E MATIU 2
2
1 Koe tataki e he fetuu ae kau tagata boto mei he botu fakahahake kia Kalaisi. 11 Ko e nau ku kiate ia moe atu e nau gaahi mea ofa. 14 Koe holataki e Josefa a Jisu mo ene fa e ki Ijibite. 16 Koe tamate‘i e Helota ae gaahi fānau. 20 Koe mate aana. 23 Koe toe omi a Kalaisi ki Nasaleti i Kaleli.
1BEA kuo alo‘i a Jisu i Betelehema i Jutea, i he gaahi aho o Helota koe tu‘i, vakai, nae ha‘u ae kau tagata boto mei he botu hahake ki Jelusalema. 2O behe, Oku ife ia aia kuo alo‘i koe Tu‘i oe kakai Jiu? he kuo mau mamata i he botu hahake ki hono fetuu, bea kuo mau ha‘u ke hu kiate ia. 3Bea kuo fanogo ai a Helota koe tu‘i, nae bubutuu ia, mo Jelusalema kotoabe mo ia. 4Bea kuo fakakatoa eia ae kau taulaeiki lahi kotoabe moe kau tagata tohi oe kakai, nae fakababau ia meiate kinautolu be alo‘i ife ae Kalaisi. 5Bea nau beheage kiate ia, I Betelehema i Jutea: he oku behe hono tohi e he balofita. 6Ko koe Betelehema, i he fonua o Juta, oku ikai aubito koe jii hifo koe i he gaahi eiki o Juta: koeuhi e ha‘u meiate koe ha Bule, aia te ne bule‘i hoku kakai ko Isileli. 7Bea toki fekau fakafufu e Helota ke ha‘u ae kau tagata boto, bea fehui fakababau kiate kinautolu be nae ha mai anefe ae fetuu. 8Bea ne fekau akinautolu ki Betelehema, o ne behe, Mou alu o kumi lahi ki he tamajii, bea ka mou ka ilo ia, mou fakaha mai kiate au, koeuhi keu alu atu o hu foki kiate ia. 9Bea kuo nau fanogo ki he tu‘i, bea nau alu; bea vakai, koe fetuu naa nau mamata ai i he botu hahake, nae alu muomua iate kinautolu, o a‘u ki he botu nae i ai ae tamajii bea tuu mei ai i oluga. 10Bea i he e nau mamata ki he fetuu, naa nau fiefia i he fiefia lahi aubito.
11Bea i he e nau hu ki he fale, naa nau mamata ki he tamajii nae i he ene fa‘e ko Mele, mo nau fakatomabee o hu kiate ia; bea kuo nau vete e nau koloa, naa nau atu kiate ia ae gaahi mea ofa; koe koula, moe laibeno, moe mula. 12Bea i he valokia akinautolu e he Otua i he miji, ke oua te nau toe alu kia Helota, naa nau alu ki ho nau fonua i ha hala kehe. 13Bea kuo alu akinautolu, iloage, kuo ha mai ha agelo ae Eiki kia Josefa i he miji, o ne behe, Tuu hake o ave ae tamajii mo ene fa‘e, bea ke holataki ki Ijibite, bea ke nofo ai ke oua keu fakaha kiate koe: koeuhi e kumi e Helota ae tamajii ke tamate‘i ia. 14Bea tuu hake ia, o ne ave ae tamajii mo ene fa‘e i he bo, o alu ki Ijibite: 15Bea nae i ai ia o a‘u ki he mate a Helota: ke fakamooni aia nae folofola aki e he Eiki i he balofita, o behe, Kuou ui mai hoku foha mei Ijibite.
16Bea kuo toki ilo e Helota kuo kākā‘i ia e he kau tagata boto, bea ita lahi aubito, mo ne fekau atu ki Betelehema moe gaahi botu ofi ki ai, ke tamate‘i ae tamaiki tagata kotoabe, gata i he ua ta‘u oe nau lahi o fai ki mui; o fakatatau ki he aho naa ne fehui fakababau ai ki he kau tagata boto. 17Bea nae toki fakamooni aia nae lea aki ehe balofita ko Jelemaia, o behe, 18Nae ogo‘i i Lama ae le‘o, koe lāuga, moe tagi, moe tagilāulāu, koe tegihia e Lejieli ene fānau, bea ikai te ne tali ae fiemalie, koeuhi kuo ikai akinautolu.
19Ka kuo mate a Helota, bea vakai, nae ha mai ha agelo ae Eiki kia Josefa i he miji i Ijibite, 20O ne behe, Tuu hake, bea ave ae tamajii mo ene fa‘e, bea alu ki he fonua o Isileli; he kuo mate akinautolu nae kumi ki he moui ae tamajii. 21Bea tuu hake ia o ave ae tamajii mo ene fa‘e, bea ha‘u ki he fonua o Isileli. 22Ka i he ene fanogo oku bule e Akileosi i Jutea koe fetogi o ene tamai ko Helota, nae manavahe ia ke alu ki ai: bea i he valoki ia e he Otua i he miji, naa ne afe ki he gaahi botu o Kaleli: 23Bea ha‘u ia o nofo i he kolo ko Nasaleti: koeuhi ke fakamooni aia nae lea aki e he kau balofita, E ui ia koe Nasaline.
Currently Selected:
E MATIU 2: TWB
Highlight
Share
Copy
Want to have your highlights saved across all your devices? Sign up or sign in
