LEEWAAWOOTA 16
16
CUBBO AGURSIISATE BARRA
1Lame Aarooni ooso Kaaliiqi albira shiqqi yite reyituhu gedensaanni Kaaliiqi Musera, 2«Ani maarote barcimi aana gomichunni leelleemmona, rodiikki Aarooni dukkote giddo Qullaawa Holge Taabootu aana noohuwa maarote barcimiwa hasiisanno yannara calla eanno gede kulisi. Hajajama giwiro kayinni reyanno. 3Aarooni Qullaawu dargira eanno yannara, cubbu kakkalora 1 middicha, shilqote kakkalora 1 ge'rechu goco haa're abbona. 4Qullaawu Holgira eara albaanni biso hayishshi're, fuuttunni gannoonnita giddoyidi uddanonna qamise uddi'rona; luko lukona; hiito hallisira qodhona; umisirano xaanxoonni koffiya wodhona. Kuri baalu qullaawa imaanaati.
5«Israeelete manniwiinni cubbu kakkalora 2 meichu goco, shilqote kakkalora 1 ge'rechu goco haa're abbona. 6Aarooni umisiranna minisi mannira cubbo agursiisate, middicha cubbu kakkalo asse shiqishona; 7lamenka meichu goco masse Xaadu Dukkani nafara ane albaanni uurrisona. 8Aarooni 2 kinna haa're, mitto hixa Kaaliiqira, layinki hixa facci assine agurranni gocira#16:8 facci assine agurranni goci Ibiraawootu afiinni, Azaazeeli yinanniha ikkanna, qoleno dubbu sheexaane woy boonu gama ikkara dandaanno. ganona. 9Hixunni anera iillino goco abbe cubbu daafira kakkalona. 10Layinkiha ane albira abbe, cubbo agursiisate halallitte gobba qole facci asse agurona.
11«Aarooni umisiranna minisi mannira cubbo agursiisate, middicha kakkalanno woyite, 12ane albaanni noohu kakkalote darginni haa'noonni kashilo wonshinoonni baccicho anga amadona; 2 hoowo ikkannoha maniissinoonniha su'naanno hixaana haa're abbona; kore baala haa're dukkote giddoonni noohuwa Qullaawu Holgira eona. 13Reyannokki gede, hixaanu wiliile maarote barcima guggushshitanno gede, ane albaanni hixaana giirate aana worona. 14Middichunnita shiima mundee haa're, maarote barcimira albiidira angichunni wixona; qoleno, Gondooru Taabootira albaanni angichunni 7 hige wixona.
15«Meichu gocono mannu kakkalo cubbunnitera gorrona; mundeeno dukkote giddora Qullaawu Holgira masse, middichu mundee assinte gede, maarote barcimira albaanninna Gondooru Taabootira albaanni wixona. 16Togo assatenni Qullaawa Holge keereense, Israeelete battenna bunshensa baala agursiisanno. Konne assannohuno, Xaadu Dukkani lagaawinohura mannu hee'ranno qachi giddo noo daafiraati. 17Aarooni cubbo agursiisara Qullaawu Holgira e"e umisiha, minisi mannihanna Israeelete manni baalunku cubbo agursiise fula geeshsha ayino Xaadu Dukkani giddora eoonke. 18Hakkiinnino fule, kakkalote dargira dayona; middichunnitanna gocunnita shiima mundee haa're, kakkallanni darga shoolente maddera noo buuddara kisiisona. 19Israeelootu batteessitinoha keereensatenna qullaawa assate, mundee haa're kakkallanni darga angichisinni 7 hige wixona.
20«Aarooni Qullaawa Holge, Xaadu Dukkaniranna kakkallanni darga cubbo agursiisate seera wonshihu gedensaanni, lubbotenni nooha facci assine agurranniha meichu goco haa're shiqishe, 21lamenta angasi gocu umi aana worona. Aanasi Israeelootu sao, bunshenna cubbo baala ifaate, gocu umi aana duunona. Gocono, tenne hajara worroonni manchi halallitte gobba qole shorre agurona. 22Gocu cubbonsa baala duqqe halallitte gobba hige ha'ranno; manchuno goco mannu hee'rannokkiwa qole shorre agurona.
23«Hakkunni gedensaanni, Aarooni Xaadu Dukkaniwa mare, Qullaawu Holgira eanno woyite uddi'rinoha fuuttu imaana fushshe hakko woranno. 24Qullaawa Darga mare bisosi hayishshi're, umisi imaana uddi'rona; hakkiinni fule umisihanna mannu cubbo agursiisate, shilqote kakkalo 1 umisira 1 mannaho yee shiqishona. 25Cubbu kakkalora shiqinshoonni saadaha cooma kakkallanni darga masse shilqishona.
26«Facci assine agurranni goco haa're ha'ranno manchi galagale qacha eara albaanni, imaanasinna bisosi hayishshi'rona. 27Middichunna cubbo agursiisate mundeesi Qullaawu Holgira eessinanni goci meichunnihu goga, maalanna godowire qachaho gobbaanni fushshine giirrona. 28Kore giiranno manchino galagale qacha eara albaanni, imaanasinna bisosi hayishshi'rona.
29«Ki'nera uyinoonnihu hegere seeri konneeti: Lamalki agani eihunni tonnikki barra, ki'neno ikke giddo'ne hee'rannohu wole gobba manni sagale ittinoonte; mittoreno loossinoonte; 30hakku barri cubbi'ne baalunku agurameenna, ane albaanni keeraa'mitinanni barraati. 31Kuni barri, Qullaawa Fooliishshote Barra ikkino daafira, mannu sagale itoonke; mitto loosono loosoonke. Kuni seerino dagganno ilama geeshsha agarranniho. 32Qeesootu qara ikkate annisi darga amade buuraminohunna shoomaminohu, cubbo agursiisona; isino qullaawa imaana uddi'rona. 33Qullaawa Holge, Xaadu Dukkananna kakkalote darga mare qeesootahonna mannu baalunkura cubbonsa agursiisona. 34Kuni hegerera seera ikko'ne; kunni seeri garinni, dirunni mitte hinge mannu baalunku cubbo agursiinsona» yiisi.
Museno Kaaliiqi hajajinosi gede assi.
Currently Selected:
LEEWAAWOOTA 16: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
