SASUWANG 36
36
1Bezaleel, Aholiab, dang kaul᷊i u base ko nakarea titong dang kapapande bou Mawu, matitong l᷊al᷊enge mukoa kaul᷊i u ko ipake guna ngu mukoa Kema ngu Mawu. I sire mambeng mukoa kaul᷊i u kere ko niparenta ngu Mawu.”
Bangsa Israel nangonggo maul᷊i bantuang
2I Musa nukui si Bezaleel, i Aholiab dang kaul᷊i u taumata ko nakahombang kapapande bou Mawu dang ko sadia mutul᷊ung, bou e'e nundoi i sire panita. 3I Musa nangonggo si sire kaul᷊i ko ninggile taumata ngu Israel guna ngu mupararisi Kema ngu Mawu. Kateho bangsa Israel mborong turusi l᷊ai mumbawa sasumba si Musa sintinia mal᷊ukari. 4Bou e'e manga base ko kapukoae hal᷊i e'e, 5nulapori si Musa, “Manga kakoae ko nionggo u manga taumata e'e seng tumaniu maul᷊i, bou ko ipake guna ngu hal᷊i ko nipakihal᷊ikang u Mawu.”
6Kuteu i Musa namohang su kaul᷊i u pukakemang watu'u seng nasuku bantuang guna ngu Kema ngu Mawu; inau manga taumata seng ta numbawa manga apa l᷊ai. 7Manga kakakoa ko seng nionggo i sire napal᷊iu guna ngu manginsue kaul᷊i u hal᷊i e'e.
Manga base nukoa Kema ngu Mawu
(Sasu. 26:1-37)
8Bou e'e ko kapandenge su tal᷊oara u manga base e'e nukoa Kema ngu Mawu. Kema e'e nikoa i sire bou heka leneng ko al᷊usi mapul᷊o mpoto, nitenung dingang u wol ko biru, ungu dang mahamu, bou e'e nisuji dingang u gambari kerub. #36:8: kerub: Tuhunge 25:18. 9Apang potoe musul᷊ung ukurange; nandue mapul᷊odua su meteri, dang wunahie dua meteri. 10L᷊ima mpoto heka nisumpu nakoa pampele simbau, dang l᷊ima mpoto ko wal᷊inge nikoa kere'e l᷊ai. 11Su wiwihi u pampele darua e'e nikoateng u kakaie bou heka ko biru, 12l᷊imampul᷊o kakaie suapang manga pampele, hakiu nakoa kere simpari. 13Bou e'e nikoateng kakaie wul᷊aeng l᷊imampul᷊o guna ngu mupukauhi pampele darua e'e.
14Bou e'e i sire nukoa atu u Kema e'e bou heka ruku u kambing mapul᷊onsau su potoe. 15Apang potoe musul᷊ung ukurange, nandue mapul᷊otilu su meteri dang wunahie dua meteri. 16L᷊ima mpoto nisumpu makoa pampele simbau dang nungu poto ko wal᷊inge nikoa kere'e l᷊ai. 17L᷊imampul᷊o kakaie nitaing su wiwihi u pampele ko kahimotongange dang l᷊imampul᷊o kakaie nitaing su wiwihi u pampele karuange. 18Bou e'e nikoateng l᷊imampul᷊o kakaie bou witu guna ngu mupukauhi pampele darua e'e makoa atu u Kema. 19Bou e'e nikoateng tatakae darua guna ngu bahageang u Kema, simbau bou pisi ngu domba ko ese ko nilaburang u mahamu dang ko wal᷊inge bou pisi ko al᷊usi.
20Bou e'e i sire nukoa manga rihi ngu Kema kararisi matei bou kau akasia. 21Apang rihinge range'e pa u meteri dang wunahie paupul᷊onung su sentinge. 22Suapang rihinge nikoateng darua papasie simpari, hakiu manga rihinge e'e botonge isumpu simbau dingang ko wal᷊inge. 23Guna ngu bahageang timuhi Kema nikoateng rihinge duampul᷊o, 24dingang paupul᷊o l᷊ampahie bou sal᷊aka, darua su wawae apang rihinge guna ngu papasie darua. 25Guna ngu simbuka ngu sawunahi u Kema nikoateng rihinge duampul᷊o, 26dingang paupul᷊o l᷊ampahie bou sal᷊aka, darua su wawa u apang rihinge. 27Guna ngu l᷊ikuru Kema su simbuka ngu wahe, nikoateng nung rihinge 28dang darua rihi guna ngu wukunge. 29Manga rihi ngu wukunge e'e nisumpu su l᷊aeri turusi sarang wawoe. Rihinge darua ko nakakoa wukunge mambeng koateng kere'e l᷊ai. 30Inau kaul᷊ie wal᷊u rihinge dingang mapul᷊onung l᷊ampahie bou sal᷊aka, darua su wawa u apang rihinge.
31Bou e'e i sire nukoa mapul᷊ol᷊ima kau wawal᷊andange bou kau akasia, l᷊ima guna ngu manga rihinge su sindihange simbau bou Kema, 32l᷊ima guna ngu sindihange ko wal᷊inge dang l᷊ima l᷊ai guna ngu l᷊ikuru Kema simbuka ngu wahe. 33Kau wawal᷊andange su tal᷊oarae nipasi stenga bou rihinge bou pondol᷊i sarang pondol᷊i u Kema e'e. 34Rihi ngu Kema dang manga kau wawal᷊andange e'e nilapisang u wul᷊aeng bou e'e nitaingang u manga wukal᷊a wul᷊aeng guna ngu panahang manga kau e'e.
35I sire l᷊ai nukoa heka l᷊ahumping u tukari bou leneng ko al᷊usi ko nitenung bou wol ko biru, ungu dang mahamu, bou e'e nisuji dingang u gambari kerub. #36:35: kerub: Tuhunge 25:18. 36Guna ngu panangetang heka e'e nikoateng u rihi pa bou kau akasia ko nilapisang u wul᷊aeng dingang u kakai wul᷊aeng dang nipasi su wawo u pa l᷊ampahie sal᷊aka. 37Bou e'e nikoateng u pusarange guna ngu tukari u Kema bou leneng ko al᷊usi ko nighepe dingang u wol ko biru, ungu dang mahamu dang nil᷊ighaheng dingang u suji. 38Guna ngu heka l᷊ahumping e'e tukari nikoateng rihi l᷊ima ko nisumpu dingang u manga kakaie. Manga pondol᷊i dang manga sasumpu u rihi l᷊ima e'e nilapisang u wul᷊aeng, arawe l᷊ima l᷊ampahie e'e nikoa bou witu.
Currently Selected:
SASUWANG 36: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 36
36
1Bezaleel, Aholiab, dang kaul᷊i u base ko nakarea titong dang kapapande bou Mawu, matitong l᷊al᷊enge mukoa kaul᷊i u ko ipake guna ngu mukoa Kema ngu Mawu. I sire mambeng mukoa kaul᷊i u kere ko niparenta ngu Mawu.”
Bangsa Israel nangonggo maul᷊i bantuang
2I Musa nukui si Bezaleel, i Aholiab dang kaul᷊i u taumata ko nakahombang kapapande bou Mawu dang ko sadia mutul᷊ung, bou e'e nundoi i sire panita. 3I Musa nangonggo si sire kaul᷊i ko ninggile taumata ngu Israel guna ngu mupararisi Kema ngu Mawu. Kateho bangsa Israel mborong turusi l᷊ai mumbawa sasumba si Musa sintinia mal᷊ukari. 4Bou e'e manga base ko kapukoae hal᷊i e'e, 5nulapori si Musa, “Manga kakoae ko nionggo u manga taumata e'e seng tumaniu maul᷊i, bou ko ipake guna ngu hal᷊i ko nipakihal᷊ikang u Mawu.”
6Kuteu i Musa namohang su kaul᷊i u pukakemang watu'u seng nasuku bantuang guna ngu Kema ngu Mawu; inau manga taumata seng ta numbawa manga apa l᷊ai. 7Manga kakakoa ko seng nionggo i sire napal᷊iu guna ngu manginsue kaul᷊i u hal᷊i e'e.
Manga base nukoa Kema ngu Mawu
(Sasu. 26:1-37)
8Bou e'e ko kapandenge su tal᷊oara u manga base e'e nukoa Kema ngu Mawu. Kema e'e nikoa i sire bou heka leneng ko al᷊usi mapul᷊o mpoto, nitenung dingang u wol ko biru, ungu dang mahamu, bou e'e nisuji dingang u gambari kerub. #36:8: kerub: Tuhunge 25:18. 9Apang potoe musul᷊ung ukurange; nandue mapul᷊odua su meteri, dang wunahie dua meteri. 10L᷊ima mpoto heka nisumpu nakoa pampele simbau, dang l᷊ima mpoto ko wal᷊inge nikoa kere'e l᷊ai. 11Su wiwihi u pampele darua e'e nikoateng u kakaie bou heka ko biru, 12l᷊imampul᷊o kakaie suapang manga pampele, hakiu nakoa kere simpari. 13Bou e'e nikoateng kakaie wul᷊aeng l᷊imampul᷊o guna ngu mupukauhi pampele darua e'e.
14Bou e'e i sire nukoa atu u Kema e'e bou heka ruku u kambing mapul᷊onsau su potoe. 15Apang potoe musul᷊ung ukurange, nandue mapul᷊otilu su meteri dang wunahie dua meteri. 16L᷊ima mpoto nisumpu makoa pampele simbau dang nungu poto ko wal᷊inge nikoa kere'e l᷊ai. 17L᷊imampul᷊o kakaie nitaing su wiwihi u pampele ko kahimotongange dang l᷊imampul᷊o kakaie nitaing su wiwihi u pampele karuange. 18Bou e'e nikoateng l᷊imampul᷊o kakaie bou witu guna ngu mupukauhi pampele darua e'e makoa atu u Kema. 19Bou e'e nikoateng tatakae darua guna ngu bahageang u Kema, simbau bou pisi ngu domba ko ese ko nilaburang u mahamu dang ko wal᷊inge bou pisi ko al᷊usi.
20Bou e'e i sire nukoa manga rihi ngu Kema kararisi matei bou kau akasia. 21Apang rihinge range'e pa u meteri dang wunahie paupul᷊onung su sentinge. 22Suapang rihinge nikoateng darua papasie simpari, hakiu manga rihinge e'e botonge isumpu simbau dingang ko wal᷊inge. 23Guna ngu bahageang timuhi Kema nikoateng rihinge duampul᷊o, 24dingang paupul᷊o l᷊ampahie bou sal᷊aka, darua su wawae apang rihinge guna ngu papasie darua. 25Guna ngu simbuka ngu sawunahi u Kema nikoateng rihinge duampul᷊o, 26dingang paupul᷊o l᷊ampahie bou sal᷊aka, darua su wawa u apang rihinge. 27Guna ngu l᷊ikuru Kema su simbuka ngu wahe, nikoateng nung rihinge 28dang darua rihi guna ngu wukunge. 29Manga rihi ngu wukunge e'e nisumpu su l᷊aeri turusi sarang wawoe. Rihinge darua ko nakakoa wukunge mambeng koateng kere'e l᷊ai. 30Inau kaul᷊ie wal᷊u rihinge dingang mapul᷊onung l᷊ampahie bou sal᷊aka, darua su wawa u apang rihinge.
31Bou e'e i sire nukoa mapul᷊ol᷊ima kau wawal᷊andange bou kau akasia, l᷊ima guna ngu manga rihinge su sindihange simbau bou Kema, 32l᷊ima guna ngu sindihange ko wal᷊inge dang l᷊ima l᷊ai guna ngu l᷊ikuru Kema simbuka ngu wahe. 33Kau wawal᷊andange su tal᷊oarae nipasi stenga bou rihinge bou pondol᷊i sarang pondol᷊i u Kema e'e. 34Rihi ngu Kema dang manga kau wawal᷊andange e'e nilapisang u wul᷊aeng bou e'e nitaingang u manga wukal᷊a wul᷊aeng guna ngu panahang manga kau e'e.
35I sire l᷊ai nukoa heka l᷊ahumping u tukari bou leneng ko al᷊usi ko nitenung bou wol ko biru, ungu dang mahamu, bou e'e nisuji dingang u gambari kerub. #36:35: kerub: Tuhunge 25:18. 36Guna ngu panangetang heka e'e nikoateng u rihi pa bou kau akasia ko nilapisang u wul᷊aeng dingang u kakai wul᷊aeng dang nipasi su wawo u pa l᷊ampahie sal᷊aka. 37Bou e'e nikoateng u pusarange guna ngu tukari u Kema bou leneng ko al᷊usi ko nighepe dingang u wol ko biru, ungu dang mahamu dang nil᷊ighaheng dingang u suji. 38Guna ngu heka l᷊ahumping e'e tukari nikoateng rihi l᷊ima ko nisumpu dingang u manga kakaie. Manga pondol᷊i dang manga sasumpu u rihi l᷊ima e'e nilapisang u wul᷊aeng, arawe l᷊ima l᷊ampahie e'e nikoa bou witu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in