Epesoon 5
5
In Beeɗɛɛ Pɛɗɛrkaat
1Sisɔ in gaayɛɛ Waakoyo, oko sinɛ iinak tɔɔmɔk gɛɛŋk sigɛ kɔnu poruk. 2In ɓɔrɔ beeɗɛɛ mɛyin nɛɛkɛk oko sinɛ tin poriiɗ Kerese sinɛɓa gaɓɛ ɛɛk nɛɛk agut eteŋkik a tigi a uduŋeet sinɔ ŋaaɗɛ yaagarŋɔŋk a ari Waakoyo a yaageeɗŋɔŋk.
3Kat kɔne tiyɛɛ a daktan any sinɔ ito sinik kat ijaagɛɛ ruunyikeen, maŋk somakɔ sigɔ ɓɛɛlɛr kundiyaakɛk, maŋk ɓukurka amɗoŋk, agut sinɔ ola sigɔ ito sigik kir ɗegegerit a joop Waakoyotoŋk. 4Kikɔna ɗɛyɛɛ a toniir any sinɔ keerɛŋɔŋk a any sinɔ ɓɛɛl kanysɛyaak maŋk sinɔ ŋɛɛwɛnŋɔŋk, ma in wideerɛɛ pɔɔsiyɛ Waakoyota. 5In ɗegerɛɛ kɛ iɗit sinɔ ibiɗiiŋɔŋk a sinɔ ijaag somakɔɔk maŋk ɓukurka amɗoŋk sinɔ ito ugumɛɛ raŋaawotakaak kiiɗɛ koy nyon burɛɛ Waakoyotoŋk.
6Kat lakɛ iɗit sinɔ kɔnu raamɛ toniiɗ sinɔɔnɛ ɓɛɛlɛ kanysɛyaak agut ola sigi, agut sinɔkɔɔ mɛlkiɗ goopan Waakoyotoŋk joopa sigaaga kir tiiɗitikiŋ. 7Nɛ kat ɓɛɛlɛɛr a joop sigi kir tiiɗitik agut omoŋ. 8Agut sinɔ atukariɓa jeemɛ nyuugur tak, mayakanaɓɔ sisɔ atukari pɛɗɛrkaat Suumiyoŋk. Agut sini in ɓɛɛlɛɛ oko tɔɔmɔk sigɔ beeɗir pɛɗɛrkaatik. 9Agut sinɔ gaɓɛ pɛɗɛrkaat mentanka baŋɛ, a mentanka taamɛkɛ Waakoyotoŋk, a eekeer. 10In warɛɛ any sinɛ ar Suumi a yaageeɗŋɔŋk. 11Kat ɓɛɛlɛɛr a ijaag nyuuguroŋk sinɔ ŋɛɛwɛnŋɔŋk kiiɗɛ taamɛk agut omoŋ, ma in boŋkɛɛ pɛɗɛrkaata kɛnɔ yaaŋɛɛ. 12Agut sinɔ lakɛ aasi keeny sinɔɔna toniiɗɛɛ ola sigɛ ijaagir joop dugeeɗik. 13Dɛnɛɛ any baŋɛ kɛ ɗɔm eekeer gɛɛŋk saa ŋaarkiɗ pɛɗɛrkaataak. 14Agut sinɔ ege any sinɛ dɛnɛɛk baŋɛ pɛɗɛrkaak, agut sini tonɛɛɓa kɛ, "Iin sinɛ ɗeegarink ɓeɗik, teŋaarak ret walasa, tipeyɗiirkɔɔna Kereseeŋ."
15Sisɔ in koorɛɛ ɛɛk sinɔɔnɛ kɛ beeɗiir ɛkik. Kat beeɗɛɛ oko gaagɛyɛ, ma in beeɗɛɛ oko joop sigɔ ɗegerar ɛɛkik. 16In ijaagɛɛ any sinɔ mentanŋɔŋk milkii sinaanɛ laŋiirik baŋɛ, agut sinɔ ŋɛɛwɛɛkiɗ ɓɛɛnyɔwɛ gɛɛnɛŋɔŋk. 17Agut sini kat ɓɛɛlɛɛ a iinak gaagɛyɛ, ma in koɓukɛɛ ɗɛyan Suumiyoŋk.
18Kat pɔɔyɛɛ ogool wɛyinik agut sinɔ kɔɔ kɔnu diileɗ badɛɛɗak, ma in enyɛriikɛɛ Wɛɛŋakɛ sigɔɔgɛ Geetitaanakik. 19In waawasikɛɛ ɛkanɛɛkɛ goŋk iiliyakɛ, a tukuun, a iiliya sigɔ geetitaanakik, in pɔɔsɛɛ Suumi ɓayɛtunɛɛkɛ goŋk, 20ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.
Jartiyatɔk A Babuyk
21In iɗit tiiɗi mɛŋka ɛkanɛɛkɛ goŋk agut eemɛyɔn Kereseek. 22Iinak jartiyatɔk, in tiiɗikɛɛ babuyka goŋk oko sinɛ tiiɗiɗɔ Suumiya Yeeseyaak, 23agut sinɔ baabuy ɔɗɔ jartiyoŋk oko sinɛ ege Kerese ɔɗɔ gode Sambatɛyoŋkuk, nɛ Sɛɛn ebɔdtan gode Sambatɛyoŋk sinɛ sɛɛn ɛɛk nɛɛkik. 24In jartiyatɔ tiiɗi babuyka gɛŋk olaatɛ baŋɛ, oko sinɛ gode Sambatɛyoŋk tiiɗiɗ Kereseyaak.
25Iinak babuyk, in porɛɛ jartiyatɔ goŋk oko sinɛɓa poriiɗ Kerese gode Sambatɛyoŋk, nɔɓa gaɓɛɛɗ ɛɛk nɛɛk agut sɛɛnik, 26nɔɓa ijaagiiɗ sinik ɗɛyɛɓa kɛnɔ geet gode Sambatɛyoŋk pɛɛnii nɛɛkɛ aɓa aadi maawɛ, 27ɛɓa ɗɛyɛ kɛnɔ wideer gode Sambatɛyoŋk sinɛ eemɛytank taamɛka gɛɛnaak a mentan a kiiɗɛ laŋiiɗ turi a kir muuwan taamɛ gɛɛnɛk, a geetitan a kɛɛ any sinɔ ŋayɗiikiɗik. 28Oko sinik, babuyk ɗɛyɛ sɛɛga a porur jartiyatɔ gɛŋk oko sinɛ porurɗu ɛkan gɛŋkik. Iɗit sinɔ poru jarti nɛɛkik poru ɛɛk nɛɛk. 29Kɛɛ iɗit sinɔ ɓooyu ɛɛk nɛɛkik adaktan. Oko sinɛ wɔɔrɛɗ ɛɛk nɛɛk ɗamatik nɛɓɔrɛ Kerese lowu ɛ wɔɔrɛ gode Sambatɛyoŋk oko sinik, 30agut sinɔ eteŋk ɓɔrɛ nyonitaak ɛɛk Kereseek. 31Agut sinɔ tonɛɛɓa Wargatɛɛ Waakoyotoŋk kɛ, "Iɗit ŋɔrku ɛpɛn a ɛmɛs, nɛ lotɛr ɛɛk a jarti nɛɛk, sɛɛg ɛɛk omoŋ pɛɛyikent nɛŋk." 32Obi any sini dugaaŋɔŋkuŋ, nɔ toniiɗa sinik araakɔ a rɔmɛ Keresee a gode Sambatɛyoŋk. 33Mayakana mermen ɓɔrɛ kɔnu any siniŋ, nɛ in poru baabuuy jarti nɛɛk oko ɛɛk nɛɛk, maɓɔrɛ in eemɛy jartii baabuy nɛɛk.
Currently Selected:
Epesoon 5: KSTM
Highlight
Share
Copy
Want to have your highlights saved across all your devices? Sign up or sign in
Epesoon 5
5
In Beeɗɛɛ Pɛɗɛrkaat
1Sisɔ in gaayɛɛ Waakoyo, oko sinɛ iinak tɔɔmɔk gɛɛŋk sigɛ kɔnu poruk. 2In ɓɔrɔ beeɗɛɛ mɛyin nɛɛkɛk oko sinɛ tin poriiɗ Kerese sinɛɓa gaɓɛ ɛɛk nɛɛk agut eteŋkik a tigi a uduŋeet sinɔ ŋaaɗɛ yaagarŋɔŋk a ari Waakoyo a yaageeɗŋɔŋk.
3Kat kɔne tiyɛɛ a daktan any sinɔ ito sinik kat ijaagɛɛ ruunyikeen, maŋk somakɔ sigɔ ɓɛɛlɛr kundiyaakɛk, maŋk ɓukurka amɗoŋk, agut sinɔ ola sigɔ ito sigik kir ɗegegerit a joop Waakoyotoŋk. 4Kikɔna ɗɛyɛɛ a toniir any sinɔ keerɛŋɔŋk a any sinɔ ɓɛɛl kanysɛyaak maŋk sinɔ ŋɛɛwɛnŋɔŋk, ma in wideerɛɛ pɔɔsiyɛ Waakoyota. 5In ɗegerɛɛ kɛ iɗit sinɔ ibiɗiiŋɔŋk a sinɔ ijaag somakɔɔk maŋk ɓukurka amɗoŋk sinɔ ito ugumɛɛ raŋaawotakaak kiiɗɛ koy nyon burɛɛ Waakoyotoŋk.
6Kat lakɛ iɗit sinɔ kɔnu raamɛ toniiɗ sinɔɔnɛ ɓɛɛlɛ kanysɛyaak agut ola sigi, agut sinɔkɔɔ mɛlkiɗ goopan Waakoyotoŋk joopa sigaaga kir tiiɗitikiŋ. 7Nɛ kat ɓɛɛlɛɛr a joop sigi kir tiiɗitik agut omoŋ. 8Agut sinɔ atukariɓa jeemɛ nyuugur tak, mayakanaɓɔ sisɔ atukari pɛɗɛrkaat Suumiyoŋk. Agut sini in ɓɛɛlɛɛ oko tɔɔmɔk sigɔ beeɗir pɛɗɛrkaatik. 9Agut sinɔ gaɓɛ pɛɗɛrkaat mentanka baŋɛ, a mentanka taamɛkɛ Waakoyotoŋk, a eekeer. 10In warɛɛ any sinɛ ar Suumi a yaageeɗŋɔŋk. 11Kat ɓɛɛlɛɛr a ijaag nyuuguroŋk sinɔ ŋɛɛwɛnŋɔŋk kiiɗɛ taamɛk agut omoŋ, ma in boŋkɛɛ pɛɗɛrkaata kɛnɔ yaaŋɛɛ. 12Agut sinɔ lakɛ aasi keeny sinɔɔna toniiɗɛɛ ola sigɛ ijaagir joop dugeeɗik. 13Dɛnɛɛ any baŋɛ kɛ ɗɔm eekeer gɛɛŋk saa ŋaarkiɗ pɛɗɛrkaataak. 14Agut sinɔ ege any sinɛ dɛnɛɛk baŋɛ pɛɗɛrkaak, agut sini tonɛɛɓa kɛ, "Iin sinɛ ɗeegarink ɓeɗik, teŋaarak ret walasa, tipeyɗiirkɔɔna Kereseeŋ."
15Sisɔ in koorɛɛ ɛɛk sinɔɔnɛ kɛ beeɗiir ɛkik. Kat beeɗɛɛ oko gaagɛyɛ, ma in beeɗɛɛ oko joop sigɔ ɗegerar ɛɛkik. 16In ijaagɛɛ any sinɔ mentanŋɔŋk milkii sinaanɛ laŋiirik baŋɛ, agut sinɔ ŋɛɛwɛɛkiɗ ɓɛɛnyɔwɛ gɛɛnɛŋɔŋk. 17Agut sini kat ɓɛɛlɛɛ a iinak gaagɛyɛ, ma in koɓukɛɛ ɗɛyan Suumiyoŋk.
18Kat pɔɔyɛɛ ogool wɛyinik agut sinɔ kɔɔ kɔnu diileɗ badɛɛɗak, ma in enyɛriikɛɛ Wɛɛŋakɛ sigɔɔgɛ Geetitaanakik. 19In waawasikɛɛ ɛkanɛɛkɛ goŋk iiliyakɛ, a tukuun, a iiliya sigɔ geetitaanakik, in pɔɔsɛɛ Suumi ɓayɛtunɛɛkɛ goŋk, 20ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.
Jartiyatɔk A Babuyk
21In iɗit tiiɗi mɛŋka ɛkanɛɛkɛ goŋk agut eemɛyɔn Kereseek. 22Iinak jartiyatɔk, in tiiɗikɛɛ babuyka goŋk oko sinɛ tiiɗiɗɔ Suumiya Yeeseyaak, 23agut sinɔ baabuy ɔɗɔ jartiyoŋk oko sinɛ ege Kerese ɔɗɔ gode Sambatɛyoŋkuk, nɛ Sɛɛn ebɔdtan gode Sambatɛyoŋk sinɛ sɛɛn ɛɛk nɛɛkik. 24In jartiyatɔ tiiɗi babuyka gɛŋk olaatɛ baŋɛ, oko sinɛ gode Sambatɛyoŋk tiiɗiɗ Kereseyaak.
25Iinak babuyk, in porɛɛ jartiyatɔ goŋk oko sinɛɓa poriiɗ Kerese gode Sambatɛyoŋk, nɔɓa gaɓɛɛɗ ɛɛk nɛɛk agut sɛɛnik, 26nɔɓa ijaagiiɗ sinik ɗɛyɛɓa kɛnɔ geet gode Sambatɛyoŋk pɛɛnii nɛɛkɛ aɓa aadi maawɛ, 27ɛɓa ɗɛyɛ kɛnɔ wideer gode Sambatɛyoŋk sinɛ eemɛytank taamɛka gɛɛnaak a mentan a kiiɗɛ laŋiiɗ turi a kir muuwan taamɛ gɛɛnɛk, a geetitan a kɛɛ any sinɔ ŋayɗiikiɗik. 28Oko sinik, babuyk ɗɛyɛ sɛɛga a porur jartiyatɔ gɛŋk oko sinɛ porurɗu ɛkan gɛŋkik. Iɗit sinɔ poru jarti nɛɛkik poru ɛɛk nɛɛk. 29Kɛɛ iɗit sinɔ ɓooyu ɛɛk nɛɛkik adaktan. Oko sinɛ wɔɔrɛɗ ɛɛk nɛɛk ɗamatik nɛɓɔrɛ Kerese lowu ɛ wɔɔrɛ gode Sambatɛyoŋk oko sinik, 30agut sinɔ eteŋk ɓɔrɛ nyonitaak ɛɛk Kereseek. 31Agut sinɔ tonɛɛɓa Wargatɛɛ Waakoyotoŋk kɛ, "Iɗit ŋɔrku ɛpɛn a ɛmɛs, nɛ lotɛr ɛɛk a jarti nɛɛk, sɛɛg ɛɛk omoŋ pɛɛyikent nɛŋk." 32Obi any sini dugaaŋɔŋkuŋ, nɔ toniiɗa sinik araakɔ a rɔmɛ Keresee a gode Sambatɛyoŋk. 33Mayakana mermen ɓɔrɛ kɔnu any siniŋ, nɛ in poru baabuuy jarti nɛɛk oko ɛɛk nɛɛk, maɓɔrɛ in eemɛy jartii baabuy nɛɛk.
Currently Selected:
:
Highlight
Share
Copy
Want to have your highlights saved across all your devices? Sign up or sign in