Obeec Dudi 2
2
1'Ba aani a caala jaath jaak mo oŋøøk ni mïërö yi ŋööm Carön,
naa caala apiitø mar gool.
Dïcwøø Paaga Omëëye
2Omëëya nëënö dï nyïïakuue
kaamar apiitø mo oŋøøk ni mïërö yïthakic koodhi.
Nyakøø Paaga Omëëye
3Omëëya nëënö dï obwöc cwøw
kaamar jaath mo bääte oninøn ki nyïëdi yïthakic jenni mo paap.
Aani yia met ki man pïïa piny tïpö mare,
ni kany wø cama nyïëdi moe, put dhaa ka jwør ni met.
4Eni aana kïth yi øtø mare kiper atïya mana näk ee jiiŋŋø kipera,
ni gïna näk ee tïŋ maal bääta kaamar bëëra, beeye mëër mare ki aani.
5Caam aani ki cam mo dëëra nathïk ki gø.
Wëëk dëëra tëënnö ki nyïïjaadho cama,
kiper dëëra bëëdö no oööl mëërri.
6Beerra man ö cer caame ni thäänha ki gø,
ni ö cer cwïïe ni gääm aani ki gø.
7Wui, u na nyïïakuk Jerucalem, a cäänna uuni,
nou kööŋŋu ŋëët aŋeri ki purre mo wø en yi pwöla,#2:7 Ki yi kööŋŋö mar jø Icriel, løny ki man tïme ni ge kööŋŋa ra aŋeri ki purre.
nee mëër ba tuuŋŋu nee ö maal këël kanyo pïïc kare.
8Cegu ïthu! Man beeye dwør omëëya ni wïnyi en.
Raŋŋu, ena rïŋŋö ki bäät kïte,
ni ööi ni pärö ki yïthakic thuuri ni ööa baŋa.
9Omëëya caala aŋer ki thwønh purra mo teek.
Raŋŋu, eni cuŋŋö deŋ øtø marwa
ni eni rääŋö ki dha awëërnyeŋ ki yïthakic rïwe.
10Omëëya acäänö ki aani ni kööe,
«Ö maal nø, omëëya, ni ööï baŋa,
ni bee ï omëër mara na mïërö.
11Raŋï, cwiir anø pöödhö,
ni ö køthi ni cuŋŋe.
12Jenni anø ŋøøk yi ŋööm pøø,
ni ö caa man jwöŋ wenynyi yie ni ööe.
Dööt akuyi aløny ni wïnyö yi ŋöömö marø.
13Olämmi anø ŋweel ki nyïëdi,
ni ö jer omøki moa no oŋøøk ni nø ŋwänyge ni met.
Ö maal nø, omëëya, ni ööï baŋa,
ni bee ï omëër mara na mïërö.»
Dïcwøø Paaga Omëëye
14Wui, omëëya, ï ni caal akuuru mo ena yïth aleye ki yïth kïte,
mo ree ee kanø kany mo diiny deŋ kïdi en,
beerra man nyoothï täärnyïmï jïra,
ni tïïyï dwørï nee wïnynya,
kiper dwørï met ni täärnyïmï mïërö.
15Magu othööe jïwa,
ni beege nyïï othööe moa therø ni wø raany jer omøki,
ni beege jer omøki mowa na näk oŋøøk.
Nyakøø Paaga Omëëye
16Omëëya beeye mara, ni aana mare;
eni dïëk moe wø caame yïth apiite.
17Wui, ï no omëër mara, beerra man luuï riï baŋa ni bëëdï ki aani,
këël kanyo ruu øwi noo pööth muudhö mar wäär.
Beerra man tïmï kaamar aŋer ki nyi purra mo teek
mo ena bäät kïte mo gwalli.
Currently Selected:
Obeec Dudi 2: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Obeec Dudi 2
2
1'Ba aani a caala jaath jaak mo oŋøøk ni mïërö yi ŋööm Carön,
naa caala apiitø mar gool.
Dïcwøø Paaga Omëëye
2Omëëya nëënö dï nyïïakuue
kaamar apiitø mo oŋøøk ni mïërö yïthakic koodhi.
Nyakøø Paaga Omëëye
3Omëëya nëënö dï obwöc cwøw
kaamar jaath mo bääte oninøn ki nyïëdi yïthakic jenni mo paap.
Aani yia met ki man pïïa piny tïpö mare,
ni kany wø cama nyïëdi moe, put dhaa ka jwør ni met.
4Eni aana kïth yi øtø mare kiper atïya mana näk ee jiiŋŋø kipera,
ni gïna näk ee tïŋ maal bääta kaamar bëëra, beeye mëër mare ki aani.
5Caam aani ki cam mo dëëra nathïk ki gø.
Wëëk dëëra tëënnö ki nyïïjaadho cama,
kiper dëëra bëëdö no oööl mëërri.
6Beerra man ö cer caame ni thäänha ki gø,
ni ö cer cwïïe ni gääm aani ki gø.
7Wui, u na nyïïakuk Jerucalem, a cäänna uuni,
nou kööŋŋu ŋëët aŋeri ki purre mo wø en yi pwöla,#2:7 Ki yi kööŋŋö mar jø Icriel, løny ki man tïme ni ge kööŋŋa ra aŋeri ki purre.
nee mëër ba tuuŋŋu nee ö maal këël kanyo pïïc kare.
8Cegu ïthu! Man beeye dwør omëëya ni wïnyi en.
Raŋŋu, ena rïŋŋö ki bäät kïte,
ni ööi ni pärö ki yïthakic thuuri ni ööa baŋa.
9Omëëya caala aŋer ki thwønh purra mo teek.
Raŋŋu, eni cuŋŋö deŋ øtø marwa
ni eni rääŋö ki dha awëërnyeŋ ki yïthakic rïwe.
10Omëëya acäänö ki aani ni kööe,
«Ö maal nø, omëëya, ni ööï baŋa,
ni bee ï omëër mara na mïërö.
11Raŋï, cwiir anø pöödhö,
ni ö køthi ni cuŋŋe.
12Jenni anø ŋøøk yi ŋööm pøø,
ni ö caa man jwöŋ wenynyi yie ni ööe.
Dööt akuyi aløny ni wïnyö yi ŋöömö marø.
13Olämmi anø ŋweel ki nyïëdi,
ni ö jer omøki moa no oŋøøk ni nø ŋwänyge ni met.
Ö maal nø, omëëya, ni ööï baŋa,
ni bee ï omëër mara na mïërö.»
Dïcwøø Paaga Omëëye
14Wui, omëëya, ï ni caal akuuru mo ena yïth aleye ki yïth kïte,
mo ree ee kanø kany mo diiny deŋ kïdi en,
beerra man nyoothï täärnyïmï jïra,
ni tïïyï dwørï nee wïnynya,
kiper dwørï met ni täärnyïmï mïërö.
15Magu othööe jïwa,
ni beege nyïï othööe moa therø ni wø raany jer omøki,
ni beege jer omøki mowa na näk oŋøøk.
Nyakøø Paaga Omëëye
16Omëëya beeye mara, ni aana mare;
eni dïëk moe wø caame yïth apiite.
17Wui, ï no omëër mara, beerra man luuï riï baŋa ni bëëdï ki aani,
këël kanyo ruu øwi noo pööth muudhö mar wäär.
Beerra man tïmï kaamar aŋer ki nyi purra mo teek
mo ena bäät kïte mo gwalli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia