Bwøth Wøk 10
10
Kanya Ö Lwaa Bäänyö Dï Ŋööm Ijep Bäre
1Køøre Wuuö Jwøk aköö jï Modhe, ni «Ci baŋ Peerø, kiper cwïnye ki cwïny jø kööre moe døøya aani mo teek, kiper nee ŋïïce moi na 'moa ii nee tïïa dïge; 2kiper nee ïïni na Modhe en nee teeŋ gïïa leth na tïïa dëët jø Ijep ki teeŋ ŋïïce moa tïïa dïge, nee caanï jï wäätï ki nyïïkwaayï, ni putu gø ŋäc møn ni beeye aani na Wuuö Jwøk.»
3Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge. 4'Ba ni näk mo ïïno kweer ki man weyï jiya nee aacge, ka adïëri møn, diøø a puta kän dï paarï ki lwaa bäänyö; 5ni öge ni gääpge ŋöömö bäre, ni tïme ni bäŋ kany mo nëëni bäät ŋøøm, ni camge gïïa bøth thuwø na näk odööŋ jïïu dhi pey, ni camge jenni mou bëët moa näk otuy jïïu na en yïth pwöth mou; 6ni pääŋge yïth uudi moï, ki yïth uudi mo jø kööre moï bëët, ki yïth uudi mo jø Ijep bëët. 'Ba teeŋ gïnögø beeye teeŋ gïn mo poot kär kwøŋ wëëgu ki kwäyu joot cøøn ki mana cwääc geni bäät piny këël dïcäŋi en.› » Køøre Modhe ree aløøe ni aa wøk buut Peerø.
7Ni kö jø kööre mo Peerø jï Peerø, na «?A këël kany mo nyïëdi nø noo bëët nyenøgø ni bïtha øøni? Beerra man weyï jøøgø nee aacge kiper nee Wuuö Jwøk na näk Jwøge nee tïnyge. ?Aŋø, ki man näk Ijep oränynyö poot kuyï en?»
8Køøre Modhe ka Aran adwøk baŋ Peerø, ni kö Peerø jïge, ni «Aayu ni tïnynyu Wuuö Jwøk na näk Jwøu. ?'Ba jøw aay dëëtu aŋaani cøøn?»
9Ni kö Modhe, ni «Wa aay ko obwöre mowa ki jäle mowa bëët, ki wäätwa ki nyïïwa bëët, këël pïïth dïëk mowa ki pïïth dhäk mowa bëët. Wa aay bëët kiper nee wa tïïwa ka ajwöma jï Wuuö Jwøk.»
10Køøre Peerø aköö jïge, «Ni näk mo uuni ki nyïïu bëët u wiia wiiø nou aayu møn, kanymør per mana näk Jwøk ena buutu wän nø. Uuni, gwøgu rou, kiper uuna jiy mo cwïnyge da gïï mo reyø. 11Ennø, ba doo løny ki man wiia uuni. Ba jiy moa näk cwøw keerge dïïu aacge nee Wuuö Jwøk tïnyge, kiper beeye gïna manynyu.» Kanyøgø Modhe ka Aran aput riem wøk nyïm Peerø.
12Køøre Wuuö Jwøk aköö jï Modhe, ni «Rwiec cerï bäät ŋööm Ijep kiper lwaa bäänyö nee ööe bäät ŋööm Ijep, kiper nee gïïa näk otuy bëët yïth ŋøøm, këël moa bøth dhi pey bëët nee camge.»
13Køøre Modhe athøra mare arwiee bäät ŋööm Ijep, ni ö Wuuö Jwøki ni wëëk jamø kwönnö ki jï løø kur tuul-cäŋ bäät ŋööm Ijep dïcäŋeca bäre ki di wäänöca bäre. 'Ba na tïme na amöölla, jam wø ööi ki jï løø kur tuul-cäŋ lwaa bäänyö akööle. 14Ni ö lwaa bäänyö ni tïme ni ena bäät ŋööm Ijep, ni pïge piny dï ŋööm Ijep bäre ni ge thööth døc; ni poot bäŋ teeŋ bäänyö mo päl mo caala manøgø cøøn. 'Ba këël yi nyïme thuwø bäŋ teeŋ bäänyö mo caala manøgø mo cäŋa öö. 15Kiper ŋööm paac bäre agääpge, ni put bäät ŋöömö tïmö ni cøl bäre ki geni, ni camge gïïa näk otuy bëët ki nyïïjenni bëët moa bøth dhi pey; ni tïme ni bäŋ gïn mo marr moo dööŋ bäät jenni këët, këël gïïa näk otuy yïth pwöth bëët dï ŋööm Ijep bäre.
16Kanyøgø Peerø Modhe ka Aran alaar cwøl ni kööe, ni «Aana bääyö dëër Wuuö Jwøk na näk Jwøu, ni bääya dëëtu thuwø. 17'Ba ennø, a kwaya uuni ki man wëënnu bääyö mara man keere, ni kwayu Wuuö Jwøk na näk Jwøu kiper nee thøø man keere paanye bääta.»
18Kanyøgø Modhe aput aay buut Peerø, ni kwac Wuuö Jwøk. 19Køøre Wuuö Jwøk wï jamø awiire ni tïm jamø ni kwönni ki jï løø kur pänh-cäŋ, ni kwönni ni teek døc ni tïŋ lwaa bäänyö maal ni køøl gø yi Naama Kwaar, ni tïme ni bäŋ bäänyö mo odööŋ yi ŋööm Ijep bäre. 20'Ba Wuuö Jwøk cwïny Peerø adøøc mo teek, ni ö Peerø ni kweere ki man wec jø Icriel nee aacge.
Kanya Tïm Ŋööm Ijepi Bäre Ni Da Muudhö Mo Cøl Døc
21Køøre Wuuö Jwøk aköö jï Modhe, ni «Tïŋ cerï maal, kiper nee tïme ni da muudhö bäät ŋööm Ijep, na muudhö mo cøl døc.» 22Køøre Modhe cere atïŋ maal, ni tïme ni da muudhö mo cøl døc dï ŋööm Ijep bäre ki nïne adäk; 23ni tïme ni ba løny jï ŋati man nø ki man neen wati, ni bëëtge piny ki nïne adäk ni bäŋ ŋat mo paany dëëre kare. 'Ba jø Icriel bëët kanya enge yie keere da tar.
24Kanyøgø Peerø Modhe acwøle ni kööe jïgø, ni «Cou ni tïnynyu Wuuö Jwøk. Obwöre mou thuwø løny jïge ki man aacge ki uuni. 'Ba pïïth dïëk mou ki pïïth dhäk mou wär dööŋge.»
25'Ba Modhe aköö, ni «Wa diï mooø ki lääy kiper nee cïpwa no olämme jï Wuuö Jwøk na näk Jwøwa. 26Kiper manøgø nø, dhäk mowa ki dïëk mowa wa aay ki geni bëët, ni bäŋ aciel mo dööŋ kany; kiper wa känna wøk dëëtge ni cïpwa ge jï Wuuö Jwøk na näk Jwøwa. Kiper waani ki dëëtwa gïno cïpwa jï Wuuö Jwøk poot kucwa këël mano pïïcwa kunöce.»
27'Ba Wuuö Jwøk cwïny Peerø adøøc mo teek, ni ö Peerø ni kweere ki man wec jø Icriel nee aacge. 28Køøre Peerø aköö jï Modhe, ni «Daak dëërï buuta. Ïïni, gwøk riï, kär täärnyïmï jooda këët. Kiper ni näk mo täärnyïmï cäŋa ka jootø, ï puta thøø dïcäŋeca.»
29Ni kö Modhe, ni «Marï kare. Täärnyïmï ba cäŋa jootø këët møn.»
Currently Selected:
Bwøth Wøk 10: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Bwøth Wøk 10
10
Kanya Ö Lwaa Bäänyö Dï Ŋööm Ijep Bäre
1Køøre Wuuö Jwøk aköö jï Modhe, ni «Ci baŋ Peerø, kiper cwïnye ki cwïny jø kööre moe døøya aani mo teek, kiper nee ŋïïce moi na 'moa ii nee tïïa dïge; 2kiper nee ïïni na Modhe en nee teeŋ gïïa leth na tïïa dëët jø Ijep ki teeŋ ŋïïce moa tïïa dïge, nee caanï jï wäätï ki nyïïkwaayï, ni putu gø ŋäc møn ni beeye aani na Wuuö Jwøk.»
3Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge. 4'Ba ni näk mo ïïno kweer ki man weyï jiya nee aacge, ka adïëri møn, diøø a puta kän dï paarï ki lwaa bäänyö; 5ni öge ni gääpge ŋöömö bäre, ni tïme ni bäŋ kany mo nëëni bäät ŋøøm, ni camge gïïa bøth thuwø na näk odööŋ jïïu dhi pey, ni camge jenni mou bëët moa näk otuy jïïu na en yïth pwöth mou; 6ni pääŋge yïth uudi moï, ki yïth uudi mo jø kööre moï bëët, ki yïth uudi mo jø Ijep bëët. 'Ba teeŋ gïnögø beeye teeŋ gïn mo poot kär kwøŋ wëëgu ki kwäyu joot cøøn ki mana cwääc geni bäät piny këël dïcäŋi en.› » Køøre Modhe ree aløøe ni aa wøk buut Peerø.
7Ni kö jø kööre mo Peerø jï Peerø, na «?A këël kany mo nyïëdi nø noo bëët nyenøgø ni bïtha øøni? Beerra man weyï jøøgø nee aacge kiper nee Wuuö Jwøk na näk Jwøge nee tïnyge. ?Aŋø, ki man näk Ijep oränynyö poot kuyï en?»
8Køøre Modhe ka Aran adwøk baŋ Peerø, ni kö Peerø jïge, ni «Aayu ni tïnynyu Wuuö Jwøk na näk Jwøu. ?'Ba jøw aay dëëtu aŋaani cøøn?»
9Ni kö Modhe, ni «Wa aay ko obwöre mowa ki jäle mowa bëët, ki wäätwa ki nyïïwa bëët, këël pïïth dïëk mowa ki pïïth dhäk mowa bëët. Wa aay bëët kiper nee wa tïïwa ka ajwöma jï Wuuö Jwøk.»
10Køøre Peerø aköö jïge, «Ni näk mo uuni ki nyïïu bëët u wiia wiiø nou aayu møn, kanymør per mana näk Jwøk ena buutu wän nø. Uuni, gwøgu rou, kiper uuna jiy mo cwïnyge da gïï mo reyø. 11Ennø, ba doo løny ki man wiia uuni. Ba jiy moa näk cwøw keerge dïïu aacge nee Wuuö Jwøk tïnyge, kiper beeye gïna manynyu.» Kanyøgø Modhe ka Aran aput riem wøk nyïm Peerø.
12Køøre Wuuö Jwøk aköö jï Modhe, ni «Rwiec cerï bäät ŋööm Ijep kiper lwaa bäänyö nee ööe bäät ŋööm Ijep, kiper nee gïïa näk otuy bëët yïth ŋøøm, këël moa bøth dhi pey bëët nee camge.»
13Køøre Modhe athøra mare arwiee bäät ŋööm Ijep, ni ö Wuuö Jwøki ni wëëk jamø kwönnö ki jï løø kur tuul-cäŋ bäät ŋööm Ijep dïcäŋeca bäre ki di wäänöca bäre. 'Ba na tïme na amöölla, jam wø ööi ki jï løø kur tuul-cäŋ lwaa bäänyö akööle. 14Ni ö lwaa bäänyö ni tïme ni ena bäät ŋööm Ijep, ni pïge piny dï ŋööm Ijep bäre ni ge thööth døc; ni poot bäŋ teeŋ bäänyö mo päl mo caala manøgø cøøn. 'Ba këël yi nyïme thuwø bäŋ teeŋ bäänyö mo caala manøgø mo cäŋa öö. 15Kiper ŋööm paac bäre agääpge, ni put bäät ŋöömö tïmö ni cøl bäre ki geni, ni camge gïïa näk otuy bëët ki nyïïjenni bëët moa bøth dhi pey; ni tïme ni bäŋ gïn mo marr moo dööŋ bäät jenni këët, këël gïïa näk otuy yïth pwöth bëët dï ŋööm Ijep bäre.
16Kanyøgø Peerø Modhe ka Aran alaar cwøl ni kööe, ni «Aana bääyö dëër Wuuö Jwøk na näk Jwøu, ni bääya dëëtu thuwø. 17'Ba ennø, a kwaya uuni ki man wëënnu bääyö mara man keere, ni kwayu Wuuö Jwøk na näk Jwøu kiper nee thøø man keere paanye bääta.»
18Kanyøgø Modhe aput aay buut Peerø, ni kwac Wuuö Jwøk. 19Køøre Wuuö Jwøk wï jamø awiire ni tïm jamø ni kwönni ki jï løø kur pänh-cäŋ, ni kwönni ni teek døc ni tïŋ lwaa bäänyö maal ni køøl gø yi Naama Kwaar, ni tïme ni bäŋ bäänyö mo odööŋ yi ŋööm Ijep bäre. 20'Ba Wuuö Jwøk cwïny Peerø adøøc mo teek, ni ö Peerø ni kweere ki man wec jø Icriel nee aacge.
Kanya Tïm Ŋööm Ijepi Bäre Ni Da Muudhö Mo Cøl Døc
21Køøre Wuuö Jwøk aköö jï Modhe, ni «Tïŋ cerï maal, kiper nee tïme ni da muudhö bäät ŋööm Ijep, na muudhö mo cøl døc.» 22Køøre Modhe cere atïŋ maal, ni tïme ni da muudhö mo cøl døc dï ŋööm Ijep bäre ki nïne adäk; 23ni tïme ni ba løny jï ŋati man nø ki man neen wati, ni bëëtge piny ki nïne adäk ni bäŋ ŋat mo paany dëëre kare. 'Ba jø Icriel bëët kanya enge yie keere da tar.
24Kanyøgø Peerø Modhe acwøle ni kööe jïgø, ni «Cou ni tïnynyu Wuuö Jwøk. Obwöre mou thuwø løny jïge ki man aacge ki uuni. 'Ba pïïth dïëk mou ki pïïth dhäk mou wär dööŋge.»
25'Ba Modhe aköö, ni «Wa diï mooø ki lääy kiper nee cïpwa no olämme jï Wuuö Jwøk na näk Jwøwa. 26Kiper manøgø nø, dhäk mowa ki dïëk mowa wa aay ki geni bëët, ni bäŋ aciel mo dööŋ kany; kiper wa känna wøk dëëtge ni cïpwa ge jï Wuuö Jwøk na näk Jwøwa. Kiper waani ki dëëtwa gïno cïpwa jï Wuuö Jwøk poot kucwa këël mano pïïcwa kunöce.»
27'Ba Wuuö Jwøk cwïny Peerø adøøc mo teek, ni ö Peerø ni kweere ki man wec jø Icriel nee aacge. 28Køøre Peerø aköö jï Modhe, ni «Daak dëërï buuta. Ïïni, gwøk riï, kär täärnyïmï jooda këët. Kiper ni näk mo täärnyïmï cäŋa ka jootø, ï puta thøø dïcäŋeca.»
29Ni kö Modhe, ni «Marï kare. Täärnyïmï ba cäŋa jootø këët møn.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia