu̔kik Muneto weya ā tipāyimat Jacoba, mena missewā ā isko kesipak uske.
14Mena ootakoosineyike kitta kewāwuk: mena sāapitāyewuk tapiskooch utim, mena kitta pupamoo̔tāwuk waskahikuniska̔k.
15Kitta pupamepu̔tawuk missewā itta wa̔ mechesootwawe: mena kitta me̔towāwuk keespin numma keespoowuk.
16Maka weya neya, ne ga nikumoostān ke soo̔katissewin, mena ne ga mume̔che̔tān ke kissāwatisseewin ā kākesāpayak: weya ā ke̔ natumoweyun mena ā natamoostatan tu̔twaw ayimissewin ā ayayan.
17Keya kā̔chewak, O ne muskowisseewin, kā nikumoostatan: weya keya, O Muneto, ka natamoostatan, mena ne Munetoom ka kissāwatisseet.
Currently Selected:
Nikumoona 59: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
