MAATEWOOSI 21
21
YESUUSI LOWO AYIRRINYINNI YERUSAALAME EI
(Maq 11:1-11; Luq 19:28-40; Yoh 12:12-19)
1Yesuusinna rosaanosi Yerusaalame iilla rakke, Beetefaagenna Biitaaniyu widoonni higge Ejedhete Ilaaliwa martuta, Yesuusi rosaanosi giddonni lame, 2«Alba'neenni noo qacha marre! Hakkiicho mitte harricho ilmattichote ledo usurante noota affinannina tirtine abbe"e. 3Coyishshiishanno'nehu hee'riro, ‹Mootichu hasi'ranno daafiraati› yiiyye. Harreno hakkawoyintenni agurannona» yiinsa.
4Kuni ikkannohu himanaanchu,
5«Tsiyooni Katamira,
‹Kuneeti Mootekki jooge,
harrichonna ilmatticho gulufe,
atewa daanno› yitine kullese!»#Zak 9:9 lai.
yee borreessino himani wo'manno gedeeti. 6Rosaanosino hadhe Yesuusi hajajinonsa gede assitu. 7Harrichono ilmattichonte ledo haadhe abbitusi; uddannansano harrete badhe aana worteenna Yesuusi gulufi. 8Lowo manni uddannansa doogote kari. Gamu kayinni daraame sinna hiiqqaqqe kari. 9Albasiinninna badhesiinni ha'ranni noo manni,
«Hosaina! Daawiti Beettira galata ikko;
Mootichu su'minni daannohu maassaminoho!
Hosaina! Galatu Gordoho hee'rannohura Maganoho ikko!»
yaanni qeexaa'li. 10Yesuusi Yerusaalame ei yannara katamu manni baalu, «Kuni ayeti?» yee shoondari.
11Mannuno, «Kuni Galiilu gobbanni Naaziretete Kataminni dayino himanaancho Yesuusaati» yii.
YESUUSI QULLAAWA MINE DADDA'LITANNI NOORE FUSHSHE SHORRI
(Maq 11:15-19; Luq 19:45-48; Yoh 2:13-22)
12Hakkunni gedensaanni Yesuusi Qullaawu Minira e"e, hakkiicho hirtanninna hidhitanni noore fushshe shorri. Woxe soorridhannori xarapheeyyenna lemboola hirtannori barcimma galchi. 13«‹Mine'ya huuccattote mineeti yinanni› yine borreessinoonni. Ki'ne kayinni mulqidhannori maaxantanno goda assitinoonni» yiinsa.#Isa 56:7; Erm 7:11 lai.
14Yesuusi Qullaawa Mine hee're illiweelootunna naafootu isiwa daggeenna hursinsa. 15Qeesootu roorrootinna Seeru rosiisaano kayinni, Yesuusi assino dhagge la'inohuranna qaaqquulluno Qullaawa Mine, «Hosaina, Daawiti Beettira galatu ikko!» yite godo'litanna macciishshitino daafira hanqitu.
16Yesuusa, «Kuni qaaqquullu yaannore macciishshatto?» yitu.
Isi qole, «Ee, ‹Oosotenna danquullu afiira galata qixxeessootto› yaannoha horontanni dinabbabbinoonni?» yiinsa. 17Insa agure katamunni fule Biitaaniya ha're hakko gali.
YESUUSI RUMINO BALASE
(Maq 11:12-14,20-24)
18Yesuusi soodo guto galagale katama higanni hee're hudi'ri. 19Mitte balasete haqqicho doogote gama afe shiqqi yee mari; ikkollana darote ka'a aanase mittoreno diafino. Kunnira, «Kunni ka'a ate aana gumu hee'roonke!» yii. Haqqichono hakkawoyintenni mooltu.
20Rosaanosi konne coye la'e, «Tini balase hiikkite anga aana mooltu?» yite maala'litu.
21Yesuusi, «Halaale kuleemmo'nena, amma'na heedhu'neronna huluullama hoogginiro balase ikkitu gede assa calla ikkikkinni konne ilaala, ‹Kawiinni ka'e marte baaru giddo uwi!› yitiniro nafa ikkanno'ne. 22Amma'nitine huuccidhinannire baala afidhinanni» yee qolinsa.
YESUUSI ROORRE DAAFIRA XA'MINOONNI XA'MO
(Maq 11:27-33; Luq 20:1-8)
23Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.
24Yesuusi, «Anino mitto coye xa'meemmo'ne; xa'meemmo'nere qoltiniehu gedensaanni konne coye mayi roorrenni asseemmoro kuleemmo'ne. 25Yohaannisi cuua hiikkiinniiti? Maganunnitenso mannunnite?» yiinsa.
Insa insanaawa, « ‹Maganunnite› yinummoro, ‹Ammana mayira hoogginiyya?› yaannonke. 26‹Mannunnite› yinummoro, mannu baalu Yohaannisi himanaanchoho yee noo daafira waajjineemmo» yitu.
27Kunnira, «Ninke dianfoommo» yite dawartusi.
Isino, «Hattootiro, anino konne coye mayi roorrenni asseemmoro dikuleemmo'ne» yiinsa.
LAME OOSO LAWISHSHA
28Yesuusi lede, «Hanni ma heddinanni? Mittu manchira lame ooso noosi. Mitticho woshshe, ‹Beetto'ya, techo woyinete kaashshi'ya darga marte loosi!› yiisi. 29Beettuno, ‹Giwummo diha'reemmo› yii. Gedensaanni kayinni gaabbe ha're loosino. 30Annu layinki beettisiwano mare loosanno gede hajaji. Beettuno, ‹Maahoyye, anna'ya ha'reemmo› yii. Ikkollana loosoho ha'rikkinni gatino.
31«Lamunku giddo annu hedo wonshinohu hiikkonneeti?» yiinsa.
Insano, «Balaxe soyiho» yitu.
Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne. 32Cuuaanchu Yohaannisi keeraanchimmate doogo leellisha'nera dayinota diammantinoonni. Qaraxaasinenna foortannori kayinni ammantinosi. Konne la'ine nafa aagintaabbine higgine diammantinoonnisi» yiinsa.
WOYINETE KAASHSHO LOOSSANNORI LAWISHSHA
(Maq 12:1-12; Luq 20:9-19)
33Yesuusi lede, «Wole lawishshano macciishshe; woyinete kaashsho kaasi'rinohu mittu manchi no. Woyinete kaashshono gaangeesse huxxi. Woyine huuncinanni baleno ume qixxeessi; woyine agarrannita seeda shaeno kinchunni seekki. Hakkunni gedensaanni gatesi loossannorira guto ee, wole gobba ha'ri.#Isa 5:1-2 lai. 34Laalo gamba assinanni yanna iillituta, beehachosi abbitannosi gede soqqamaanosi gutanyootunniwa soyi. 35Gutanyootu kayinni soqqamaanosi amadde mitto gantu; mitto shitu; wole qolte kinnatenni awwaaltu. 36Woyinete kaashshi anni xaano kiiro albirinni roore soqqamaano soyi. Gutanyootu insano albire assitunte gede assitu. 37Goofimarchoho woyinete kaashshi anni, ‹Beetto'ya ayirrissanno› yee fushshe gutanyootunniwa soyi. 38Gutanyootu kayinni beetto affu yannara, ‹Kuni ragi'rannohona, amme shinona; iqqasino ninke ragi'neemmo› yitu. 39Beettono amadde woyinete kaashshi giddonni fushshite gobbaanni shitu.
40«Maahoyyena, woyinete kaashshi anni daanno yannara kore gutanyoota ma assannoha lawanno'ne?» yiinsa.
41Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.
42Yesuusi aanche,
«Qullaawa Maxaaffara,
‹Mine mintannori mishshe agurtino kinchi,
wo'munkura umo ikki.
Konne coye assinohu Mootichaho;
ninke illerano maalalete›
yine borreessinoonniha horonta dinabbabbinoonni?
43«Ani kuleemmo'nena, Maganu Gashshoote ki'newiinni haa'ne guma laalanno mannira uyinanni. 44Kunni kinchi aana uwannohu hiiqqamanno; kinchu aanaho uwannosi manchi kayinni cancanamanno» yiinsa.
45Qeesootu roorrootinna Farisootu tenne masalo macciishshite, Yesuusi insa daafira coyi'ranni noota huwattu. 46Kunnira iso amada hasidhe, kayinnilla mannu himanaanchu gede asse la"annosi daafira waajjitu.
Currently Selected:
MAATEWOOSI 21: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
MAATEWOOSI 21
21
YESUUSI LOWO AYIRRINYINNI YERUSAALAME EI
(Maq 11:1-11; Luq 19:28-40; Yoh 12:12-19)
1Yesuusinna rosaanosi Yerusaalame iilla rakke, Beetefaagenna Biitaaniyu widoonni higge Ejedhete Ilaaliwa martuta, Yesuusi rosaanosi giddonni lame, 2«Alba'neenni noo qacha marre! Hakkiicho mitte harricho ilmattichote ledo usurante noota affinannina tirtine abbe"e. 3Coyishshiishanno'nehu hee'riro, ‹Mootichu hasi'ranno daafiraati› yiiyye. Harreno hakkawoyintenni agurannona» yiinsa.
4Kuni ikkannohu himanaanchu,
5«Tsiyooni Katamira,
‹Kuneeti Mootekki jooge,
harrichonna ilmatticho gulufe,
atewa daanno› yitine kullese!»#Zak 9:9 lai.
yee borreessino himani wo'manno gedeeti. 6Rosaanosino hadhe Yesuusi hajajinonsa gede assitu. 7Harrichono ilmattichonte ledo haadhe abbitusi; uddannansano harrete badhe aana worteenna Yesuusi gulufi. 8Lowo manni uddannansa doogote kari. Gamu kayinni daraame sinna hiiqqaqqe kari. 9Albasiinninna badhesiinni ha'ranni noo manni,
«Hosaina! Daawiti Beettira galata ikko;
Mootichu su'minni daannohu maassaminoho!
Hosaina! Galatu Gordoho hee'rannohura Maganoho ikko!»
yaanni qeexaa'li. 10Yesuusi Yerusaalame ei yannara katamu manni baalu, «Kuni ayeti?» yee shoondari.
11Mannuno, «Kuni Galiilu gobbanni Naaziretete Kataminni dayino himanaancho Yesuusaati» yii.
YESUUSI QULLAAWA MINE DADDA'LITANNI NOORE FUSHSHE SHORRI
(Maq 11:15-19; Luq 19:45-48; Yoh 2:13-22)
12Hakkunni gedensaanni Yesuusi Qullaawu Minira e"e, hakkiicho hirtanninna hidhitanni noore fushshe shorri. Woxe soorridhannori xarapheeyyenna lemboola hirtannori barcimma galchi. 13«‹Mine'ya huuccattote mineeti yinanni› yine borreessinoonni. Ki'ne kayinni mulqidhannori maaxantanno goda assitinoonni» yiinsa.#Isa 56:7; Erm 7:11 lai.
14Yesuusi Qullaawa Mine hee're illiweelootunna naafootu isiwa daggeenna hursinsa. 15Qeesootu roorrootinna Seeru rosiisaano kayinni, Yesuusi assino dhagge la'inohuranna qaaqquulluno Qullaawa Mine, «Hosaina, Daawiti Beettira galatu ikko!» yite godo'litanna macciishshitino daafira hanqitu.
16Yesuusa, «Kuni qaaqquullu yaannore macciishshatto?» yitu.
Isi qole, «Ee, ‹Oosotenna danquullu afiira galata qixxeessootto› yaannoha horontanni dinabbabbinoonni?» yiinsa. 17Insa agure katamunni fule Biitaaniya ha're hakko gali.
YESUUSI RUMINO BALASE
(Maq 11:12-14,20-24)
18Yesuusi soodo guto galagale katama higanni hee're hudi'ri. 19Mitte balasete haqqicho doogote gama afe shiqqi yee mari; ikkollana darote ka'a aanase mittoreno diafino. Kunnira, «Kunni ka'a ate aana gumu hee'roonke!» yii. Haqqichono hakkawoyintenni mooltu.
20Rosaanosi konne coye la'e, «Tini balase hiikkite anga aana mooltu?» yite maala'litu.
21Yesuusi, «Halaale kuleemmo'nena, amma'na heedhu'neronna huluullama hoogginiro balase ikkitu gede assa calla ikkikkinni konne ilaala, ‹Kawiinni ka'e marte baaru giddo uwi!› yitiniro nafa ikkanno'ne. 22Amma'nitine huuccidhinannire baala afidhinanni» yee qolinsa.
YESUUSI ROORRE DAAFIRA XA'MINOONNI XA'MO
(Maq 11:27-33; Luq 20:1-8)
23Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.
24Yesuusi, «Anino mitto coye xa'meemmo'ne; xa'meemmo'nere qoltiniehu gedensaanni konne coye mayi roorrenni asseemmoro kuleemmo'ne. 25Yohaannisi cuua hiikkiinniiti? Maganunnitenso mannunnite?» yiinsa.
Insa insanaawa, « ‹Maganunnite› yinummoro, ‹Ammana mayira hoogginiyya?› yaannonke. 26‹Mannunnite› yinummoro, mannu baalu Yohaannisi himanaanchoho yee noo daafira waajjineemmo» yitu.
27Kunnira, «Ninke dianfoommo» yite dawartusi.
Isino, «Hattootiro, anino konne coye mayi roorrenni asseemmoro dikuleemmo'ne» yiinsa.
LAME OOSO LAWISHSHA
28Yesuusi lede, «Hanni ma heddinanni? Mittu manchira lame ooso noosi. Mitticho woshshe, ‹Beetto'ya, techo woyinete kaashshi'ya darga marte loosi!› yiisi. 29Beettuno, ‹Giwummo diha'reemmo› yii. Gedensaanni kayinni gaabbe ha're loosino. 30Annu layinki beettisiwano mare loosanno gede hajaji. Beettuno, ‹Maahoyye, anna'ya ha'reemmo› yii. Ikkollana loosoho ha'rikkinni gatino.
31«Lamunku giddo annu hedo wonshinohu hiikkonneeti?» yiinsa.
Insano, «Balaxe soyiho» yitu.
Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne. 32Cuuaanchu Yohaannisi keeraanchimmate doogo leellisha'nera dayinota diammantinoonni. Qaraxaasinenna foortannori kayinni ammantinosi. Konne la'ine nafa aagintaabbine higgine diammantinoonnisi» yiinsa.
WOYINETE KAASHSHO LOOSSANNORI LAWISHSHA
(Maq 12:1-12; Luq 20:9-19)
33Yesuusi lede, «Wole lawishshano macciishshe; woyinete kaashsho kaasi'rinohu mittu manchi no. Woyinete kaashshono gaangeesse huxxi. Woyine huuncinanni baleno ume qixxeessi; woyine agarrannita seeda shaeno kinchunni seekki. Hakkunni gedensaanni gatesi loossannorira guto ee, wole gobba ha'ri.#Isa 5:1-2 lai. 34Laalo gamba assinanni yanna iillituta, beehachosi abbitannosi gede soqqamaanosi gutanyootunniwa soyi. 35Gutanyootu kayinni soqqamaanosi amadde mitto gantu; mitto shitu; wole qolte kinnatenni awwaaltu. 36Woyinete kaashshi anni xaano kiiro albirinni roore soqqamaano soyi. Gutanyootu insano albire assitunte gede assitu. 37Goofimarchoho woyinete kaashshi anni, ‹Beetto'ya ayirrissanno› yee fushshe gutanyootunniwa soyi. 38Gutanyootu kayinni beetto affu yannara, ‹Kuni ragi'rannohona, amme shinona; iqqasino ninke ragi'neemmo› yitu. 39Beettono amadde woyinete kaashshi giddonni fushshite gobbaanni shitu.
40«Maahoyyena, woyinete kaashshi anni daanno yannara kore gutanyoota ma assannoha lawanno'ne?» yiinsa.
41Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.
42Yesuusi aanche,
«Qullaawa Maxaaffara,
‹Mine mintannori mishshe agurtino kinchi,
wo'munkura umo ikki.
Konne coye assinohu Mootichaho;
ninke illerano maalalete›
yine borreessinoonniha horonta dinabbabbinoonni?
43«Ani kuleemmo'nena, Maganu Gashshoote ki'newiinni haa'ne guma laalanno mannira uyinanni. 44Kunni kinchi aana uwannohu hiiqqamanno; kinchu aanaho uwannosi manchi kayinni cancanamanno» yiinsa.
45Qeesootu roorrootinna Farisootu tenne masalo macciishshite, Yesuusi insa daafira coyi'ranni noota huwattu. 46Kunnira iso amada hasidhe, kayinnilla mannu himanaanchu gede asse la"annosi daafira waajjitu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014