LEEWAAWOOTA 12
12
MEYATI ILTUHU GEDENSAANNI KEERAA'MITANNO GARA
1Kaaliiqi Musera, 2«Israeelete mannira, ‹Meyati labbaaha ilturo, godowu daannose yanna gede, 7 barra lagaabbanno. 3Ilamino qaaqqo settikki barra barcimshiinshona. 4Ilaancho mundee higgeennase keeraa'mita geeshsha, 33 barra keeshshitona; co'o yite keeraa'mita geeshsha qullaawaricho kissoonke; Qullaawu Minirano e'oonke. 5Meyata iltinoha ikkiro kayinni, godowu dayinose yanna gede, lame lamala lagaabbanno; mundee higgeenna keeraa'mita geeshsha, 66 barra keeshshitona.
6«‹Mitte mancho labbaaha woy meyata ilturo, keeraa'mitanno yannara, mittu diriha ge'rechu goco shilqote kakkalora, lemboolcho woy bukukkaama cubbu kakkalora haadhe Xaadu Dukkaniwa abbite qeesichaho uyitona. 7Qeesichuno fushshaatese haa're, anera shiqishe seera wonshihu gedensaanni keeraa'mitanno. Labbaaha woy meyata iltino mancho, wonshitanno woga tenneeti. 8Mancho ge'rechu goco abbitanno wolqa hoogguro, 2 lemboolcho woy 2 bukukkaama haadhe, mitte shilqote kakkalora, mitte cubbu kakkalora shiqishshona. Qeesichu haa're lagose hoolate woga wonsheenna, seeru garinni keeraa'mitanno› yiinsa» yii.
Currently Selected:
LEEWAAWOOTA 12: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
