SASUWANG 31
31
Mawu Ruata namile manga taumata guna ngu pukoa Kema dang sal᷊iumpuhi
(Sasu. 35:30–36:1)
1 Mawu nuhengetang si Musa, 2“Ia seng namile si Bezaleel ana i Uri, pung i Hur bou suku ngi Yehuda, 3dang nangonggo si sie dingang u kawasa-Ku.#31:3: kawasa-Ku arau roh-Ku. I sie Daku nionggol᷊ang u titong, kapapande dang kakapilesa, su l᷊al᷊ung u kaul᷊i u patiku hal᷊i ko matahuki: 4guna ngu mukoa gambari hal᷊i ko mupake kapapande l᷊au muhal᷊i bou wul᷊aeng, sal᷊aka dang witu; 5guna ngu pangehoghi watu permata ko sarung pul᷊ighahi, guna ngu mangukiri kau dang guna ngu haghi ngu hal᷊i ko matahuki ko wal᷊inge. 6I Oholiab, ana i Ahisamakh bou suku ngi Dan, seng Daku nipile l᷊ai guna ngu pusumbala si sie. Daku nionggol᷊ang l᷊ai kapapande ko takoae sihinge su manga base ko pande, tadeau i sire botonge mukoa apang ko Daku parentang: 7Kema-Ku, Wantal᷊i u Pudadiandi dang tatakae, kaul᷊i u sal᷊iumpuhi u Kema, 8Ko meda dang sal᷊iumpuhi, rihi ngu sol᷊o bou wul᷊aeng tuleng dingang u sal᷊iumpuhi, mesba tampa u panutungang dupa, 9mesba tampa u korbang tongkateng dang kaul᷊i u sal᷊iumpuhi, bak u ake dingang u l᷊ampahie, 10pakeang u nggaweti guna ngi Harun dang manga anae, ko mambeng l᷊ohokang su tempo ngi sire muhal᷊i kere imam, 11l᷊ana guna ngu upacara dang dupa ko mawungi guna ngu kamari ko susi. Kaul᷊i e'e mambeng koateng i sire sintuhu u tul᷊ara ko Daku nionggo si kau.”
Sabati, l᷊ou pangindul᷊eng
12 Mawu nuparenta si Musa 13tadeau pamohang su bangsa Israel, “Tinaungeko l᷊ou ngu Sabati, l᷊ou ko seng Daku nitantu kere l᷊ou pangindul᷊eng. Guna ngu sarang kal᷊iwuenge l᷊ou e'e makoa putatinaungang su tal᷊oara i kumu dingang-Ku, tadeau i kumu matitong himoneu koa Ia Mawu, dang himoneu Ia seng nudiandi ngi kumu, bangsa-Ku sisane. 14-15#Sasu. 20:8-11, 23:12, 34:21, 35:2; Im. 23:3; Sau. 5:12-14L᷊ou pangindul᷊eng e'e mambeng adateng i kumu kere L᷊ou ko susi. I kumu Daku onggol᷊ang nungu l᷊ou puhal᷊i, kateho l᷊ou kapitunge l᷊ou ko l᷊abo ko nitani guna ngu Ia. I sai ko ta mangadati, kateho muhal᷊i su l᷊ou e'e mambeng ihukung pateng. 16Bangsa Israel mambeng mamantughi l᷊ou e'e bou hintou sarang hintou kere tatia bou pudadiandi. 17#Sasu. 20:11L᷊ou e'e ko simbau putatinaungang ko tatapi su tal᷊oara u bangsa Israel dingang-Ku, watu'u Ia, Mawu seng nundiadi l᷊angi dingang u dunia su l᷊al᷊ung u tempo nungu l᷊ou, dang su l᷊ou kapitunge Ia nangindul᷊e.”
18Saritau nasue bou nudidato dingang i Musa su Wul᷊uri u Sinai, Mawu Ruata nangonggo si sie watu manipi dua mbuka ko seng niwohe u Mawu Ruata dingang u manga parenta-E.
Currently Selected:
SASUWANG 31: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 31
31
Mawu Ruata namile manga taumata guna ngu pukoa Kema dang sal᷊iumpuhi
(Sasu. 35:30–36:1)
1 Mawu nuhengetang si Musa, 2“Ia seng namile si Bezaleel ana i Uri, pung i Hur bou suku ngi Yehuda, 3dang nangonggo si sie dingang u kawasa-Ku.#31:3: kawasa-Ku arau roh-Ku. I sie Daku nionggol᷊ang u titong, kapapande dang kakapilesa, su l᷊al᷊ung u kaul᷊i u patiku hal᷊i ko matahuki: 4guna ngu mukoa gambari hal᷊i ko mupake kapapande l᷊au muhal᷊i bou wul᷊aeng, sal᷊aka dang witu; 5guna ngu pangehoghi watu permata ko sarung pul᷊ighahi, guna ngu mangukiri kau dang guna ngu haghi ngu hal᷊i ko matahuki ko wal᷊inge. 6I Oholiab, ana i Ahisamakh bou suku ngi Dan, seng Daku nipile l᷊ai guna ngu pusumbala si sie. Daku nionggol᷊ang l᷊ai kapapande ko takoae sihinge su manga base ko pande, tadeau i sire botonge mukoa apang ko Daku parentang: 7Kema-Ku, Wantal᷊i u Pudadiandi dang tatakae, kaul᷊i u sal᷊iumpuhi u Kema, 8Ko meda dang sal᷊iumpuhi, rihi ngu sol᷊o bou wul᷊aeng tuleng dingang u sal᷊iumpuhi, mesba tampa u panutungang dupa, 9mesba tampa u korbang tongkateng dang kaul᷊i u sal᷊iumpuhi, bak u ake dingang u l᷊ampahie, 10pakeang u nggaweti guna ngi Harun dang manga anae, ko mambeng l᷊ohokang su tempo ngi sire muhal᷊i kere imam, 11l᷊ana guna ngu upacara dang dupa ko mawungi guna ngu kamari ko susi. Kaul᷊i e'e mambeng koateng i sire sintuhu u tul᷊ara ko Daku nionggo si kau.”
Sabati, l᷊ou pangindul᷊eng
12 Mawu nuparenta si Musa 13tadeau pamohang su bangsa Israel, “Tinaungeko l᷊ou ngu Sabati, l᷊ou ko seng Daku nitantu kere l᷊ou pangindul᷊eng. Guna ngu sarang kal᷊iwuenge l᷊ou e'e makoa putatinaungang su tal᷊oara i kumu dingang-Ku, tadeau i kumu matitong himoneu koa Ia Mawu, dang himoneu Ia seng nudiandi ngi kumu, bangsa-Ku sisane. 14-15#Sasu. 20:8-11, 23:12, 34:21, 35:2; Im. 23:3; Sau. 5:12-14L᷊ou pangindul᷊eng e'e mambeng adateng i kumu kere L᷊ou ko susi. I kumu Daku onggol᷊ang nungu l᷊ou puhal᷊i, kateho l᷊ou kapitunge l᷊ou ko l᷊abo ko nitani guna ngu Ia. I sai ko ta mangadati, kateho muhal᷊i su l᷊ou e'e mambeng ihukung pateng. 16Bangsa Israel mambeng mamantughi l᷊ou e'e bou hintou sarang hintou kere tatia bou pudadiandi. 17#Sasu. 20:11L᷊ou e'e ko simbau putatinaungang ko tatapi su tal᷊oara u bangsa Israel dingang-Ku, watu'u Ia, Mawu seng nundiadi l᷊angi dingang u dunia su l᷊al᷊ung u tempo nungu l᷊ou, dang su l᷊ou kapitunge Ia nangindul᷊e.”
18Saritau nasue bou nudidato dingang i Musa su Wul᷊uri u Sinai, Mawu Ruata nangonggo si sie watu manipi dua mbuka ko seng niwohe u Mawu Ruata dingang u manga parenta-E.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in