MACAAFA FAARFANNAA 29
29
Aangoon Waaqayyoo Kakawwee Keessaan Mul'achuu Isaa
(Faarfannaa Daawit)
1Yaa warra waaqa irraa, Waaqayyoof ulfina dhi'eessaa!
Aangoo Waaqayyoos beeksisaa*!
2Ulfina maqaa isaatiif ta'u Waaqayyoof dhi'eessaa!
Qulqullummaa akka mi'a miidhaginaatti
naqadhaatii Waaqayyoof sagadaa!#1 103:20-21
3Sagaleen Waaqayyoo galaana irraa in dhaga'ama,
Waaqayyo inni ulfina-qabeessi in kakawweessa'a;
inni galaana gurguddaa irrattis
waaqayyummaa isaa in argisiisa.
4Sagaleen Waaqayyoo humnaan in dhaga'ama;
sagaleen Waaqayyoo surraadhaan in sochoosa.
5Sagaleen Waaqayyoo muka gaatiraa in caccabsa;
Waaqayyo muka gaatiraa
tulloota Libaanon in caccabsa.
6Inni tulloota Libaanon akka jabbii,
tulluu Siiriyonis
akka dibicha gafarsaa in burraaqsisa*.
7Sagaleen Waaqayyoo balaqqeessa
akka ibiddaa in finiinsa;
8sagaleen Waaqayyoo lafa duwwaa in sochoosa,
Waaqayyo lafa duwwaa isa kan Qaadesh in sochoosa.
9Sagaleen Waaqayyoo qilxuu of irra in naannessa,
mukeetii caakkaa irraas baalaa fi damee in cira;
mana qulqullummaa isaa keessatti immoo
hundinuu hooqubaa in dhi'eessu.#6 114:4,6
10Waaqayyo bishaan badiisaa gara irraa iyyuu taa'eera;
Waaqayyo bara baraan mootii ta'ee teessoo irra in taa'a*.
11Waaqayyo saba isaatiif jabina haa kennu;
Waaqayyo saba isaa nagaadhaan haa eebbisu!#10 104:3
Currently Selected:
MACAAFA FAARFANNAA 29: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
