2 കൊരിന്ത്യക്കാറാര് 10
10
പവുലോസ് സെയ്‌ദ ണല്ല സേദിദ് ബേലെന പറ്റി
1ണിമ്മ് പട്ടിലിര്‌ക്കാട്ടി തണിമെ ഉള്ളവാന്‌മ് ദൂര ഇര്‌ക്കാട്ടി ണിമ്മോഡെ ദയ്യിര കാട്ട്‌റവാന്‌മ് എന്ത് ലേസ ആള്‌ഗ എനാണ പറ്റി സൊല്ലുറാര്. അയ്യി ദിന്‌സ് ആയിര്‌ക്ക പവുലോസ് എങ്ക ണാന് ക്‌റ്‌സ്‌ത്ത്‌ക്ക് ഇര്‌ക്ക തണിമോഡേമ് ണിദാനത്തോഡേമ് ണാന് ണിമാക്കെ സൊല്ലുറാദ് എന്തായെന്റ, 2എമ്മ ഈ ഉലഗാത്തില്യവാര് പെ്ളേക്ക പാസെത്തെ പെ്ളേക്കാദ് എന്ത് സൊല്ലുറവാരോഡെ കഡ്‌പ്പത്തോഡെ ണായ സൊല്ല്യാത്തെ ണാന് ആസെപഡ്‌റെ. ആന ണാന് ണിമ്മ് പട്ട്‌ക്ക് ബര്‌ഗാട്ടി എനാണ അച്ച്‌ള ണായ സൊല്ല്യ ബെക്കാദി എന്ത് ണാന് ണിമാണ ബേ്ണ്ടികൊള്ളുറെ. 3എമ്മ ഈ ഉലഗാത്തിലി പെ്ളേക്കവാര് ആനാല്‌മ് ഈ ഉലഗാത്തില്യവാര് തമ്മ് പോട്ടിക്കാറാരോഡെ പോട്ടി ബെക്ക പാസെ എമ്മ പോട്ടി ബെക്കാദില്ലെ. 4ഈ ഉലഗാത്തില്യവാര് ജുദ്ദാക്ക് എ്ഡ്‌ക്ക ജാദിഗളല്ല എമ്മ എ്ഡ്‌ക്കാദ്. എമ്മ ജുദ്ദാക്ക് എ്ഡ്‌ക്ക ജാദിഗ മ്‌ഗ്‌ന്ത സാമി സക്‌ദി ഉള്ളാദ്‌ത്തെ. പഡെഗ തമ്മ് പോട്ടിക്കാറാര് കോട്ടെഗണ ഇ്ഡിത്തെക്ക്‌റ പാസെ അദ്‌ണ ബെത്ത് എമ്മ പോട്ടിക്കാറാര് സക്‌ദിന ദൂള് പറാത്ത്‌റേര്. മന്‌സാര് തപ്പായി ബാദിക്ക എല്ല കാര്യഗണാമ് ഇല്ലാദെ ആക്ക്‌റേര്. 5സാമിദ് അറുവുക്ക് പോട്ടി ണിന്റ് മന്‌സാര്‌ദ് മനേസ്സിലിര്‌ന്ത് ബര എല്ല പെര്‌മെ ണായഗണാമ് എമ്മ ഇല്ലാദെ ആക്ക്‌റേര്. മന്‌സാര് ണെനേക്ക ഒരൊരു ണെനേപ്പ്‌ഗണാമ് എമ്മ ക്‌റ്‌സ്‌ത്ത്‌ദ് സൊല്ലുപഡി ആക്ക്‌റേര്. 6ണിമ്മ സെരിക്ക്‌മ് ക്‌റ്‌സ്‌ത്ത്‌ദ് സൊല്ലുപഡി ണഡാക്കവാര് ആഗാട്ടി അവാന്‌ദ് സൊല്ലുപഡി ണഡാക്കാത്ത ഒരൊരു ആള്‌ഗണാമ് എമ്മ ദണ്ടിക്ക്യ ഒരുങ്കുവേര്.
7ണിമ്മ കണ്ണ്‌ക്ക് കാണ്‌റ കാര്യഗണാത്തെ ണോഡുറേര്. താന് ക്‌റ്‌സ്‌ത്ത്‌ക്കുള്ളവാ്ത്തെ എന്ത് ആരാറ്റ് ണെനേക്കദാനാക്കി എമ്മാമ് ക്‌റ്‌സ്‌ത്ത്‌ക്കുള്ളവാര്‌ത്തെ എന്ത് അവാന്‌ക്ക് തെരിഡൊ. 8ആണ്ടവാ് എമാക്ക് അദിഗാര തന്തിര്‌ക്കാദ് ണിമ്മ്‌ദ് ണമ്പിക്കേന കെ്ഡ്‌സ്യാല്ല, അയ്യി ണമ്പിക്കേലി ഒറേപ്പുള്ളവാര് ആക്ക്യാത്തെ. ഈ അദിഗാരത്തിലി ണാന് പെര്‌മെപട്ടാല്‌മ് ണാന് ണാണഗെ്ഡമാട്ടെ. 9ണാന് ണിമാക്ക് എ്ള്‌ത്ത്‌ഗ എ്ള്‌ദി ബ്‌ട്ട് ണിമാണ കോവെ പ്‌ഡ്‌സ്യ ണോഡുറെ എന്ത് ണിമ്മ ണെനേക്കാദി.
10എന്ത്‌ക്കെന്റ <<അവാ് എ്ള്‌ദ്‌റ എ്ള്‌ത്ത്‌ണ കണ്ട കഡ്‌പ്പമാന മ്‌ഗ്‌ന്ത കാര്യഗണാത്തെ അവാ് എ്ള്‌ദിര്‌ക്കാ്. ആന ആണ് എങ്ക കാര്യാത്തിലി അവാ് ഒന്റുക്ക്‌മ് തഗ്‌ദി ഇല്ലാത്തവാന്‌മ് അവാന്‌ദ് ണായാക്ക് ഒരു ബെലേമ് ഇല്ലെ>> എന്ത് ലേസ ആള്‌ഗ സൊല്ലുറാരല്ല. 11എമ്മ ദൂരാത്തിലിര്‌ക്കാട്ടി എ്ള്‌ത്തിലി എന്ത കാര്യണ എ്ള്‌ദിനേരൊ അദേ എ്ണ്ണത്തോഡെത്തെ എമ്മ ണിമ്മ് പട്ടിലി ബന്ത് ഇര്‌ക്കാട്ടിമ് സെയ്‌രാദ് എന്ത് അവാര് തെരിന്തിര്‌ക്കുഡൊ.
12തമ്മാത്തെ ബെല്ല്യവാര് എന്ത് ണെനേക്കവാരോഡെ എ്ണേയാഗോ ഇല്ലെ അവാര്‌ക്ക് എ്ണേത്ത് ണോഡ്യാഗൊ എമ്മ ണോഡുറാദില്ലെ. അവാര് തമ്മ് ണെനേപ്പിലി തമ്മ ണല്ലവാര് എന്ത് കണക്കാക്ക്‌റാര്. അദ്‌ണാലെ അവാര് ബുദ്ദിഗെ്ട്ടവാര്‌ത്തെ. 13എമ്മ അളാവുക്ക് മീ്റി പെര്‌മെപഡ്‌റവാരല്ല. ആന സാമി എമാക്ക് സെയ്യ തന്തിര്‌ക്ക എല്ലെക്കുള്ളുക്ക് ഇര്‌ന്ത്‌കൊണ്ട്‌ത്തെ എമ്മ ബേലെ സെയ്‌രേര്. അയ്യി എല്ലെക്കുള്ളുക്ക് ണിമ്മാമ് പഡുവേര്. 14ഒരു ബെജെ ഗൂഡി പോഗാത്ത പട്ട്‌ക്ക് പോനേര് എന്ത് സൊല്ലി പെര്‌മെപഡ്‌റവാര്‌ണ പാസെ ഉള്ളവാരല്ല എമ്മ. എന്ത്‌ക്കെന്റ ക്‌റ്‌സ്‌ത്ത്‌ണ പറ്റി ഉള്ള ണല്ല സേദി സൊല്ല്യ എമ്മാത്തെ ണിമ്മ് പട്ട്‌ക്ക് മുദ ബന്താദ്. 15അഡ്‌ത്തവാര് സെയ്‌ര ബേലെന പറ്റി എമ്മ അളാവുക്ക് മീ്റി പെര്‌മെപഡ മാട്ടേര്. ണിമാക്ക് മേല്‌ക്ക് മേല്‌ക്ക് ണമ്പിക്കെ ബന്താക്കി ണിമ്മ് പട്ടിലി റമ്പ ബേലെ സെയ്യ മുഡ്യു എന്ത് എമാക്ക് ണെഞ്ചഡെ ഇര്‌ക്ക്‌ദ്. 16അപ്പ്‌ത്തെ ണിമാക്ക് അച്ചാരി ഇര്‌ക്ക ണാഡ്‌ഗാക്ക്‌മ് ണല്ല സേദിന എമാക്ക് സൊല്ല്യ മുഡ്യു. ബേ്റെ ആള്‌ഗ സെയ്‌ദ് മുഡിത്ത കാര്യഗണ പറ്റി എമാക്ക് പെര്‌മെപഡ്‌റ കാര്യ ഇല്ലെ. 17ആന <<പെര്‌മെപഡ്‌റവാ് ആണ്ടവാ് സെയ്‌ദ കാര്യണ പറ്റി പെര്‌മെപഡുഡൊ>>#ഇരെമ്യാ് 9:24 എന്ത് സാമി സൊല്ലുസുലാക്കാത്തിലി സൊല്ലിര്‌ക്ക്‌ദല്ല. 18തനാണതാനെ ബെല്ല്യവാ് എന്ത് സൊല്ലുറവാനല്ല, ആണ്ടവാ് മദ്‌സ്‌റവാന്‌ക്ക്‌ത്തെ മദ്‌പ്പിര്‌ക്ക്‌ദ്.
Currently Selected:
2 കൊരിന്ത്യക്കാറാര് 10: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
