MACAAFA FAARFANNAA 28
28
Waammanni Gargaarsaa Dhaga'amee Galanni Dhi'eeffamu
(Kan Daawit)
1Yaa Waaqayyo, si kattaa jabaa kootti nan iyyadha,
ati ana jalaa hin didin!
Akka warra boollatti gad bu'anii
akka ani hin taanetti,
ati ana jalaa calluma hin jedhin!
2Harka koo mana qulqullummaa kee keessaa
gara iddoo isa hundumaa irra caalaa qulqulluutti,
yeroon ol kaafadhu
sagalee himata koo
isa ani gargaarsaaf sitti iyyadhu,
anaaf dhaga'i!
3Warra jal'ootaa wajjin,
warra hamaa godhanii wajjinis ana hin butin!
Isaan garaa isaaniitti hamaa in yaadu,
afaaniin immoo nagaa namatti in dubbatu.
4Ati akka hojii isaaniitti,
akka gocha isaanii isa hamaatti isaaniif kenni!
Akka hojii harka isaaniitti isaaniif kenni,
amala isaan argisiisaniif waan ta'u
isaanitti deebisi!
5Isaan gocha Waaqayyoo yookiis isa harki isaa hojjete
waan hin ilaalleef, inni isaan in diiga malee,
deebi'ee isaan hin ijaaru*.#5 Isa 5:12-13
6Sagalee himata kootii waan anaaf dhaga'eef,
Waaqayyoon nan jajadha!
7Waaqayyo aangoo koo ti, gaachana koo tis,
garaan koo isa in amanata;
ani gargaarsa argadheera,
kanaafis garaan koo in ililcha;
faarfannaa kootiinis galata isaaf nan galcha.
8Waaqayyo aangoo saba isaatii ti,
isa ofii dibee moosiseefis gargaarsaa fi da'oo dha*.
9Ati saba kee oolchi, warra kan keetiis eebbisi!
Bara baraan tiksee isaanii ta'iif,
ol fuudhii isaan baadhus!#8 2:2
Currently Selected:
MACAAFA FAARFANNAA 28: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
