MACAAFA FAARFANNAA 25
25
Kadhata Dhiifama Argachuuf Geggeeffamuufis Kadhatamu
(Kan Daawit)
1Yaa Waaqayyo,
lubbuun koo ol gara kee in yaaddi!
2Yaa Waaqayyoo ko, ani sin amanadha,
akka ani hin yeellaasifamne godhi!
Diinonni koos ana irratti hin gammadin!
3Eyyee, warri harka kee eeggatan
hin yeellaasifaman;
warri akkasumaan amanamuu isaanii dhiisanii
si irraa gara galan garuu in yeellaasifamu.
4Yaa Waaqayyo, karaa kee akkan beeku godhi,
daandii kees na barsiisi*!
5Dhugaa keetiin na geggeessi, na barsiisis!
Ati Waaqayyo isa na fayyisu waan taateef,
ani guyyaa hundumaa sin eeggadha.
6Yaa Waaqayyo, gara-laafina kee fi gaarummaa kee,
warra durii durii jalqabdee
argisiisaa turte yaadadhu!
7Yaa Waaqayyo, ati gaarii waan taateef,
gaarummaa keetiin na yaadadhu malee,
cubbuu ijoollummaa koo fi
irra-daddarbaa koo hin yaadatin*!#4 27:11; 86:11; 139:24 7 Iyo 13:26
8Waaqayyo gaarii dha, qajeelaa dhas,
kanaafis cubbamootatti karicha in argisiisa.
9Inni warra gadadamoo
wanta qajeelaa ta'een in geggeessa,
karaa isaas isaan in barsiisa*.#9 9:12
10Warra kakuu isaa fi abboommii isaa eegan hundumaaf,
karaan Waaqayyoo hundinuu
karaa gaarummaatii fi karaa dhugaa ti;
11yakki koo baay'ateera,
yaa Waaqayyo,
maqaa keetiif jedhii yakka koo anaaf dhiisi*!#11 Bau 34:6-7; Isa 48:11
12Namni Waaqayyoon sodaatu eenyu>>
Karaa fo'achuun isaaf ta'u,
Waaqayyo isatti in argisiisa*.
13Inni gaariitti in jiraata;
sanyiin isaas lafa in qabaata*.
14Waaqayyo warra isa sodaatanitti,
yaada isaa isa dhokataa iyyuu in beeksisa;
kakuun isaas warra gad fageessanii hubatan
isaan in godha.
15Waaqayyo miilla koo kiyyoo keessaa waan baasuuf,
iji koo yeroo hundumaa gara isaa in ilaala.#12 92:12-15; 1:1-6 13 37:9,29
16Fuula kee gara kootti deebisi,
araara anatti argisiisi!
Anoo kophaa koo ti, gadadamaa dhas.
17Garaa kootti nan dhiphadha, ati na furi!
Muddama ani keessa jiru keessaas na baasi!
18Gadadamuu koo, rakkachuu koos ilaali,
cubbuu koo hundumaas anaaf dhiisi!
19Diinonni koo attam akka baay'atan,
hammam akka na jibbanis ilaali!
20Ati jireenya koo eegi, ana oolchis;
ani kooluu sitti galeera,
akka ani hin yeellaasifamne godhi!
21Ani abdiidhaan waanan si eeggadhuuf,
balleessaa dhabuunii fi waan qajeelaa hojjechuun
hamaa ana irraa haa eegan;
22yaa Waaqayyo, saba Israa'elin
rakkina isaa hundumaattii furi*!#22 130:8
Currently Selected:
MACAAFA FAARFANNAA 25: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
