ഗലാത്ത്യക്കാറാര് 1
1
1-2ഗലാത്ത്യ ണാഡില്യ ഏസുക്കാറാര് കൂട്ടഗാക്ക്, അപ്പൊസലാ് ആന പവുലോസ് എങ്ക ണാന് എ്ള്‌ദ്‌റ എ്ള്‌ത്ത്. ഈ എ്ള്‌ത്തിലി എ്ള്‌ദിര്‌ക്ക കാര്യഗാക്ക് ഇദിലി എന്ന്‌ദൊപ്പ ഇര്‌ക്ക ഏസുക്കാറാര്‌മ് ഒത്തുപട്ടിര്‌ക്കാര്. ണല്ല സേദി സൊല്ല്യ ബേ്ണ്ടി എനാണ അപ്പൊസലനായി തെരിന്തെ്ഡ്‌ത്ത് ബെത്താദ് ഏസു ക്‌റ്‌സ്‌ത്ത്‌മ് ഏസു ക്‌റ്‌സ്‌ത്ത്‌ണ സത്തവാര് പട്ടിലിര്‌ന്ത് ഉജുറേ്ത്തിന അപ്പനാന സാമിമ്‌ത്തെ. അല്ലാദെ മന്‌സാരല്ല.
3ണമ്മ്‌ദ് അപ്പനാന സാമിമ് ആണ്ടവനാന ഏസു ക്‌റ്‌സ്‌ത്ത്‌മ് ണിമാക്ക് പ്‌ണ്ണ്യാമ് സെയ്‌ഡൊ, ണിമാണ ണിമ്മദ്യോഡേമ് ബെക്കുഡൊ.
4ണമ്മ്‌ദ് പാവണ തീത്ത് ഈ കേ്ഡ്‌ഗെ്ട്ട ഉലഗാത്തിലിര്‌ന്ത് ണമാണ കാപാറ്റ്യ ബേ്ണ്ടി ക്‌റ്‌സ്‌ത്ത് തനാണതാനെ പലി കൊഡുത്താ്. ഇദായിര്‌ന്ത്‌ദ് ണമ്മ് അപ്പനാന സാമി ആസെപട്ടിര്‌ന്ത കാര്യ. 5സത്ത്യമായിമ് അയ്യി സാമി എപ്പേക്ക്‌മ് പേര്‌പെര്‌മെ ഉള്ളവാനായിര്‌ക്കുഡൊ.
ക്‌റ്‌സ്‌ത്ത്‌ണ പറ്റ്യുള്ള സത്ത്യമാന സേദി ഒന്റെ ഒന്റുത്തെ
6ക്‌റ്‌സ്‌ത്ത് #1:6ക്‌റ്‌സ്‌ത്ത് മുദ എ്ള്‌ദിന കായിദണ ണോഡി എ്ള്‌ദിന പഗ്‌ദി കായിദാത്തിലി ക്‌റ്‌സ്‌ത്ത് എന്ത് എ്ള്‌ദാലെ. സെയ്‌ദ പ്‌ണ്ണ്യാത്തിലി പെ്ളേക്ക്യ ബേ്ണ്ടി ണിമാണ ഒളേത്ത സാമിന എക്കി തള്ളി ണല്ല സേദി എന്ത് സൊല്ലുറ ബേ്റെ ഒന്റുണ ഇത്തറ സട്ടന ഏറ്റെ്ഡ്‌ത്താദ്‌ണ കേ്ട്ട് ണാന് അദിസ്യപഡ്‌റെ. 7സെരിക്ക് സൊന്ന അദ്‌ഗെല്ല ണല്ല സേദി അല്ല. ആന അവാര് ണിമാണ പഡ്‌സ്‌റ കാര്യഗണ ബെത്ത് ണിമ്മ് മനേസ്സ്‌ണ സന്തേഗപഡ്‌സി ക്‌റ്‌സ്‌ത്ത്‌ണ പറ്റി സൊല്ലുറ ണല്ല സേദിന മോസ ആക്ക്യാത്തെ ണോഡുറാര്. 8ആന എമ്മ ണിമാക്കെ സൊല്ലി തന്തിര്‌ക്ക ക്‌റ്‌സ്‌ത്ത്‌ണ പറ്റ്യുള്ള ണല്ല സേദിക്ക് എ്ണേഗാത്ത ദിന്‌സിലി എമ്മാഗൊ ഇല്ലെ മേലോഗാത്തില്യ ഒരു ദൂദാനൊ സൊന്നാക്കി അവാ് എപ്പേക്ക്‌മ് സാപ പ്‌ഡിത്തവാ് ആയിര്‌ക്കുവാ്. 9എമ്മ ണിമാക്ക് ണേരാത്തി സൊന്ന കാര്യണ താനെ പിന്നേമ് ണാന് സൊല്ലുറെ: ണിമ്മ കേ്ട്ട് ണമ്പിര്‌ക്ക ണല്ല സേദിക്ക് എ്ണേഗാത്ത ബേ്റെ ഒരു ണല്ല സേദി ആരാറ്റ് ണിമാക്കെ സൊന്നാക്കി അവാ് എപ്പേക്ക്‌മ് സാപ പ്‌ഡിത്തവാ് ആയിര്‌ക്കുവാ്.
10<<ണാന് സൊല്ലുറാദ്‌ത്തെ സെരി>> എന്ത് ആള്‌ഗ സൊല്ല്യാഗ ണാന് ഇച്ചെ സൊല്ലുറാദ്? അല്ല അദ്‌ക്ക് ബദ്‌ള് സാമിത്തെ ണാന് സൊല്ലുറാദ് സെരി എന്ത് സൊല്ലുഡൊ. ണാന് മന്‌സാര്‌ഗണ പിര്യപഡ്‌സ്യ ണോഡുറേഗ? ഇല്ലെ, ഇപ്പ്‌മ് ണാന് മന്‌സാര്‌ഗണ പിര്യപഡ്‌സ്യ ണോഡുറദാനാക്കി ക്‌റ്‌സ്‌ത്ത്‌ദ് ബേലെക്കാറാ് ആയിര്‌ക്കമാട്ടെ.
പവുലോസ് എച്ചെ അപ്പൊസലാ് ആനാ്
11ഏസുക്കാറാരാന എന്ന് എ്ണേവുക്കാറാരെ, ണാന് ണിമാക്കെ സൊന്ന ണല്ല സേദി മന്‌സാര്‌ദ് ണെനേപ്പിലിര്‌ന്ത് ബന്ത കാര്യ അല്ല എന്ത് ണിമ്മ തെര്യ ബേ്ണ്ടി ണാന് ആസെപഡ്‌റെ. 12ഇദ് എനാക്ക് ഏദാറ്റ് ഒരു മന്‌സാരോഡിര്‌ന്ത് കെ്ഡേത്താദ്‌മല്ല, ആരാറ്റോഡിര്‌ന്ത് പഡിത്തെ്ഡ്‌ത്താദ്‌മല്ല. ഏസു ക്‌റ്‌സ്‌ത്ത്‌ത്തെ ഇദ്‌ണ എന്ന് മനേസ്സ്‌ക്ക് ബെ്ളിപഡ്‌സി തന്താദ്.
13എഗുദാര്‌ദ് സട്ട്‌മെ്ട്ട്‌പഡി ണാന് സാമിന കുമ്മുഡി ണഡാന്തിര്‌ന്ത ഗള്യേലി എന്ന് പെ്ളേപ്പ് എച്ചെ ആയിര്‌ന്ത്‌ദ് എന്ത് ണിമ്മ കേ്ട്ടിര്‌ക്കേരല്ല. അയ്യി ഗള്യേലി ണാന് ഏസുക്കാറാര് കൂട്ടണ റമ്പ കൊഡിമെപഡ്‌സിമിര്‌ന്തെ, അവാര്‌ണ ഇല്ലാദാക്ക്യ എത്തറാഗൊ ഓരാഡിമിര്‌ന്തെ. 14എന്ന് ദോരിക്ക് ഇര്‌ക്കവാര്‌ണ ബ്‌ഡ എഗുദാര്‌ദ് സട്ട്‌മെ്ട്ട്‌പഡി പെ്ളേക്ക കാര്യാത്തിലി ണാന് മുഗേനി ആയിര്‌ന്തെ. എന്ന്‌ദ് പാട്ടല സൊല്ലി ബെത്തിര്‌ക്ക കാര്യഗണ സുറുസുറുപ്പോഡെ ണാന് സെയ്‌ദ് ണഡാന്തിര്‌ന്തെ.
15-16എഗുദാര് അല്ലാത്ത ജാദിഗ പട്ടിലി ണാന് ണല്ല സേദി സൊല്ല്യ ബേ്ണ്ടി, സാമി എന്നോഡെ ഗവപട്ടാ്. ഈ കാര്യഗണ സെയ്യ ബേ്ണ്ടി ണാന് പ്‌റാക്കാത്ത മുദാഗെ സാമി എനാണ തെരിന്തെ്ഡ്‌ത്ത് ബെത്തിര്‌ന്താ്. അദ്‌ണാലെത്തെ സാമി തന്ന് മഗാ് ഏസു ക്‌റ്‌സ്‌ത്ത്‌ണ എനാക്ക് ണേരെ കാട്ടി തന്താദ്. അക്കുളെ ണാന് എന്ത സെയ്‌ഡൊ എന്ത് ഒരു മന്‌സാര്‌ണാമ് കേ്ക്ക്യ പോഗാമില്ലെ. 17ഏസു ക്‌റ്‌സ്‌ത്ത്‌ദ് ണല്ല സേദിന സൊല്ല്യ ബേ്ണ്ടി ഏസു മുദ എ്ഡ്‌ത്ത് ബെത്തിര്‌ന്ത അപ്പൊസലലണ കാണ്യ ണാന് എര്‌സലേമ്‌ക്കെ പോഗാമില്ലെ. അദ്‌ക്ക് ബഡ്ഡി ണേരെ അറവി ണാഡ്‌ക്കെ പോനെ. പ്‌റ ദമാസ്‌ക്കോസ് പട്ടണാക്ക് താനെ തിലിമ്പി ബരാമ് സെയ്‌ദെ.
18ണാന് മൂണ് ബര്‌സ കളിന്ത പ്‌റ പത്ത്‌റോസ്‌ണ പളാക്കപഡ്യ ബേ്ണ്ടി എര്‌സലേമ് പട്ടണാക്ക് പോനെ. അച്ചെ അയാളോഡെ പദിനഞ്ച് ണാള് തങ്കിനെ. 19അദിലി ആണ്ടവാ് ഏസു ക്‌റ്‌സ്‌ത്ത്‌ദ് തമ്പ്യാന ആക്കോവുണ അല്ലാദെ ബേ്റെ ഒരു അപ്പൊസലലണാമ് ണാന് കാണാലെ. 20ണാന് ണിമാക്ക് എ്ള്‌ദ്‌റാദ് ഉറുട്ടല്ല. ണേര്‌ത്തെ എന്ത് സാമിക്ക് തെരിദ്. 21അദ്‌ക്ക് പ്‌റ ണാന് സ്‌റ്യ, കിലിക്ക്യ എങ്ക ണാഡ്‌ഗാക്ക് പോനെ. 22അയ്യി ഗള്യേലി എഗുദ ണാഡിലിര്‌ക്ക ഏസുക്കാറാര് കൂട്ടാത്തില്യ ആള്‌ഗ എനാണ പറ്റി കേ്ട്ടിര്‌ന്താര്. ആന എനാണ കാണാഗെ ഇല്ലെ. 23<<മുദ ഇയാള് ണമാണ കൊഡിമെപഡ്‌സി ഏസു ണമ്പിക്കേന ഇല്ലാദാക്ക്യ ണോഡിനാ്. ആന ഇപ്പ് അയാള് ഏസുണ ണമ്പ്യ ആള്‌ഗാക്ക് സൊല്ലുറാ്>> എന്ത് ബേ്റെ ആള്‌ഗ സൊല്ലുറാദ്‌ണാത്തെ അവാര് കേ്ട്ടിര്‌ക്കാദ്. 24ഇച്ചെ അവാര് എനാണ പറ്റി കേ്ട്ട് സാമി എത്തറാഗൊ ബെല്ല്യവാ് എന്ത് സൊല്ലി ഒഗെ ഇക്കിനാര്.
Currently Selected:
ഗലാത്ത്യക്കാറാര് 1: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
