Nikumoona 58
58
Nikumoon LVIII.
1Kwiusk itatissewini̔k na ket itustanawaw ke mitoonāye̔chekunewawa, O keyawaw meyawutchehitooyāk: mena kwiusk che kākwi ket itussoowatānawaw, O keyawaw ayiseyinewe koosisanuk?
2Tapwā, muche kākwi ke mamitoonāye̔tānawaw ke’ tā̔ewa̔k ota uskee̔k: mena ke’ chee̔cheewa̔k ke nooche̔tanawaw muche̔tewin.
3Oomuchatissewuk wutukumissewuk, mitchimach ā o̔cheetchik o̔che: sāmak ā ne̔tawekitchik, wunesinwuk, mena keyaskewuk.
4Nissewunachehewāwuk tapiskooch oo pi̔chepooyewāwin misse kināpik: tapiskooch āka ā pā̔tu̔k misse kināpik ka kipa̔hu̔k oo̔’towukuya;
5Āka ka we̔ nutoo̔towat naspitch oomeyowatikoohewāwa: keyam naspitch kitta kukā̔tawāye̔tumoowe meyowatikoohewāyewa.
6Peekwahum we’ pitewawa, O Muneto, oo’ toonewa̔k; ootamahum oo’ ta̔piskunekākunewa̔k missepisewuk, O Tāpāye̔chekāyun: keyam kitta numma e̔tawuk tapiskooch nippe ka pimechewu̔k; mena ata pimootu̔kwātwawe kitta āka e̔tayewa.
7Keyam kitta mā̔che nummatāwuk tapiskooch munechoosuk, mena tapiskooch āka ā otee̔tu̔k owasis kitta ne̔tawekit: mena ākaweya kitta wapumāwuk pesimwa.
8Ā moyā kissapiskissootchik ket uski̔koowawuk missekaweminukusseyuk o̔che: ākose kissewasewin kitta noochehik, tapiskooch kākwi āka ā keesetāk.
9Kwiusk ootitatissew kitta muma̔takoosew wapu̔tu̔ke ā isse natuma̔t: kitta keseepākinum oo’ sita oo’ mi̔kooyee̔k oomuchatissewa.
10Āwuko o̔che ayiseyinew omisse kitta itwāo, O̔chetow maweya e̔tukwuneyew ootipa̔humakoowin kwiusk ootitatissew: o̔chetow maweya e̔taw Muneto ka ooyussoowatu̔k uske.
Currently Selected:
Nikumoona 58: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
