SASUWANG 32

Sapi wul᷊aeng

(Sau. 9:6-29)

1 # Wuk. 7:40 Tempo ngu bangsa Israel nakawua himoneu i Musa tumaniu mal᷊iwue kahingang ta nurumusung bou wul᷊uri, kateho mborong l᷊ai dasi se'e, i sire nul᷊ahumbung si Harun dang nangul᷊i si sie, “I kite wugha ngu apa nariadi si Musa, taumata ko seng numbawa si kite nusumuwang bou Mesir, inau koako guna ngi kami mahang mawu #32:1: mahang mawu arako pira mbau mahang mawu. ko sarung mangaha si kami.”

2Bou e'e i Harun nangul᷊i si sire, “Piloko anting-anting wul᷊aeng ko nil᷊oho u manga kawing dang manga ana i kumu, dang wawako si sia.” 3Kuteu i sire namilo anting-anting wul᷊aeng singkatau-singkatau dang numbawa sarang koa i Harun. 4#Wuk. 7:41 I Harun nangal᷊a anting-anting e'e, bou e'e nitunoe dang niwosoe su l᷊al᷊ung u pastaka dang nikoae patong u sapi simbau.

Bangsa e'e nangul᷊i, “Ei Israel, i'i ko mahang mawu ngi kite ko mangunturi si kite nusumuwang bou Mesir!”

5Bou e'e i Harun nupararisi u mesba simbau su tingo ngu sapi wul᷊aeng e'e dang namohang, “Dol᷊ou pia sal᷊iwang guna ngu mangadati Mawu.” 6#1Kor. 10:7Ndai mal᷊ou mal᷊uka-l᷊ukari, manga taumata ngu Israel numbawa pira mbau binatang guna ngu korbang tongkateng, dang pira mbau l᷊ai korbang purarame. I sire nukumangiang nukumang l᷊au nanginung, bou e'e nurumarisi guna ngu mahul᷊uasi.

7Inau Mawu nangul᷊i si Musa, “Rusungte pakaehong, watu'u bangsa ko niahau nusumuwang bou Mesir seng nukoa hal᷊i ko l᷊al᷊ai. 8I sire seng nul᷊enga bou manga parenta-Ku. I sire nukoa patong sapi bou wul᷊aeng nituno, bou e'e nanumba si sie dang nangonggo korbang si sie. Angkung i sire, e'e ko mahang mawu ngi sire ko numbawa si sire nusumuwang bou Mesir. 9Ia matitong himoneu bangsa e'e tumaniu makitihi. 10Kumbahang manuka manahaghe si Sia. Ia muwawal᷊uang si sire dang l᷊ai mupakawinasa ngi sire. Kateho i kau dang hintoungu sarung Daku koateng simbau bangsa ko l᷊abo.”

11 # Rek. 14:13-19 I Musa nukahioro su Mawu Ruatange, angkunge, “Mawu, nakurawe i Kau hakiu mukoa kere si sire? Wal᷊ingewe i Kau seng nupakasal᷊amati si sire bou Mesir dingang u kawasa dang katatoghasi ko l᷊abo? 12Kamangkeng i Kau mupakawinasa ngi sire, taumata ngu Mesir sarung mangul᷊i himoneu i Kau nangaha bangsa e'e nusumuwang bou Mesir guna ngu mamate si sire su manga wul᷊uri dang mupakawinasa si sire pakasue. Kumbahang kere'e, oh Mawu, wal᷊uko kao-U dang kumbahang mupakasilaka u bangsa e'e. 13#Kar. 22:16-17, 17:8 Tinaungeko su manga l᷊ang-U i Abraham, i Ishak dang i Yakub. Tinaungeko watu i Kau nudiandi dingang nutewa guna ngu mangonggo si sire hintou kere wituing su l᷊angi, l᷊ai watu'u kaul᷊i u tana ko nipudiandi-U e'e sarung mariadi koa u hintou ngi sire sarang kal᷊iwuenge.” 14Inau Mawu namal᷊u kao-E dang ta nariadi nukoa papataku-E mupuhombang u silaka su bangsa e'e.

15I Musa nurumusung nusul᷊e bou wul᷊uri e'e numbawa watu darua ko niwohekang u manga parenta ngu Mawu Ruata su sindihange darua. 16Mawu Ruata seng nukoa watu e'e dang namohe u manga parenta-E su se'e.

17Tintal᷊a karusunge, i Yosua nakaringihi manga taumata ngu Israel kapahungkihae, bou e'e i sie nangul᷊i si Musa, “Pia gara u parang su pukakemang.”

18Angkung i Musa, “raringihang wal᷊inge kere kiha u kal᷊auntung arako kiha u kawawata, e'e tingihi u taumata kasamperi.”

19Suapang i Musa seng masandighi ngu pukakemang e'e, nikawuae sapi wul᷊aeng e'e dang manga taumata tintal᷊a kapusal᷊ainge, kuteu i sie nuwawal᷊uang. Se'e l᷊ai, su wanggili u wul᷊uri e'e, i Musa namanting watu ko niwawae sarang naghaghoro. 20Bou e'e nial᷊ae patong sapi ko nikoa u manga taumata ngu Israel e'e. Nitunoe, nil᷊untae sarang naal᷊usi kere awu, bou e'e nil᷊aukang u dingang u ake, tuhue niroie taumata ngu Israel panginung. 21I sie nangul᷊i si Harun, “Apa ko nikoa i sire si kau hakiu niwala ngu i sire nukoa dosa ko l᷊abo?”

22Sasimbahi i Harun, “Kumbahang muwawal᷊uang si sia; i kau matitong sisane kirapa kao u manga taumata i'i mukoa ko l᷊al᷊ai. 23I sire nangul᷊i si sia, ‘I kite wugha apa ko nariadi dingang i Musa, taumata ko seng numbawa si kite nusumuwang bou Mesir, inau koateko guna ngi kami mahang mawu ko botonge mangaha si kami.’ 24Ia nundoi si sire panarakang u l᷊al᷊ighahi wul᷊aeng, bou e'e i sire nanarakang si sia. Kaul᷊i u l᷊al᷊ighahi e'e daku nitaho su putung bou e'e nariadi sapi i'i!”

25I Musa nakahingang himoneu i Harun seng nupakawala ngu bangsa Israel musul᷊ung u kawal᷊o napilo bou kuhunge, hakiu i sire nakoa l᷊aheghesang u manga roka i sire. 26Inau nurumarisite i sie su tingo ngu tukari sasukang u pukakemang dang nukumiha, “I sai ko manimbuka su Mawu mambeng pasongo simai!” Inau nasongote suku ngu Lewi nul᷊iku si Musa, 27dang i sie nangul᷊i, “Mawu Ruata ngu Israel nuparenta si kumu singkatau-singkatau guna ngu manawu perangu dang l᷊umal᷊eng l᷊umiu pukakemang i'i, bou sasukang i'i sarang sasukang ko wal᷊inge apiru mamate manga ana u simbau, manga ghawe dang manga l᷊ampungu.” 28Suku ngu Lewi timuhu nukoa parenta e'e dang su l᷊ou e'e patehang tiluhiwu su kataunge taumata nipate. 29Angkung i Musa su suku ngu Lewi, “Silou i'i i kumu seng nanani ngu watangeng #32:29: tumuhu pira mbau salenang ko kunoL᷊ou i'i i kumu seng nuhae ngu watangeng: tumuhu naska ngu Ibrani: Haeko watangengu l᷊ou i'i; arako L᷊ou i'i kumu seng nihae. mariadi imam ko mutangkiang Mawu dingang namate manga ana dang ana u singkatau ngi kumu, kuteu Mawu mangonggo u al᷊amati-E si kumu.”

30Ndai mal᷊ou i Musa nangul᷊i su manga bangsa e'e, “I kumu seng nukoa dosa ko l᷊abo. Kateho orasi i'i ia sarung sumaka wul᷊uri e'e sau guna ngu mupasaruang ngu Mawu; kere botonge ia makarea kal᷊aampung u dosa ngi kumu.” 31Bou e'e i Musa natarai l᷊ai nupasaruang Mawu dang nangul᷊i, “Bangsa e'e seng nukoa dosa ko l᷊abo. I sire nukoa mahang mawu bou wul᷊aeng. 32#Mzm. 69:28; Kl᷊h. 3:5Kere botonge onggol᷊eko ampunge su dosa ngi sire, kamangkeng ta, mue arengku bou buki u manga taumata ko wiahi.”

33 Mawu nusumimbahi, “Kitang manga taumata ko seng nubardosa su saruang-Ku sarung Daku mukang arenge bou buki e'e. 34Dakoe orasi i'i tamai dang wawako i sire sarang tampa ko seng Daku niul᷊i si kumu. Malaikati-Ku sarung mangaha si kumu, kateho temponge sarung sumongo manga taumata e'e Daku ihukung watu'u kaul᷊i u dosa ngi sire.”

35Bou e'e Mawu nupasongo silaka su manga taumata e'e watu i sire nanihasa si Harun pukoa patong sapi wul᷊aeng e'e.

Currently Selected:

SASUWANG 32: PLT

Highlight

Copy

Compare