MAATEWOOSI 20
20
WOYINETE HAQQICHO MAAMMAASHSHA
1Yesuusi qole, «Gordu Gashshooti woyinete kaashshi darga woxunni loossanno loosaasine hasi'rara gute fulino mancho lawanno. 2Isi mittu mittunkura mittu barrira mitto kinchu birra baatansara sumuu yii; loosaasineno loossanno gede woyinete kaashshi giddora soyi. 3Sase saate ikkanno hedora fule, woloota loosu nookkiha gudumaaleho uurrite noore afe, 4‹Ki'neno woyinete kaashshi giddora hadhine loosse; hasiisanno'nere ani baateemmo'nena› yiinsa. 5Insano woyinete kaashshi giddora hadhu. Leenna honse saate ikkanno hedorano fule hatto assi. 6Tonaa mite saate ikkanno hedorano fule wole manna uurre nooha afe, ‹Ki'ne barra wo'ma loosiweello uurritine mayira hossini?› yee xa'minsa.
7«Insa qolte, ‹Looso aannonkeha hoongeeti› yitu.
«Isino, ‹Hakkawoyiteetiro, ki'neno hadhine woyinete kaashshi darga loosse!› yiinsa.
8«Hawarro yannara woyinete kaashshi anni loosiisannoha, ‹Loosaasine woshshite hawarro barra dagge loossurinni kayisse soodo gutte hanaffuri geeshsha hunkiinsa waaga uyinsa!› yii.#Lew 19:13; Mar 24:15 lai. 9Kunnira, tonaa mite saatera dagge loossurino mittu mittunku mitto mitto kinchu birra adhitu. 10Balaxxe looso hanaffuri woxe adhitara shiqqu yannara, wolootunni roorsine uyinanninsaha lawinonsa. Ikkollana insano mittu mittunku mitto mitto kinchu birra adhitu. 11Woxe adhituhu gedensaanni woyinete kaashshi annira, 12‹Kuri gede'nite dagguri mitte saate calla loossino. Ikkollana ninke barra wo'ma arrishshote giirammanni daafurre honsoommori ledo taashshootto› yite gunguntu.
13«Woyinete kaashshi anni mittu loosaasinchira, ‹Jaala'ya, mittoreno dihunoommohe. Barrunni mitto kinchu birra baateemmohe gede dicoyi'rammoommo? 14Kunnira iillannohere adhite ha'ri; atera baatummohu geeshshire gede'ne dayinohurano aa halcho'yaati. 15Woxi'yanni hasi'roommore assa didandeemmo? Woy ani shooshaqa ikkoommota dhiibbifatatto?› yiino» yii.
16Hakkunni gedensaanni Yesuusi, «Hattonni gedensiidiri albiidire ikkitanno; albiidiri gedensiidire ikkitanno» yii.
YESUUSI REYOSIRENNA KA"ASIRE SAYIKKIMEESHSHO COYI'RI
(Maq 10:32-34; Luq 18:31-34)
17Hakkunni gedensaanni Yesuusi Yerusaalame ha'ranni doogote aana hee're tonaa lamenka rosaano calluwansa isiwa shiqqanno gede asse, 18«Kuneeti, xa ninke Yerusaalame ha'nanni hee'noommo. Hakkiicho Manchi Beetto qeesootu roorrootiranna Seeru Rosiisaanora sayinse uyinanni. Insano reyote yoo yitannosi. 19Dagate angara sayisse uyitannosi; insano qacifattannosi; lichetenni gantannosi; shitannosi. Ikkollana sasu barri gedensaanni reyotenni ka"anno» yii.
ZEBIDEWOOSI OOSO AMA HUUCCATTO
(Maq 10:35-45)
20Hakkunni gedensaanni, Zebidewoosi ooso ama oosose ledo Yesuusiwa shiqqe albasiinni guluphite, mitto coye assannose gede huuccidhu.
21Yesuusino, «Ma assammohera hasi'ratta?» yiise.
Iseno, «Tenne lamenta ooso'ya Gashshootikkira mittu qiniitekkiinni, mittu gurakkiinni ofollanno gede assie» yitu.
22Yesuusi kayinni, «Huuccidhinannire diegentinoonni. Ani adhate rahe noommo qarra adha dandiitinannini?» yiinsa.
Insano, «Ee, dandiineemmo» yitu.
23Yesuusino, «Addanka ani adheemmo qarra adhitinanni. Ikkollana, manna qiniite'yaanninna gura'yaanni ofollanno gede asseemmohu ane di"ikkoommo. Konne darga uyinannihu Anni'ya qixxeessino manniraati» yii.
24Gattinori tonnunku konne coye macciishshite, lamunku roduuwira hanqitu. 25Yesuusi kayinni baalanka woshshe, «Dagate roorrooti manninsa gashshaanooti. Roorrootinsa insa aana roorre afidhannota egentinoonni. 26Ki'ne giddo kayinni hattoo coyi dihasiisanno. Wo'munkura aliidiha ikka hasi'rannohu, soqqamaancho'ne ikko. 27Giddo'ne albiidiha ikka hasi'rannohuno, borojjicho'ne ikko. 28Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.
YESUUSI LAME ILLIWEELOOTA ILLE FANI
(Maq 10:46-52; Luq 18:35-43)
29Hakkunni gedensaanni Iyyaarko fulte hadhanni heedheenna lowo manni Yesuusi hoode ha'ri. 30Doogote gama ofolte noori lamu illiweelooti hakkaanni hige sa"anni noohu Yesuusa ikkinota macciishshite, «Mooticha, Daawiti Beetto ballo mararinke!» yite raartu.
31Mannuno, «Sammi yiiyye!» yee rufinsa. Insa kayinni, «Mooticha Daawiti Beetto ballo mararinke!» yitanni albinni roorsite raartu.
32Yesuusino uurre woshshinsahu gedensaanni, «Ma assammo'nera hasidhinanni?» yiinsa.
33Insano, «Mooticha, ille fa'nitankera hasi'noommo!» yitu.
34Yesuusi marare illensa amammadi; insano hakkawoyintenni ille fa'niteennansa hoodesi hadhu.
Currently Selected:
MAATEWOOSI 20: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
MAATEWOOSI 20
20
WOYINETE HAQQICHO MAAMMAASHSHA
1Yesuusi qole, «Gordu Gashshooti woyinete kaashshi darga woxunni loossanno loosaasine hasi'rara gute fulino mancho lawanno. 2Isi mittu mittunkura mittu barrira mitto kinchu birra baatansara sumuu yii; loosaasineno loossanno gede woyinete kaashshi giddora soyi. 3Sase saate ikkanno hedora fule, woloota loosu nookkiha gudumaaleho uurrite noore afe, 4‹Ki'neno woyinete kaashshi giddora hadhine loosse; hasiisanno'nere ani baateemmo'nena› yiinsa. 5Insano woyinete kaashshi giddora hadhu. Leenna honse saate ikkanno hedorano fule hatto assi. 6Tonaa mite saate ikkanno hedorano fule wole manna uurre nooha afe, ‹Ki'ne barra wo'ma loosiweello uurritine mayira hossini?› yee xa'minsa.
7«Insa qolte, ‹Looso aannonkeha hoongeeti› yitu.
«Isino, ‹Hakkawoyiteetiro, ki'neno hadhine woyinete kaashshi darga loosse!› yiinsa.
8«Hawarro yannara woyinete kaashshi anni loosiisannoha, ‹Loosaasine woshshite hawarro barra dagge loossurinni kayisse soodo gutte hanaffuri geeshsha hunkiinsa waaga uyinsa!› yii.#Lew 19:13; Mar 24:15 lai. 9Kunnira, tonaa mite saatera dagge loossurino mittu mittunku mitto mitto kinchu birra adhitu. 10Balaxxe looso hanaffuri woxe adhitara shiqqu yannara, wolootunni roorsine uyinanninsaha lawinonsa. Ikkollana insano mittu mittunku mitto mitto kinchu birra adhitu. 11Woxe adhituhu gedensaanni woyinete kaashshi annira, 12‹Kuri gede'nite dagguri mitte saate calla loossino. Ikkollana ninke barra wo'ma arrishshote giirammanni daafurre honsoommori ledo taashshootto› yite gunguntu.
13«Woyinete kaashshi anni mittu loosaasinchira, ‹Jaala'ya, mittoreno dihunoommohe. Barrunni mitto kinchu birra baateemmohe gede dicoyi'rammoommo? 14Kunnira iillannohere adhite ha'ri; atera baatummohu geeshshire gede'ne dayinohurano aa halcho'yaati. 15Woxi'yanni hasi'roommore assa didandeemmo? Woy ani shooshaqa ikkoommota dhiibbifatatto?› yiino» yii.
16Hakkunni gedensaanni Yesuusi, «Hattonni gedensiidiri albiidire ikkitanno; albiidiri gedensiidire ikkitanno» yii.
YESUUSI REYOSIRENNA KA"ASIRE SAYIKKIMEESHSHO COYI'RI
(Maq 10:32-34; Luq 18:31-34)
17Hakkunni gedensaanni Yesuusi Yerusaalame ha'ranni doogote aana hee're tonaa lamenka rosaano calluwansa isiwa shiqqanno gede asse, 18«Kuneeti, xa ninke Yerusaalame ha'nanni hee'noommo. Hakkiicho Manchi Beetto qeesootu roorrootiranna Seeru Rosiisaanora sayinse uyinanni. Insano reyote yoo yitannosi. 19Dagate angara sayisse uyitannosi; insano qacifattannosi; lichetenni gantannosi; shitannosi. Ikkollana sasu barri gedensaanni reyotenni ka"anno» yii.
ZEBIDEWOOSI OOSO AMA HUUCCATTO
(Maq 10:35-45)
20Hakkunni gedensaanni, Zebidewoosi ooso ama oosose ledo Yesuusiwa shiqqe albasiinni guluphite, mitto coye assannose gede huuccidhu.
21Yesuusino, «Ma assammohera hasi'ratta?» yiise.
Iseno, «Tenne lamenta ooso'ya Gashshootikkira mittu qiniitekkiinni, mittu gurakkiinni ofollanno gede assie» yitu.
22Yesuusi kayinni, «Huuccidhinannire diegentinoonni. Ani adhate rahe noommo qarra adha dandiitinannini?» yiinsa.
Insano, «Ee, dandiineemmo» yitu.
23Yesuusino, «Addanka ani adheemmo qarra adhitinanni. Ikkollana, manna qiniite'yaanninna gura'yaanni ofollanno gede asseemmohu ane di"ikkoommo. Konne darga uyinannihu Anni'ya qixxeessino manniraati» yii.
24Gattinori tonnunku konne coye macciishshite, lamunku roduuwira hanqitu. 25Yesuusi kayinni baalanka woshshe, «Dagate roorrooti manninsa gashshaanooti. Roorrootinsa insa aana roorre afidhannota egentinoonni. 26Ki'ne giddo kayinni hattoo coyi dihasiisanno. Wo'munkura aliidiha ikka hasi'rannohu, soqqamaancho'ne ikko. 27Giddo'ne albiidiha ikka hasi'rannohuno, borojjicho'ne ikko. 28Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.
YESUUSI LAME ILLIWEELOOTA ILLE FANI
(Maq 10:46-52; Luq 18:35-43)
29Hakkunni gedensaanni Iyyaarko fulte hadhanni heedheenna lowo manni Yesuusi hoode ha'ri. 30Doogote gama ofolte noori lamu illiweelooti hakkaanni hige sa"anni noohu Yesuusa ikkinota macciishshite, «Mooticha, Daawiti Beetto ballo mararinke!» yite raartu.
31Mannuno, «Sammi yiiyye!» yee rufinsa. Insa kayinni, «Mooticha Daawiti Beetto ballo mararinke!» yitanni albinni roorsite raartu.
32Yesuusino uurre woshshinsahu gedensaanni, «Ma assammo'nera hasidhinanni?» yiinsa.
33Insano, «Mooticha, ille fa'nitankera hasi'noommo!» yitu.
34Yesuusi marare illensa amammadi; insano hakkawoyintenni ille fa'niteennansa hoodesi hadhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014