LAYINKI QORONTOOSI 2

1Kunnira, xaano ki'ne qarrisa giwe galagale dayemmokki gede murci'roommo. 2Ani dadilliseemmo'neha nafa ikkiro, dadillisummo'ne ki'ne agurranna ane hagiirsiisannoehu wolu nooni? 3Togo yee borreessoommo'nehu, ane hagiirri ki'ne wo'munku hagiirre ikkino daafira, ki'newa dayemmo woyite hagiirsiissannoe yoommori dadillissannoekki gede hedeeti. 4Lowo dadillinni, hinciiccamatenninna lowo hindiiddonni borreessoommo'nehu, lowo geeshsha baxeemmo'neta affinara yeeti ikkinnina dadillisammo'nera di"ikkino.

SAO ASSINOHURA SAOSI AGURA

5Manna dadillisinohu hee'riro, ane dadillisinoha di"ikkino. Saosi batise kulate ikka hoogirono addi addi deerrinni ki'ne baala dadillisinoho yaate. 6Hakko manchira, ki'ne giddonni rooru manni yiino qorichi ikkannosi. 7Kuni manchi dadillunni kainohunni hexxo mudhannokki gede, saosi kiira agurtine jawaachishshinisiro woyyate. 8Baxxinannisita afanno gede assitinara huucci'reemmo'ne. 9Borreessoommo'nehu, baalunku coyira hajajantinannironna hoogginanniro afate hasi'reeti. 10Ki'ne saosi agurtinannihura anino agureemmosi. Agureemmosi sao heedhuro, saosi agureemmohu Kiristoosi albaanni ki'ne daafira yeeti. 11Hatto asseemmohu, Sheexaanu xagarro egenninoommo daafira, dogammeemmokki gede hedeeti.

HAARU GONDOORI SOQQAMAANO

12Kiristoosiha Dancha Duduwo kulate Xiroaada ha'rummo yannara, Mootichu loosira doogo fa'nantinoe. 13Ikkollana, rodoo'ya Tiito afa hoogoommo daafira lubbo'ya difooliishshidhino. Kunnira, hakkiicho noore keerunni yee Meqedooniya ha'roommo.

14Ikkollana, wo'ma woyite Kiristoosinni qeellennire assanni, ninke widoonni qole darga baalaho egennosi su'niille iillishanno Maganira galatu galosi. 15Ninke ba'annoriranna gattannorira Maganoho Kiristoosi su'niilleeti. 16Ninke ba'annorira reyote fooleeti; gattannorira kayinni heeshshote su'niilleeti. Kunni coyira ikkannohu ayeti? 17Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

Currently Selected:

LAYINKI QORONTOOSI 2: QulMax

Highlight

Copy