SASUWANG 33
33
Mawu nundoi bangsa Israel panintang u Wul᷊uri u Sinai
1 #
Kar. 12:7, 26:3, 28:13 Bou e'e Mawu nuhengetang si Musa, “Tintangte tampa i'i dang tamaiko singkahindo dingang u bangsa ko niwawa u bou Mesir e'e sarang tana ko Daku nipudiandi si Abraham, si Ishak dang si Yakub dingang hintou ngi sire. 2Ia sarung mundoi singkatau malaikati guna ngu pangaha si kumu. Ia sarung manguseri bangsa Kanaan, Amori, Het, Feris, Hewi dang Yebus. 3I kumu pundol᷊ong sarang tana ko l᷊abo dang matawa. Kateho ia sisaneku ta tumuhu dingang i kumu, tadeau i kumu kumbahang Daku ipakawinasa su tal᷊oara u l᷊al᷊eng, watu'u i kumu ko bangsa makitihi.”
4-6Bou e'e Mawu nuparenta si Musa pangul᷊i su bangsa Israel, “I kumu bangsa ko makitihi. Kiko ia tumuhu dingang i kumu maning kitang singkatempo, tantu i kumu Daku ipakawinasa pakasue. Piloko l᷊al᷊ighahi i kumu, kuteu Ia sarung manantu apa ko sarung Daku ikoa si kumu.” Suapang nakaringihi tughu ngu Mawu e'e, i sire nasusa kahingang naung i sire kere taumata ko nikapateng. Bou e'e i sire namilo u l᷊al᷊iaghi i sire. Bou e'e i sire nanintang u Wul᷊uri u Sinai, bangsa Israel ta nupake l᷊ai l᷊al᷊ighahi.
Kema ngu Mawu
7Sintinia tempo, bou bangsa Israel mukema, i Musa mangal᷊a Kema dang mupararisi dio maghea bou pukakemang i sire. Kema e'e isigho Kema ngu Mawu, dang i sai ko mundo sasasa su Mawu, tamai sarang e'e. 8Bou i Musa matamai sarang Kema e'e, manga taumata ngu Israel rumarisi su tingo ngu tukari u kema ngi sire dang mutuhung si Musa sarang i sie masu. 9Saritau i Musa nasu, rihi ngu winawa, nal᷊intue dang nangiro su tukari u Kema. Bou winawa e'e Mawu nuhengetang dingang i Musa. 10Su tempo ngu taumata ngu Israel nakawua rihi winawa su tukari u Kema ngu Mawu, i sire kaul᷊ie nuwua dang nusuba su tukari u kema ngu simbau-simbau. 11Mawu nuhengetang si Musa musasaruang musul᷊ung u taumata dingang u ghawe'e. Bou e'e i Musa nusul᷊e sarang pukakemang. Kateho i Yosua ana i Nun, singkatau umbaseng musasumbala si Musa, tatapi natana su Kema e'e.
Mawu nudiandi sarung mutul᷊ung bangsa-E
12Pia silou i Musa nangul᷊i su Mawu, Mawu, I Kau nuparenta si sia mangaha bangsa i'i sarang tana ko nipudiandi-U. Kateho I Kau ta nangul᷊i i sai ko sarung Daku iroi guna ngu mutul᷊ung u ia. Mawu I Kau nangul᷊i himoneu I Kau matitong u ia, dang mal᷊uasi sia. 13Boko kere'e, kere botonge pangul᷊iko apa kirou-U, Mawu, tadeau ia botonge mutangkiang si Kau dang tatapi mupakal᷊uasi naung-U. Tinaungeko l᷊ai himoneu bangsa i'i seng nipile-U mariadi koa-U.
14Angkung u Mawu, “I kumu sarung Daku itul᷊ung tadeau botonge managhuang tana ko Daku nipudiandi.”
15Sasimbahi Musa, “Kamangkeng Mawu ta tumuhu dingang i kami, kumbahang mundoi i kami manintang u tampa i'i. 16Kirapa taumata sarung matitong uare i Kau mal᷊uasi si sia dang su bangsa i'i bou i Kau ta mutul᷊ung i kami? Sasongo ngu Mawu su manga tal᷊oara i kami sarung mukoa si kami mutatintang dingang u manga bangsa ko wal᷊inge su dunia.”
17Angkung u Mawu si Musa, “Ndo u sarung Daku itarima, watu'u Ia makakil᷊al᷊a si kau dang mal᷊uasi si kau.”
18Bou e'e i Musa nukahioro, “Mawu patodeko si sia sinang u sasongo-U.”
19 #
Rm. 9:15 Sasimbahi Mawu, “Ia sarung sumahe dingang u kaul᷊i u kawawantughi-Ku su tingongu, apiru musigho areng-Ku ko susi. Ko Ia Mawu, dang Ia mangandaghi kasasana u naung dang kakindaghi-Ku su manga taumata ko Daku ipile. 20Pahesi-Ku ta sarung Daku iandaghi si kumu, watu'u ta mariadi taumata mutuhung si Sia, dang tatapi wiahi. 21Su simbuka-Ku i'i pia wul᷊uri watu, i kau botonge rumarisi su se'e. 22Su tempo sinang u sasongo-Ku sumahe, i kau Daku ipasu su l᷊al᷊ung u wulae simbau su l᷊al᷊ung u wul᷊uri u watu e'e, dang Daku takateng dingang u l᷊ima-Ku sarang Ia seng mbuae nusumahe. 23Bou e'e l᷊ima-Ku sarung Daku wol᷊engang tadeau i kau botonge makawua si Sia bou l᷊ikuri, kateho pahesi-Ku ta sarung ikawuau.”
Currently Selected:
SASUWANG 33: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 33
33
Mawu nundoi bangsa Israel panintang u Wul᷊uri u Sinai
1 #
Kar. 12:7, 26:3, 28:13 Bou e'e Mawu nuhengetang si Musa, “Tintangte tampa i'i dang tamaiko singkahindo dingang u bangsa ko niwawa u bou Mesir e'e sarang tana ko Daku nipudiandi si Abraham, si Ishak dang si Yakub dingang hintou ngi sire. 2Ia sarung mundoi singkatau malaikati guna ngu pangaha si kumu. Ia sarung manguseri bangsa Kanaan, Amori, Het, Feris, Hewi dang Yebus. 3I kumu pundol᷊ong sarang tana ko l᷊abo dang matawa. Kateho ia sisaneku ta tumuhu dingang i kumu, tadeau i kumu kumbahang Daku ipakawinasa su tal᷊oara u l᷊al᷊eng, watu'u i kumu ko bangsa makitihi.”
4-6Bou e'e Mawu nuparenta si Musa pangul᷊i su bangsa Israel, “I kumu bangsa ko makitihi. Kiko ia tumuhu dingang i kumu maning kitang singkatempo, tantu i kumu Daku ipakawinasa pakasue. Piloko l᷊al᷊ighahi i kumu, kuteu Ia sarung manantu apa ko sarung Daku ikoa si kumu.” Suapang nakaringihi tughu ngu Mawu e'e, i sire nasusa kahingang naung i sire kere taumata ko nikapateng. Bou e'e i sire namilo u l᷊al᷊iaghi i sire. Bou e'e i sire nanintang u Wul᷊uri u Sinai, bangsa Israel ta nupake l᷊ai l᷊al᷊ighahi.
Kema ngu Mawu
7Sintinia tempo, bou bangsa Israel mukema, i Musa mangal᷊a Kema dang mupararisi dio maghea bou pukakemang i sire. Kema e'e isigho Kema ngu Mawu, dang i sai ko mundo sasasa su Mawu, tamai sarang e'e. 8Bou i Musa matamai sarang Kema e'e, manga taumata ngu Israel rumarisi su tingo ngu tukari u kema ngi sire dang mutuhung si Musa sarang i sie masu. 9Saritau i Musa nasu, rihi ngu winawa, nal᷊intue dang nangiro su tukari u Kema. Bou winawa e'e Mawu nuhengetang dingang i Musa. 10Su tempo ngu taumata ngu Israel nakawua rihi winawa su tukari u Kema ngu Mawu, i sire kaul᷊ie nuwua dang nusuba su tukari u kema ngu simbau-simbau. 11Mawu nuhengetang si Musa musasaruang musul᷊ung u taumata dingang u ghawe'e. Bou e'e i Musa nusul᷊e sarang pukakemang. Kateho i Yosua ana i Nun, singkatau umbaseng musasumbala si Musa, tatapi natana su Kema e'e.
Mawu nudiandi sarung mutul᷊ung bangsa-E
12Pia silou i Musa nangul᷊i su Mawu, Mawu, I Kau nuparenta si sia mangaha bangsa i'i sarang tana ko nipudiandi-U. Kateho I Kau ta nangul᷊i i sai ko sarung Daku iroi guna ngu mutul᷊ung u ia. Mawu I Kau nangul᷊i himoneu I Kau matitong u ia, dang mal᷊uasi sia. 13Boko kere'e, kere botonge pangul᷊iko apa kirou-U, Mawu, tadeau ia botonge mutangkiang si Kau dang tatapi mupakal᷊uasi naung-U. Tinaungeko l᷊ai himoneu bangsa i'i seng nipile-U mariadi koa-U.
14Angkung u Mawu, “I kumu sarung Daku itul᷊ung tadeau botonge managhuang tana ko Daku nipudiandi.”
15Sasimbahi Musa, “Kamangkeng Mawu ta tumuhu dingang i kami, kumbahang mundoi i kami manintang u tampa i'i. 16Kirapa taumata sarung matitong uare i Kau mal᷊uasi si sia dang su bangsa i'i bou i Kau ta mutul᷊ung i kami? Sasongo ngu Mawu su manga tal᷊oara i kami sarung mukoa si kami mutatintang dingang u manga bangsa ko wal᷊inge su dunia.”
17Angkung u Mawu si Musa, “Ndo u sarung Daku itarima, watu'u Ia makakil᷊al᷊a si kau dang mal᷊uasi si kau.”
18Bou e'e i Musa nukahioro, “Mawu patodeko si sia sinang u sasongo-U.”
19 #
Rm. 9:15 Sasimbahi Mawu, “Ia sarung sumahe dingang u kaul᷊i u kawawantughi-Ku su tingongu, apiru musigho areng-Ku ko susi. Ko Ia Mawu, dang Ia mangandaghi kasasana u naung dang kakindaghi-Ku su manga taumata ko Daku ipile. 20Pahesi-Ku ta sarung Daku iandaghi si kumu, watu'u ta mariadi taumata mutuhung si Sia, dang tatapi wiahi. 21Su simbuka-Ku i'i pia wul᷊uri watu, i kau botonge rumarisi su se'e. 22Su tempo sinang u sasongo-Ku sumahe, i kau Daku ipasu su l᷊al᷊ung u wulae simbau su l᷊al᷊ung u wul᷊uri u watu e'e, dang Daku takateng dingang u l᷊ima-Ku sarang Ia seng mbuae nusumahe. 23Bou e'e l᷊ima-Ku sarung Daku wol᷊engang tadeau i kau botonge makawua si Sia bou l᷊ikuri, kateho pahesi-Ku ta sarung ikawuau.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in